أستاذتي الغاليه

خناقه بدون سبب

استاذتي الغاليه
الفصل الثالث

تبسمت ليلي وقالت《 " خلاص يا سوسن ،،، الموضوع بسيط ،،،والاستاذه ناديه بتحبك جدا ،،،،وانت،،،،،،يا كابتن اظن خلاص اتفضل حضرتك علي شغلك ،،،واتمني لو حصلت اي مشكله تقوليلي انا مش أي حد مهما أن كان ..."》

انعقد حاجبا كريم بشده وقال《 هو مين دا اللي اي حد ،،،،دا أنا خالها ولازم تقولي اي مشكله معاها وبالذات هنا في المدرسه ،،،،مفهوم يا سوسن!》
تدخلت سوسن في الحديث " طبعا يا خالو يا حبيبي ،،،،لازم
اقولك لأنك حنون جدا وطيب جدا جدا، ،،تعرفي يا مس ليلي
خالي بيحبني اوي ،،،ودايما بيراعيني اكتر من بابا كمان. ،علشان كدا يوم الجمعه خالو عازمكم انتى ومس ناديه علي النادي ،،،خالو حبيبي هيدخل مسابقه السباحه...
ولازم كلنا نشجعه صح ،،،،،

ليصرخ كريم مع ليلي في نفس الوقت ،،،،لاء طبعا مستحيل
وينظرا الاثنان لبعضهما البعض بغيظ وبغض شديد ،،،
لتتدخل ناديه " صلوا على النبي يا جماعه ،،،،ايه يا حضره الضابط، ،،مش عاوز تعزمنا علي حاجه ساقعه، ،،،دا انت ابو الكرم كله،...
لتبتسم سوسن وتهمس في نفسها《 امال انا دخلتك في الموضوع ليه، ،،،هتكوني اكبر معين ليا 》
وتبتسم في ضعف ومسكنه" ليه كدا يا استاذتي ،،،،بحبك اوي والله وقلت هتكون فرصه اشوفك في جو لطيف زي النادي،،،،وخالو هيبقي مشغول في المسابقه والسباحه مش هيكون فاضي "

ليصمتا الاثنان صوتا ،،،ولكن حرب نظرات العيون لا تصمت،،،،،
ويبدأ كريم الكلام ضاغطا علي اسنانه " طبعا يشرفني يا مس
ناديه وجودك طبعا ،،،،حضرتك انسانه خلوقه مدرسه علي حق
مش تربيه شوارع ،،،ولا ليكي في الخناقات"
لترد ليلي هازئه " يشرفني اني اشوفك واتعرف علي اهلك المحترمين ،،،،،اكيد والدك طبعا مش بيحب المنظره ولا يقول كلام سخيف ،،،،كتير من الناس مش تستاهل ،،،،،وتنظر لكريم من الاعلي للاسفل بنظره مستفزه اللبس اللي بتلبسه"

          **************************************
دخلت ليلي منزلها لتجد والدها في انتظارها ،،،،،
"برضه يا بابا ،،،انت اللي جهزت الاكل بنفسك ،،،مش قلتلك تستني ،،،،وأنا اجهزلك كل الاكل اللي بتحبه"
ابتسم أبوها بحنان " حضرت النهارده الاكل كرشوه ،،،ولازم تسمعي الكلام المره دى يا ليلي"
تنهدت ليلي وقالت " اه ،،،يبقي في عريس جديد،،،،يا بابا يا حبيبي، ،،،،احنا اتفقنا الدكتوراه وبعدها الزواج،،،،،
ليجادلها اباها بهدوء" احنا اتفقنا علي الماجستير بس يا ليلي ،،،،الدكتوراه دى معناها أربع سنين كمان ،،،اتقى الله فيا يا ليلي ،،،،نفسي افرح ببنتي الوحيده ،،،،واخوكي كمان لسه صغير ،،،،عاوز ابقي جدووووووو"

لتضحك ليلي وتقول " حبيبي يا بابا ،،،،اولا بصراحه نفسي احقق حلم ماما اني ابقي دكتوره ،،،،ماما الله يرحمها دايما كانت بتقولي دكتوره ليلي"
لتدمع عينا ابيها " الله يرحمها ،،،ماتت قبل امتحانات الثانوية بأسبوع ودا أثر علي نفسيتك جدا ،،،،بس يا بنتي مستحيل تكون سعيده باللي انتي فيها ،،،،الزواج هيطمني ويطمنها عليكي ،،،،،"
اخذت ليلي نفس عميق وقالت" بصراحه ،،،،لحد دلوقتي، ،،،مفيش عريس شدني او حسيت بارتياح ناحيته"

ضحك والدها بشده" تحسي بأيه، ،،يا ليلي ،،،،،انتي مش بتدي فرصه لحد يلحق يقول جملتين علي بعض ،،،،ترتاحي امتي مثلا ،،،،،بعد ما تبهدليه انه فكر يتقدم "
"ايه يا بابا ،انت كمان هتقول زى ناديه، ،،،انا بطفش العرسان
مثلا"
احتضنها أبوها وقبل رأسها" لا سمح انت بتعملي كدا ،،،،لاء طبعا ،،،،انا اللي بيعمل كدا يا ناس"
            ****************************
" غدير ،،،غدير "سمعت غدير خطيبها ينادي عليها لتبتسم لصديقاتها بغرور وصلف وتقول "يلا سلام يا جماعه ،،،،كريم حبيب قلبي بينادي عليا "
لتقترب من كريم وتجده غاضب للغايه ويهتف بها " كام مره انبه عليكي مش تكلمي شله الصيع دول ،،،،صيتهم مالي النادي ،،،،وواصل كمان عندي القسم ،،،،اوبعدين معاكي،"

اقتربت منه غدير ووضعت يدها علي وجهه هامسه " حبيبي ،،،الشله بشوفها في النادي اوبس ،،،ومجرد كلام مع بعض،،،بعرف اخبار البنات والمجتمع منهم،،،،اسكت مش سميره ،،،،احتمال كبير تتخطب لأخو خطيبها الاولاني "

ليسأل كريم ببلاهه حقيقه " ليه هي اتخطبت كام مره لحد دلوقتي "
لتبتسم غدير وتلمس صدره في دلال صارخ" خمس مرات بس ،،،،ما انت عارف الخطوبه مش بتاخد فيها اكتر من شهرين ،،،،،مسكينه اوى اوى اوى "