أستاذتي الغاليه

لقاء أم صدام

استاذتي الغاليه
الفصل الاول
وقفت ليلى امام الفصل تشرح درسها بكل  اهتمام وتفصيل وتوضح الأجزاء الغامضة للطلاب وتستمع لاسئلتهم بصبر حتي انتهت الفتره ،،،،،
ليلي ،،،،ليلي ردى عليا ،،،،بلاش الغضب دا كله ،،،،احنا عشره خمس سنين مش يوم.
ردت ليلي بغيظ شديد علي ناديه ،،،" واللي عملتيه ده يصح ،،يا استاذه ناديه احنا في مدرسه ولا نادي للخطاب ،،،كل يوم يجي عريس شكل علشان يشوفني في المدرسه ،،،،،ويا تري مين اللي بيرشحني لكل عرسان البلد ،،،،ناديه حبيبه الكل،،،،،

ارتسم الذهول علي وجه ناديه وقالت" يا ناس حد يفهمها دى ،،،،يا ماما ايه الغلط عرسان وبتتقدملك وانتي وبتقومي
بالواجب مع كل واحد يجي المدرسه ،،،واللي يفكر يجى البيت
احتمال امه تكون صحيت الفجر وقالت له روح يا بني يكرمك باللي يطلع عينك زى ما طلعت عيني،،،

بهدوء ابتسمت ليلي وقالت " يا ناديه قلتلك الف مره ،،،،مش عاوزه اتجوز ولا ارتبط غير لما أخلص الرساله واناقشها،،،نفسي اخد لقب الدكتوره ليلي ،،،حلم حياتي ،،،،مستحيل اي شئ يوقفني عنه ،،،،،يا مفتريه اعمل فيكي ايه ،،،،اكتر ما لبست دبله في ايدي علشان تحلي عن  سمايا، ،ومفيش فايده ،،،،سؤال مهم يا ناديه " بتجيبي العرسان دى كلها منين"

قهقهت ناديه بسعاده ،،،عامله جروب عالفيس بأسم" للزواج فقط" وبقيت مشهوره اوي وبيطلبوا عرايس وعرسان كل يوم ،،،،
شهقت ليلي من الصدمه وهتفت صارخه " نهارك اسود منقط بازرق ،،،،عرسان من عالفيس وتخليهم يوصلوا كمان لحد المدرسه ،،،،،شكلك  اتجننتي خلاص يا ناديه ،،،،،،من غير يمين لو عريس جالي المدرسه هنا تاني ما هكلمك طول عمري فاهمه......
غمغمت ناديه بصوت غير واضح الملامح ،،،،فاهمه يا ختي، ،،،
خليكي لحد ما تعنسي  ،،،وأن شاء الله يسموكي استاذه عانس ،،،انا غلطانه واستاهل اللي بدور عليكي وعلي جوازك
وعلي ابوكي الغلبان و......و........

تركتها ليلي لتكمل الحديث مع نفسها وهي تهز رأسها متعجبه من تصرفات المجنونه ناديه
      ****************************************

الووووو ايوه يا سوسن ،،،في ايه ،،،،بتعيطي ليه يا حبيبه خالو ،،،،،مشكله عندك في المدرسه،،،،مين ضايقك ،،،،،دا انا هوديها ورا الشمس ،،،،،طيب انا هخلص النوباتشيه بعد العصر ومن الصبح بدري هكون عندك في المدرسه ،،،،،
سوسن " ربنا يخليك ليا يا خالو ،،،،،ايوه لازم يعرفوا ان خالو
ضابط شرطة وتبطل ترزل عليا ،،،،،ايه ؟ لاء يا خالو مش حكيت لبابا ولا ماما ،،،،دايما بيطلعوني انا الغلطانه، ،،،،معرفش ليه قرشين  ملحتي كدا اوي......
رد عليها كريم ،" يخرب بيت دماغك ،،،بتقولي ايه يا بت ،،،،،انا السبب ،،،،دلعتك زى ما اختي بتقول،،،،،بس ولا يهمك ،،،،لازم برضه برستيجك في المدرسه مش يضيع ،،،،يلا سلام دلوقتي.

سوسن ،،،،سلام يا خالو ،،،،يا حبيبي وسلم لي علي خطيبتك اللي اسمها ،،،،اسمها،،،،
كريم بسخريه، ،،،انتي يا منقرضه جسدا ومخا تنسي اسم خطيبتي ماشي يا ستي " غدير اسمها غدير " ويلا اجري من قدامي دلوقتي..... 
حاضر يا خالو ،،،،،،سلام .
لتضع سماعه الهاتف وتبتسم في خبث وشر وتقول في نفسها
" اول جزء من الخطه  تم علي خير ،،،،لما نشوف ،،،انا ولا انتي يا غدير هانم
استاذتي الغاليه
الفصل الثاني
استيقظ كريم باكرا ليذهب المدرسه لسوسن، ،،كريم يحب سوسن جدا ،،،،يعتبرها ابنته أكثر من ابنه اخته ،،،،وهي أيضا تحب خالها ،،،كأب ثان لها،،،،،،
" لو سمحتي فين حجره مدير المدرسه ،،،،"
(ليه يا حضره الضابط هو الأستاذ عبد الفتاح عمل حاجه عالصبح،،،،هو مدير مشكله ،،،،ويستاهل كل اللي يجراله، ،،،انا عارفه ،،،،لازم ينهي الشغل بتاعه بمصيبه،،،،من عمايله وظلمه
لكل المدرسات في المدرسه و...............)
قاطعها كريم هاتفا بحده" يا استاذه من فضلك ،،،،غرفه المدير ،،،،ورايا شغل مش فاضي لكل الكلام دا...."
اتفضل ورايا حضره الضابط، ،،هوصلك بنفسي ،،،ولو اني والله كان نفسي اطمن علي الأستاذ عبد الفتاح ،،،،،،،