العشق الضائع

بارت 19 عهد

العشق الضائع
..................
انه اشتاقلك مثل اليصومون❤
من يشتهون الماي بس مايشربون💙
....................................................غزل

انتبهت المصطفى يريد يحجي حرك شفايفه بس قاطعه دخلت يوسف للغرفه وهو يكول

...الحمد لله ع السلامه غزاله....حجاه بمكر وهو يباوع المصطفى الي صار لون وجهه احمر ويخزر بيوسف

..الله يسلمك...حجيته واني اباوع المصطفى الي راح ياكل يوسف بنظراته

..غزل الدكتورة ادكول عندج ضيق بنفس من وانتي صغيرة
وما لازم ينعاد الي صارلج اليوم لانو احتمال يسوللج عمليه بس الي منعرفه شنو صارلج اليوم عادي تحجين لان حالتج ماينسكتله وخصوصا اكو عمليه بالموضوع.... كال يوسف وهو يكعد بصف مصطفى ويعقد ادي جوه حنكه

.باوعت لمصطفى بنظرات سخريه وحجيت
...مصارلي شي خيوو من الطريق والتعب

...عمي يا طريق هو انتي غير الطريق كله نايمه بحضن الحب
حجاه يوسف بخبث وهو يحاول ايخجلني بس مو غزل التخجل

...والله الحب هو النومني بحضنه بدون مادري
كلت واني ارفع حاجبي ليوسف بمعنى ماتهزمني اني اهزمك

...يوسف شكالت الدكتورة نطلع لو لا
كال مصطفى اليوسف

...اي كالت بس يخلص السيروم

.بقى يوسف ومصطفى يحجون ع المستشفى وع نظافه المستشفى وهواي شغلات ضليت افكر بمصطفى اني اباوعله شكله هيبه وخصوصا من يلبس زي مال شغل ومعضل جسمه متساوي يعني يجذب اي بنيه شمعنه اختارني اني وحسب الاعرفه هو حابني من واني عمري سبع سنوات بس ماصدكت
لان جنت طفله و اكيد ماعندي ملامح انوثه وجسد انثى ناضج

انتبهت النفسي صافنه بمصطفى وهو يباوعلي ومبتسم
ويوسف مامجود بالغرفه
حجه مصطفى وهو يباوعلي بنظرات ماكدرت افسرة

..اعشقج غزالتي

ماعرف شنو اكله ماريد اجرح مشاعرة بالساني
ضليت بس اباوعله شكد تمنيت ابادله الحب
تمنيت ماسوه بيه ذرة من السوا
جان هسه احنه عايشين اجمل قصه حب طول عمري اتمنه اعيش قصه
حب سعيدة

قطع التواصل البصري يوسف سوولي خروج وطلعوني من المستشفى
للفندق حتى ارتاح...جانت الساعة بالوحدة الظهر ومحد متغدي
معدتي ضلت اتصيح جووعااانه

ارتاحيت شويه وغيرت ملابسي وغسلت ورحنه للمطعم نتغده

كعدنه بالمطعم نتغدة مصطفى صار مقابيلي وفرقان بصفي ويوسف مقابيله
تغدينه وخلصنه ومصطفى كل لگمه والثانيه يباوعلي حتى ماتهنيت
ماعرف اكل واحد يباوعلي

رحنه للامام دخلنه اني وفرقان انزور وحده مجلبه بالثانية
اني اول مرة ادخل للامام وحدي وهي نفس الشيء
صلينه صلات الظهر و العصر والزيارة همات ودعيت الامام الحسين ايسهلي امري ويمشيني ع الطريق الصحيح
طلعنه لكينه يوسف ومصطفى منتظرينه بنفس المكان الي اتفقنا عليه

رحنه يمهم مصطفى سحب ايدي واخذني ويا وكفنى مقابيل باب الامام
لزم ايدي وحجه وهو ياشر ع الامام

..اتعهدلج راح اضل احبج الاخر نفس بيه. عيوني متشوف غير عيونج. ايدي متلمس غير ايدج. شفايفي متبوس غير شفايفج. صدري مينام عليه غيرج.
واطلع مو رجال اذا خنتج

.احبج ادماني.

(يا ناس جفاف عاطفي عندي)
....................................
بارت جدا جدا قصير بس مشغوله صوتو
احتمال وراح انشر هاي الفترة لان اريد ارتب افكاري
واكتب احداث مشوقه واحبكم
لتنسون التصويت والمتابعه