مر خمس سنين من عمري واني كاعدة عد عيالي اكرب شغل طبعا الي جان مهون عليه حنية عمي وياسر جانت معاملته زينه وياي اما عمتي فتكرهني وتحير شسوي هيه وسحر وحمويني همة ونسوانهم زينين ما عدا واحد جنت اضوج منه وهوة حمايه "علي" طبعـا لان مارتاح لنضراته جنت اني ونسوان حمايه الاثنين سرى ووسن صديقات كلش وطبتنه وطلعتنه سوية ومرة جنه طالعين
سرى: اكلج بثينه ذاك اليوم داحجي وية اختي وكلتلي اكو دكتورة حيل شاطرة ليش متروحيلها
ماما: يمعودة اني مليت من المراجعات وبدون فايدة عشنو دا ادوخ روحي وحتى ياسر كلي لتروحين بعد
وسن: دمشي هسه شخسرانين احنه خلي نشوف
ماما: امري لله امشوا
رحت اول ما كعدت جانت دكتورة حبابه
سمر: سلام عليكم ماما تفضلي
ماما: وعليكم سلام اني صارلي 5 سنين اراجع وميصير عندي حمل مخليت دكتورة مرحتلهـا وكلهـا تكول ميصير عندج
سمر: مو مشكله هسه افحصج واشوف فحصتني وطلعت كالت منو كلج ميصير عدج حمل انتي بس مجرد هسه انطيج منشط للمبايض مالتج وهاهيه وخلال شهر انشاء الله يصير
بثينه: طبعا اخذته واني ممصدكة ومتوقعه نفس النتيجه
رحت للبيت لكيت سحر مسويتلنا عرس
سحر: اخيرا شرفتا
وسن: هي هي انتي شبيج شهل حجي قابل طالعين من غير اذن رجولتنا
سحر : لا والله ولكم شنو امي تخلوها تكنس ونتن دايحات
ماما: مجنه دايحات رحت للدكتور
سحر: باع هاي ولج انتي وين عايشه لج بابا اصحي انتي عقيمه مستحيل تحلمين يصير عدج جاهل اوكي اني كبالج حامل هسه واني ازوجت وراج بسنه ونص
ماما: امر الله حبي مو اني الي رايده هذا والحمد الله ياسر محاجي ولا شاكي
سحر: والله اذا ما ازوج اخوي واخلي يجيب 10 جهال ونتي موتي بقهرج
ماما: اختاريت السكوت لان ماعدي حل لشوكت يضل منتضرني صار خمس سنين واني كاعدة بلا جهال اووف ربي
سحر: يله عيني كومن وبعد خنشوف امي تشتغل
وكبت العركه بين وسن وسحر وسن جانت متسكت ابد على سحر وسمر جانت سياسيه ويه جميع الاطراف اما اني جنت منعزله ومافتح حلكي لان اعرف ماعدي ضهر وسند يحميني فشيجي اكول انعم الله
كمت نضفت وطبختلهم غدة واكلوا وكامت مرت حماي غسلت الماعين وجان كاعد ابن عم ياسر
عمر: هـاي جنتكم مصار عدها شي
سليمه: لا والله كلشي ماكو والله مدري شبي حض ياسر
عمر: والله هاي لو عدنا جان ذبيتها من السطح
طه: بس وجودها بالبيت كافي
ماما: جد هنا كلش فرحت احس اخذ حقي وخرسهم
مرت الايام وصار شهر وماكو شي واني جنت متوقع هل شي
ورة اسبوع من موعد فاتتني صحت وسن
وسن وسن لج وسن وينج
وسن: ها ها يمعودة شكو
ماما: يولي شو هاي صارلها 4 ايام فايتتني
وسن: امشي اخذج للدكتورة
ماما: يربي دخيلك امشي امشي
لبست عسريع ورحت واني بعدني عايشه بصدمة معقولة معقولة بعد كل هل فترة حيصير عدي جاهل
سويت تحليل وطلعت صدك حامل
