عشقته رغم كل شئ

الفصل الثاني

اليوم التالي
والد جميلة: أهلا بيكوا نورتونا
والد آدم: ده نورك ندخل في الموضوع علطول طبعا زي مانت عارف احنا جايين نطلب ايد جميلة لآدم ابني ايه رايك
والد جميلة: اكيد موافق انا مش هلاقي لجميلة بنتي احسن من آدم
والد آدم: انا راي ان احنا نعمل الخطوبة و كتب الكتاب الاسبوع الجاي و بعد شهر الفرح
آدم باندفاع: ليه
نظر له والده بغضب و تحزير علي انفعاله
آدم بهدوء: انا اقصد يعني ان كده كل حاجة هتكون بسرعة و احنا لسه منعرفش بعض كويس و بعدين احنا مخدناش راي العروسة الأول
والد جميلة باندهاش: متعرفوش بعض ازاي يا بني ده انتوا متربيين مع بعض و طول عمركوا سوه يبقي ازاي متعرفوش بعض و هيا كده كده ماعندناش مانع قولي يا بني انت جاي غصب عنك
آدم و هو يكبت غضبة و يدعي الهدوء : لا يا عمي مش قصدي خلاص اللي تشوفوه
والد آدم: طيب فين عروستنا الجميلة
والد جميلة : نازلة حالا
جميلة : ازاي حضرتك يا عمو
والد آدم: كويس يا حبيبتي انتي عاملة ايه
جميلة : كويسة ازيك يا آدم ازيك يا محمد
آدم بضيق خفيف : كويس
محمد بهدوء : كويس
والد آدم: طيب مش المفروض نسيب الولاد يقعدوا سوا شوية
والد جميلة : اه طبعا جميلة خدي آدم و خروجوا اتكلموا في الجنينة
جميلة : حاضر يا بابا
ثم نقلت بصرها الي آدم و قالت بهدوء: اتفضل
آدم: عن اذنكم
و غادروا
                ______________________
في الجنينة
آدم بغضب : اسمعي بقي الكلام اللي هقولهولك ده كويس انا بكرهك و مش بحبك و عمري مهحبك ابدا و عمري مهعتبرك زوجة
جميلة ببرود: ده علي اساس يعني اني بموت فيك مانا مجبورا عليك و مش انت الراجل بردو و ليك كلمتك يعني كان المفروض ترفض ولا ايه انهت كلامها  بسخرية شديدة
آدم بغضب حاول كتمانه وادعي البرود : والله كل واحد و ظروفه و انا ليا الظروف اللي تخليني اتجوزك
جميلة بسخرية : علي العموم ده مش موضوعنا احنا نتجوز لمدة سنة بعد كده نطلق و نقلهم ان احنا متفقناش اتفقنا
آدم ببرود : اتفقنا و اول مندخل نحاول نبين ان مفيش حاجة حصلت
جميلة ببرود: مش مستنياك تقولي اعمل ايه و معملش ايه
ثم تركته و رحلت رفع آدم رأسه قائلا بغضب : صبرني يا رب
ثم لحق بها
                ____________________
في الداخل
والد آدم: ايه رأيك يا محمد في موضوع الخطوبة و كتب الكتاب
والد جميلة : نشوف الاولاد انتو ايه رايكوا
نظروا إلي بعض قليلا و قالوا في صوت واحد
آدم/جميلة : مفيش مشكلة
والد جميلة : تمام انت بكره تاخد جميلة و تروحوا تجيبوا الشبكة
آدم بهدوء : انا معنديش مانع
جميلة بهدوء : ولا انا
و بعد قليل رحل آدم و اهله
                  _____________________
في غرفة جميلة
ما إن دخلت حتي انهار كل البرود الذي كانت ترسمه و انفجرت باكية بقوة اتت ندي لتطمئن عليها و لكنها  وجدتها تبكي بشدة أغلقت الباب و توجهت نحو اختها بسرعة و جلست بجانبها
ندي بقلق شديد : ايه اللي حصل يا جميلة بتعيطي ليه قالك ايه
جميلة ببكاء : قالي ان هو بيكرهني اوي و عمره ما هيحبني ابدا و عمره مهيعتبرني زوجة بجد و مدة جوازنا هتبقي سنة بس
ندي بهدوء : طيب اهدي علشان نعرف نفكر طيب
جميلة ببكاء : مبقاش فيها تفكير خلاص احنا هتتجوز السنة دي و كل واحد يروح لحالو انا مش هفرض نفسي عليه
ندي بضيق : تبقي عبيطة انتي كده بتتخلي عن حبك بكل بساطة يبقي انتي كده عمرك محبتيه
جميلة بحزن : انا لو مكنتيش بحبه كنت قولت لما دخلت علي  اللي هو قاله و مكنتش قولت علي حكاية الطلاق
ندي بهدوء : بصي بقي انتي تحاولي _________ اتفقنا
جميلة بهدوء : اتفقنا يارب ننجح
                  ____________________
عند آدم
اوصل عائلته و ذهب ليجلس علي البحر
آدم في نفسه : طيب انا ظلمتها معايا ليه هي معملتليش اي حاجة ليه مديهاش فرصة بس انا اديت قبلها لناس فرص كتير  و كلهم خذلوني انا مستحيل افتح قلبي لحد تاني ابدا و لازم اخليها تكرهني لازم
زفر بهدوء ووقف و اتجة الي عربته و رجع الي البيت
                ______________________
اليوم التالي
في بيت محمد شعيب
مامت جميلة: يلا يا جميلة البسي بسرعة زمان آدم علي وصول
جميلة : هو انتي مش هتيجي معانا
مامت جميلة : لأ يا حبيبتي عندي شوية حجات كده لازم اعملها بس ندي هتروح معاكي
جميلة : ماشي
بعد قليل
جرس الباب
والدة جميلة : أهلا يا آدم اتفضل عامل ايه
آدم بهدوء : كويس فين جميلة و ندي
والدة جميلة : نازلين
آدم : ماشي
جميلة / ندي : احنا جاهزين
آدم: تمام حضرتك مش جاية معانا يا طنط
والدة جميلة : لا يا حبيبي عندي شوية حجات
آدم: طيب عن إذن حضرتك يلا
لم ينطق اي شخص باي شئ طوال الطريق
                 ____________________
بعد قليل و صلوا الي و جهتهم
آدم ببرود: اتفضلوا اختاروا اللي يعجبكوا
بينما هم واقفين يشاهدون الذهب و الفضة
شخص : ايه ده جميلة وحشتيني جدا
يتبع
رائيكم ❤
توقعاتكم ❤❤
فوت + كومنت ❤😹