أستاذتي الغاليه

وفاء

أستاذتي الغاليه
الفصل الثامن تعديل
"ايوه يا منه،،،اخبارك، ،،،في درس ماث النهارده ،،،،》

منه تتحدث بحماس《سيبك من الدرس ،،،احكيلي حصل ايه في الدنيا ،،،،خالك أعجب بالاستاذه ليلي ولا لسه》

تنهدت سوسن في شجن عجوز في التسعين《لسه ،،،بحاول أقرب بينهم ،،،كل مره تقلب بخناقة كبيره والحربايه خطيبته بتكلم طوب الأرض وتمشي مع كل المذكرات اللي في الدنيا وبرضه بيحبها وبيستعجلها الجواز وهي تقولوا " لاء يا بيبي خلينا نستمتع بأيام خطوبتنا الأول، ،،اوووف ادعي عليكي بأيه يا غدير يا بنت ام غدير ،،،،ربنا ياخدك ويريح نص شباب البلد منك ،،،،خليني ساكته وحاطه في قلبي يا منه》

ضحكت منه بأنطلاق وسعادة وهتفت《 يا بنتي غدير مين دى اللي هعملها حساب ،،،،سوسن بجلاله قدرها حطتها في دماغها يعني خلاص بح طارت خدها الغراب يا أمي 》

لترتسم ابتسامة خبث وتفكير على وجه سوسن وتقول 《تصدقي عندك حق ،،،،لازم الموضوع يتطور بسرعه ،،،مفيش وقت للدلع دا كله ،،،،يلا هنفذ الخطه 557'،،،،وطبعا محتاجه مساعدتك》

لتشهق منه بخوف شديد 《 الخطه دى صعبه ،،،ومش مؤمنه ،  ،وأخاف يكون ليها عواقب مش كويسه يا سوسن》
        **********************************

الصمت والبكاء هو كان رد ليلي عندما سمعت صوت وفاء ،،،،،التأثر الشديد ظهر علي صوت وفاء وهي تقول 《 بلاش عياط يا ليلي علشان خاطري ،،،،ربنا أعلم بيا ،،،،بعترف بغلطتي بس بعد أيه ،،،المهم أخبار بابا ايه وعمي وانتي ،،،،اكيد اتجوزتي ومعاكي أولاد ،،،،كام ،،،احكيلي كل حاجه 》

لتضحك ليلي وتقول من وسط دموعها《 لسه مش اتغيرت يا وفاء ،،،تحبي تعرفي كل الأخبار وبسرعه ،،،،عمى أحمد بخير ومهما حاول أن يظهر قوته وعدم اهتمامه ،،،،،لكن غيابك أثر فيه جدا ،،،،،زوجته طيبه علي فكره، ،،،ودايما بتسألني عنك وأني اطمنها عليكي ،،،،وأنا مش اتجوزت لحد دلوقتي ومش هتجوز أبدا، ،،،وبالتالي مش معايا أولاد، ،،،اخبارك وأخبار جوزك ممدوح باشا》
ظهر الألم في صوتها 《 اخبار مش كويسه أبدا يا ليلي ،،،،لسه في الغربه ،،،،اتغير أوي ،،،يخرج ولا يسأل فيا ،،،أكلت مش أكلت البيت فيه او مفهوش، ،،لو طلبت ابسط طلبات البيت ابقي مبذره ومش عاجبني العيشه وبحن لبيت ابويا الغني ،،،،،تصوري يقفل الباب من برا ويرجع عاوز يتعشي، ،،،أوقات البيت يخلص منه الأكل والشرب وأفضل بالجوع وأصبر والله واحاول اكلمه ،،،،افكره بحبي،،،لكنه خلاص ،،،،،حاسه أن في واحده تانيه في حياته نسته مراته وبنته، ،،،،،أعمل إيه مش عارفه اتصرف 》

ذهلت ليلي من كلام وفاء وصرخت فيها 《 انتي بتقولي ايه ،،،،رخصتى نفسك لخسيس شايفك من غير أهل ولا حد يوقفه عند حده ،،،،الف مره ويشهد الله نبهت عليكي بلاش الحب الاعمي، ،،،لازم عقلي يكون سابق عاطفتي، ،،،،وأي
حقير يحاول مره واحده ويترفض يقول للبنت أهربي معايا يبقي قذر مش أنسان وانتي وانتي........لتنهار ليلي في البكاء الشديد..     
لتحاول وفاء تهدئتها《غلطانه وبعترف، ،،،،بابا كان صعب ،،،،قافل عليا كل الأبواب، ،،،،وأتجوز واحده بعد وفاة ماما بشهرين ،،،،،كل العرسان اللي كانوا بيتقدموا علشانه هو ،،،،العقيد ،،،،ينالوا الرضا بيتقدموا مش لوفاء اصلا ولا يعرفوني، ،،،حتي اللي اخترته وضحتلي. الايام انه طمعان في والدي ،،،،،كان متوقع والدي هيروق مع الايام ويتصل بيا ،،،،،نسي أن والدي عسكري ،،،،يكره اوى مخالفه الاوامر》

《 طب وبعدين دلوقتي ،،،،هتتصرفي ازاي ،،،،هتفضلي في الذل دا طول عمرك، ،،،صحتك مش تتحمل يا أعز من أخت ليا ،،،تلت سنين معرفش عنك اي حاجه، ،،،كدا برضه يا وفاء》

