نوفيلا بنت الثانوية (مكتملة)

(ساره)

الفصل الثاني: _____
دق الجرس بعد شهرين من المدرسه ليعلن عن موعد استراحه الغداء خرج الطلاب من الصفوف الي المقهي للأكل وفي اول لحظه من دخول ساره وتلا وآسر للمقهي حتي تقاذفت عليهم الأطعمة صرخت ”تلا“ بهم ليتوقفوا لكن دون جدوي يبدوا ان هذه هي تحيتهم للتلاميذ المستجدين ذهب ”آسر“ لاقرب طبق طعام علي الطاولات وامسك بالطعام وقذفه بأتجاههم ذهب الباقي وطبقوا الفكره واشتدت المعركة بين التلاميذ حتي جاء المدير ومعه ”مازن“ يبدوا انه اخبر المدير بما حدث فلم يكن له اثر في معركتهم ، توقف الجميع في لحظه ولكن مازال الطلاب المستجدين يقذفون الطعام حتي قذفت ”تلا“ بعض الطعام فأتجه في وجه المدير نظر الجميع في صدمه لبعضهم البعض أما حدث الان حقيقي؟ نعم حقيقي ترقرت الدموع في عيني ”تلا“ وبدأت بالبكاء والصراخ وهي تنظر لوجه المدير الذي يملأه الطعام وتنظر لوجه ”مازن“ نعم لقد وقعت في ورطة صرخ بهم المدير قائلا:
_الحاجات دي تتعمل في مدرسة تانيه مش هنا، هنا في حاجه اسمها قوانين ونظام مش شغل الشوارع ده مفهوم واللي هيخالف القوانين مكانه في الشارع وانتي ( ناظرا الي ”تلا“ ) اشوفك عند مكتبي حالا اومئت برأسها وانصرف المدير ،نظرت ”تلا“ الي ”ساره“ و ”آسر“ ببكاء امسك آسر بيديها يحاول تهدئتها قائلا:
_اهدي انا هاجي معاكي مش هسيبك متخافيش
نظرت له وتومأ برأسها ثم ذهبا، طرقت هي باب المدير وظل هو خارجا منتظرها ، ظلت واقفه ناظره للارض حتي بدأ المدير الحديث بهدوء قائلا:
_انا عارف انك مشوفتيش اني دخلت وعاذرك بس بعد ما هما يوقفوا وانتي تضربي دي قلة ادب مع ولازم تتعاقبي علي اللي عملتيه
تجمعت الدماء في عيونها غاضبه بما يقول فليس من العدل ان تعاقب هي دون عن الأخريين قالت بصوت منخفض:
=بس كده حرام
_بتقولي ايه!؟
صرخت ”تلا“ قائله:
=بس كده حراام !!
_حلو بقي العيال كمان يبجحوا في الكبار بس هو اي الحرام؟
=ان انا اتعاقب دون عن الباقي معننا كنا كلنا غلطانين سواء احنا او هما ماعن احنا كنابدافع عن نفسنا بس ف ليه انا اتعاقب لوحدي!!
_يمكن عشان اتصرفتي كأنك من الشارع ولا نسيتي انك اصلا من الشارع
صمتت هنا لم تستطع النطق بشبه حرف،
هنا دخل ”مازن“ نعم ف آسر قد هرب قال في لباقة:
_حضره المدير ممكن اتكلم شويه
=اتفضل
_ اللي حصل مكنش عمد كان غصب عنها ودي اول غلطه ليها في المدرسة ف المفروض نسامحها وكمان احنا لسه جداد هنا المفروض هما اللي يتعاقبوا لانهم عارفين القوانين ومع ذالك خالفوها صح؟
=كلامك مظبوط
_يبقي دلوقت اللي المفروض يتعاقب هما مش هي ؟
=ايوه
_خلاص يبقي دلوقت هي تخرج معايا من فضلك
=طيب (وجه نظره ل تلا قائلا) اتفضلي روحي معاه ومش عاوز اشوف وشك في مكتبي تاني.
ابتسمت ”تلا“ ونظرت الي ”مازن“ وذهبوا وعندما خرجوا ابتسمت ”تلا“ ابتسامة واسعه مغلقه لعينيها قائله:
_يااااه مكنتش اعرف انك هتيجي ف اخر لحظه وتنقذني بجد انا ا ا. . اي ده هو راح فين
التفتت حولها لكي تراه لكنه قد رحل ما ان خرجوا ، تنفست الصعداء في غضب ونفخت ثم ذهبت قائله:
_مش مهم بس هو فين آسر مش كان مستنيني بره ده اي الناس البياعه دي كلها اوووف .
ثم ذهبت الي صفها ولم تجد ”آسر“ وكان ”مازن“  موجود ولكن كعادته يستمع الي الموسيقي لم تذهب له حتي او تنظر له حتي فاجأها ”آسر“ من خلفها وكان معه زجاجتين من المشروبات الغازيه مد يده بأحداهما الي ”تلا“ قائلا:
_اتفضلي روحت اشترتهم لينا عشان عارف انك كنتي متوتره.
