العشق الضائع

39

بردا وسلاما ع عراقنا الحبيب ♥️

جمعت ملابسي واغراضي كلهن بجنطه سفر جبيرة طلعت من الغرفه حتى اكل الايهم رحت للصاله مالكيته بالمطبخ هم ماكو عرفته بالبلكونه

رحت لكيته يخابر وكفت بمكاني وعقدت حواجبي واني اسمعه يكول

..اهل غزل ما لازم يعرف الحقيقه فهمتي لو لا شكد ماتريدين فلوس اني انطيج بس اياج ثم اياج تروحين لاهل غزل وتكليلهم الحقيقه لان اذا درو راح يحاولون يوصلون الغزل ويخلوه ترجعلهم يعني ترجع المصطفى واني مستحيل اخليه

خليت ايدي على حلكي دخت منو هاي واي حقيقه
حمحمت حتى اجذب انتباه وخر التلفون بسرعة من اذنه وسدة
سويت روحي مسامعه كتله

..تعال بالصاله عندي موضوع مهم

هز راسه ب اي بتوتر انتبهت ايده بيه رجفه
رحنه للصاله كعدت و كعد كدامي
حجيت بهدوء واني اباوعله

..اني راح ارجع للعراق

انتفض من مكانه وصاح
..وين ترررجعين يااعراق

وكفت كدامه وكتله
..شبيك كمت تصيح نسيت من كتلك شوكت ماريد ارجع ارجع وهسه اني اريد ارجع للعراق عندك مانع

هز راسه بقوة وحجه وهو صاك سنونه

..اي عندي مانع ورجعه ماترجعين

..ليش عيني هاا ليش مارجع

..اذا تريدين ترجعين المن شردتي وياي هاا المن تردين اترجعين العذابج تردين ترجعين السجنج لو للمذله هاا شنو تغير هسه وتريدين ترجعين

صحت بصوت عالي

..اني ماشارده وياااك انته ساعدتني وماراجععه العذابي ولا للمذله
راجعه علمود شخص محتاجني ومحتاجك علمود شخص دكله گلبي من زمان من جنت طفله ومن صرت مراهقه ولحد هسه

عقد حواجبه بخفه وتقرب خطوه وهو يكول
..منو الدكله گلبج منو التحبينه

..مصطفى اي مصطفى حب طفولتي انته تدري بالقصه كله بس ماكلتلي تدري مصطفى يحبني من واني عمري سبع سنوات واني هم احبه صح كلي احبج بهيج عمر بس ماجه بالي حب طفولتي مصطفى
دوم جنت اكول ليش اتوتر وكلبي يضل يدك وياا ليش
بس هسه عرفت الجواب لان مصطفى هو نفسه الجنت اسمي بابا نفسه ابن گلبي

حجه بهدوء
..وهسه تريدين ترجعين

..اي اريد ارجع واصلح كلشي خرب تدري بمصطفى بي حاله نفسي وتدري بي حابس روحه كل هذا ومافكرت تكلي ونرجع اني وياك نسدنه لانك واحد اناني وناكر الجميل جان اخوك وصديقك يا ايهم شلون انطاك كلبك تعوفه وهو بهاي حالته وين رجولتك وين الاخوة مالتك

سكت ونملت عيونه دموع وجهه انطعن لون احمر
باوعلي وكلي بهدوء بنزلت دموعه

..نرجع اني وياج نسانده ونطلعه من حالته موو