حرجع وياكم بالقصة الى الصفر
هـلاو انـي اسمـي براء حبلش وياكم قصتي من البدايه
طبعـا امـي مـن النجـف جدي جـان حيـل متشدد وقاسي عليهم بشكل جان من اكبر مخاوف امي ومن اتقدم ابوي بوكتها خيرها بين ابن عمها او ابوي الي جان ببغداد عايش ومن خوفها انو تتكرر نفس معانات امها والقهر طبعا خافت من انو يكون ابن عمها نفس طبع ابوها وفضلت تاخذ الغريب طبعا بابا اسمة ياسر وامي بثينه امي اخذت ستخارة وكالوا انو الشخص زين بس حيصير بينكم فراق مع ذلك امي ضلت موافقه على ابوي في سبيل تخلص من قهر جدي وبيوم العرس جانت الصدمة بنسبه لامي شافت ناس منفتحين وكلش يختلفون عن البيئه الي عاشت بيهـا امي
بيبي جانت خايفه حيل
امي: ها يمة شبيج مو على بعضج
بيبي: والله يا يمة خايفه عليج مادري شون حتكدرين تعاشرين ذولي الناس
امي: لتخافين يوم اني كدهـا
خلص العرس وبابا جان معجب جدا بشكل ماما لان ماما صاحبه جمال وشكل بس الكل مجان عاجبه الزواج وطبعـا ابوي ما اخذ امي عن حب هسه تكولون نجف وبغداد شون عرفها
خالت ابوي جانت جوارين اهل ماما وجانت حيل عاجبها تاخذ امي لابوي وصارت القسمه
امي كعدت الصبح كامت تريد تاخذ عبايتها وحجابهـا
بابا: بثينه وين رايحه؟
ماما: داجيب عبايتي حتى ننزل غير!
بابا: شنو عيني شوفي من هسه اكولج حجاب ماريد عبايه هاي ماريد لا والله اطلكج
امي: خلاص مثل متريد طبعـا ماما جانت تذكر وصية امها انو شيريد رجلج تسوين اهم شي لتجين بيوم زعلانه
كعدت ماما الدموع تارسه وجها وهيه فقدت اغلا شي عدها وهوه حجابها
ماما (بداخلها) : اي يبثينه حتنزعين حجابج ونتي الي جان ينحلف بحجابج وبصومج وصلاتج يلا سلمت امري لـ لله
طبعـا ماما تزوجت وهيه عمرها 17
ماما: اكلك لعد شلبس
بابا: مادري شوفي اي شي المهم ماكوا عبايه ونزل
ماما: حاضر
وف يربي ماعدي شي خلاص يلا حلبس هاي الدشداشه
وصلت يم الباب بعدين رجعت يربي شون يعوفني وحدي اني هسه شون انزل 🙁
يلا بثينه قوي نفسج ونزلي لا لا شنو انزل وحدي
سمعت صوت ضحك
يربي وهيه ترجف شون انزل فجـأة نفتح الباب
فاطمه: يا خيه فهمنـا عروس بس مو طولتي يلا نزلي يا حلوة
ماما: اي هسه بس منو انتي؟
فاطمة: اني اصير بت عم رجلج
ماما: اها يلا نازله
نزلت ماما وهيه ترجف
ماما: ولج عزا هذولي شو الزلم كاعدين وية النسوان
فاطمه: هههههي لعد وين يكعدون بالله احنه هيج عدنه
ماما: اها يلا ميخالف
فاطمه : دفوتي فضيني
ماما: صباح الخير
الكل: صباح النور عروستنا الحلوة
عمتي (سحر) : يحضي هاي من اول يوم ذبت الحجاب هه
بيبي: يلا كومن صبن الغدة
اي يلا
سحر: شنو معاجبج تكومين
ماما: وياي
سحر: اي عيني لعد ويامن اي وياج
بابا: سحر 😒 كومي وعوفي بثينه
ماما: لا لا اني اصلا جنت اريد اكوم
بابا جر سحر
بابا: اذا اشوفج مضوجتها يا ويلج 😑
سحر: اي اي فتهمت
ماما : فتت للمطبخ حلو مابي شي بس لونة اصفر محلو صبينه الاكل وكمنه ناكل اباوع عليهم (بكلبي) يمة عزا ذولي شكد 5 اخوان وبنات ثنين كلهم ساكنين هنا
بيبي (سليمة): عجبج الاكل ( من ورة خشمها)
ماما: اي عاشت ايدج طيب
سليمة: اي لعد حضري نفسج من باجر اريد اطبخين الغدة واشوف شطارتج
ماما: يا حبيبي منين اجتني هاي هوة اني لحد ما ازوجت امي تغسل هدومي
اي يمة ادللي انشاء الله