كلمت ”تلا“ نفسها قائله:
=اهاا عشان كده ملقتهوش برا
ثم مدت يدها لتأخذ منه الزجاجه شاكره فينظر لها قائلا وهو واضع يده اسفل رأسه ناظرا الي الارض:
_انا عاوز اطلب منك طلب بس خايف
=اتفضل اطلب
_هو ممكن تديني رقم تليفونك
= بالسرعه دي ههههه طيب هات فونك
اخذت منه الهاتف وعبثت ببعض الارقام واعطته له قائله: 
=ها هتسجلني اي بقي
_شوفي
ثم كتب ”حبي“ ووضع قلب تفاجئت هي قائله:
=لا مش مصدقه هههههه
اخذ يدها الي وجهه قائلا:
_اي خدعه My lady
وقبل يدها بعد جملته ولكن هناك احد قد شاهده بنظرات ثاقبه تملؤها الغيره انها ”ليان“ قالت في نفسها:
_بقي هي دي السنيوريتا اللي تخطفك مني يا آسر اوك هتشوف هعملك فيها ايه
واطلقت ضحكه شريرة وذهبت ،نظرت تلا الي آسر قائله:
_اي ده انت خدت عليا اوي ابعد كده
ثم توجهت الي ساره التي كانت تناظرها فقالت لها:
=علي فكره آسر شخص مش حلو
صدمت تلا قائله:
_بجد
=ايوه بجد كان معايا في اعدادي هو وليان وكان فاشل حرفيا وليان دي لازقه فيه زي ظلوا
_اكيد بتحبوا
=ايوه بالظبط
_اممم بس هو حلو بصراحه
=ههههه بس اخلاقه لا احسنلك تبقي بعيده عنه
شردت تلا في ما حدث من دقائق عندما اعطت لآسر رقم هاتفها
قاطعتها ساره قائله:
=روحتي فين
_اهو معاكي
= معايا اي خليكي مع المستر
نظرت تلا فوجدت ان الاستاذ قد ولج الي الصف فأخرجت الكتاب والدفتر وبدأت بكتابه الملاحظات،وبعد انتهاء الحصه حان وقت العوده الي المنزل وضعت كتبها ودفاترها في الحقيبه وبدأت في الرحيل هي وساره ظلوا يتحدثون عن ذكريات الطفوله فقالت ساره:
=آسر وليان بقي الاتنين عالطول كانوا يضايقوني في المدرسه ويقولوا عليا المكروهه وكانت ليان بتقول ان الكل بيكرهني في الفصل مكنتش بصدقها علي فكره لان انا مأذتش حد في الفصل عشان يكرهني ولا قولتلهم كلام يجرحهم بس عمرهم ما سابوني في حالي لو في سنه كنت في فصلهم يفضلوا يتريقوا ويلموا الفصل كلو عليا ولو مكنتش في فصلهم ف في الاستراحه مره يوقعوني ومره تانيه يرموا الاكل عليا لحد ما مبقتش انزل الاستراحات خالص
_اهاا طب وانتي ازاي تسكتي علي اللي بيعملوه ده اصلا المفروض كنتي توقفيهم عند حدهم
=المفروض بقي بس دول اشرار مبيسكتوش حتي لو وقفتهم هيأذوني اكتر وبأسلوب اوحش يعني في اول يوم كنت يادوبك ماشيه لقيتها معديه من جنبي بتقولي الفشله معانا هههههه ومشيت وانهردا كانوا يقصدوني انا في حوار الاكل اللي اترمي علينا ده
_لا بجد بس آسر كان معانا
=بس ليان لا انا شوفتها جت اما الدنيا هديت
_اه يحيوانه اصلا محدش بيطيقها تصدقي انا برضوا استغربت يعني هما سابونا اول يوم وجايين دلوقتي يرموا علينا واصلا ماكنوش كتار كانوا ثلاثه او اكتر لاني معرفتش اشوف كويس دول اشكال زباله اصلا فكك منهم
=ايوه وانتي بقي؟
_انا ايه ؟
=ايه حكايتك ؟
_ماليش حكايه
=محدش مالهوش حكايه
_اممم بس انا فعلا ماليش حكايه
اشارت ساره الي منزلها وأكملت
=طيب وصلنا البيت
_ ماشي اشوفك بكره بقى
ومن ثم ضمتها وذهبت الي منزلها وظلت تفكر في ماضيها التي اخفته عن ساره حسنا عندما يسمح الوقت ستقول لها، قاطع تفكيرها صوت هاتفها بأعلان عن وجود رساله جديده عبثت ببعض الارقام لتستطيع فتح قفل الهاتف ووجدت رسالة من تطبيق (واتس اب) فتحت الملف الشخصي لمالك الرساله وما كان الا آسر كادت تجيب عليه ولكن تذكرت كلمات ساره فتراجعت عن قرارها ولكن فجأه ودون سابق انذار اتصل بها اغلقت الهاتف مسرعه ونامت ولكن بالتأكيد لن يتركها غدا وبالفعل باليوم التالي وعندما ولجت الي صفها وجدته شائط الغضب في وجهها طلب منها التحدث في الخارج نظرت هي الي ساره فدخلت هي الي الصف وخرجا هما بدأ هو بالتحدث بغضب قائلا:
_لو مكنتيش عايزه تكلميني كنتي ببساطه مادتنيش رقمك لكن تشوفي الرساله ومترديش وكمان اتصل تقومي قافله الفون؟؟ ليكي تفسير لده
صرخت بوجهه قائله:
=انت متعصب ليه طب من غير ما تعرف الحقيقه انا فوني فصل شحن كنت لسه هرد علي الماسج بس معرفتش
وضع يداه علي كتفها قائلا:
_بجد انا ظلمتك اسف
نزعت يده بقوه عن كتفها قائله:
=ابعد عن وشي
ثم ذهبت وما ان ولجت الي الصف كانت الصدمه.