لتبكي وفاء بقهر《 مش معايا تليفون ،،،ولا خط ،،،،التليفون دا جاله هديه بيخاف  عليه يتسرق لأنه غالي ،،،،،وليه رمز علشان مش استخدمه ،،،،،لكن اكتر من مره ركزت معاه في الرمز لحد ما عرفت افتحه من يومين واكتشفت بلاوي ،،،،متجوز عليا يا ليلي ،،،،متجوز وحابسني ،،،،،،أخرج ازاي ،،،،،بدعي ربنا ليل نهار بنتي مش تتعب اعمل ايه وقتها ،،،،،دبريني يا ليلي اتصرف ازاي ،،،،،عاوزه ارجع ليكم ،،،،بلاش بابا الله يخليكي ،،،،مش هيساعدني، ،،،هيعذبني.....وهينتقم مني ،،،انتي أدري بعمك.   . ....ساعديني يا ليلي ،،،،كدا هيموتني انا وبنتي بطريقه غير عاديه 》

صمت ليلي لتفكر قليلا 《 مش تخافي يا وفاء،،،،اهدي ،،،احنا هندخله من سكه الطمع ،،،،،النهارده لما يرجع عاوزاكى تنفذي اللي هقولك عليه بالحرف الواحد، ،،،،فاهمه ،،،،وأعملي حسابك ،،،،لو بدأتي تنفيذ مفيش رجوع للبني أدم دا تاني
فاهمه ولا ........؟》

لترد وفاء بحسم شديد 《 فاهمه جدا يا ليلي ،،،،قولي وهنفذ بالحرف الواحد علشان ندي بنتي اللي عمره ما بص في وشها لحد دلوقتي........  . 》
       *************************************

خطت سميره لداخل النادي بثقه شديدة وغرور لا متناهي وبيدها خطيبها الجديد ،،،،لتذهب لشلتها بالنادي وتبدأ بتعريفهم 《 هاي، ،فرينز، ،،،،،أحب اعرفكم بخطيبي جمال ،،،،،جمال اصدقائي المقربين في النادى ،،،،،غدير ،،،،مها ،،،،،وليد،،،،،راجي》
بدأ أصدقائها بالترحيب بجمال،،،وتجلس  هي بجوار غدير وتتكلم بنبره مغيظه《جمال معاه شركه كبيره منفصله عن اخواته،،،،وأصر اننا نتجوز الشهر اللي جاي ،،،اقنعني بصراحه وخصوصا بالخاتم دا،،،،،》 ليتألق الخاتم الماسي في اصبعها وتبدأ صديقاتها في النظر لخاتمها بأنبهار شديد ،،،،،لكن غدير الغيره  والغيظ أخذ مأخذه منها لتلفت لجمال بنظره كلها إغراء ورومانسيه وتسأله《 يا تري اخو حضرتك موافق على الجوازه دى ،،،،،أظن أن سميره كانت مخطوبه ليه قبل كده 》

هز جمال كتفيه وقال《 عادى ،،،،،محصلش نصيب ما بينهم وأنفصلوا، ،،،،هو حقه يختار اللي تعجبه، ،،وأنا كمان، ،،،،وبصراحه سميره بيزنس وومان ممتازة، ،،،نفعتني جدا في شغلي ،،،،،اخدت شغل عن طريق ذكائها ،،،،،وجمالها لا يختلف عليه اتنين》

ضحكت سميره بتشفي ومالت علي غدير هامسه 《 ابعدي يا شاطره من هنا ،،،،انت مش أد سميره ،،،،،أخرك الظابط بتاعك والمرتب أخر الشهر كفايه عليكي 》.......
رفعت غدير حاجبا جميلا شريرا،،،،وقالت في هدوء شديد《 بلاش تتحديني، ،،،،عادي خطوبه زى أي خطوبه ممكن تتفشكل، ،،،،أما الظابط اللي مش عاجبك فدا لاصق وعاشق غرقان  في بحر الهوى ياااااا.  .. ...     عروسه مع إيقاف التنفيذ》
ابتسمت سميرة وهمست ببطء 《 وانتي كمان يا أجمل بنات النادى ،،،،خطوبه عادي ممكن تتفشكل ،،،،بس أكيد مش هو اللي هيفشكلها، ،،،،مسكين مش عارف انه عالرف لحد ما تلاقي اللي يحقق لك احلامك ،،،،ملقتيش خلاص يبقي هو سداد واهو عريس والسلام ،،،،،لكن انا أفضل منك ،،،،صريحه مع أي حد يخطبني يا يحقق ليا كل أحلامي، ،،،،يا خلاص ننفصل، ،،،،شفتي ازاي أنا فهمتك....يا غدير هانم 》
تحركت غدير بغضب لتمشي دون أن ترد على سميره ،،،،،ولتسمع صوت ضحكتها طوال طريقها لخارج النادي
وتهمس في نفسها 《 كدا يا سميره ،،،فرحانه بسى جمال بتاعك ،،،وأنا غدير محصلتش نص الخاتم اللي لابساه، ،،،،طيب الأيام ما بينا يا سمسم .........》😡😡😡😡😡😡😡😡🤬🤬