شهكت واني افتح عيوني صرت أتنفس بقوة
ودموعي تنزل من الخوف
ومصطفى فوكي يمسح ع وجهي وهو منهار
.يبجي اقوة مني وأحس الشهكه الي تطلع منه اتشك صدره
يبوس بجميع أنحاء وجهي ويردد كلمة الحمدلله
ضليت ابجي على بجيه واشهك على شهكته
منظرة نساني كلشي اتاثرت بي حسيته صدك يحبني أو اتاكدت من حبه
بس دموعه التنزل وحده ورا الثانيه كافيه تاكدلي حبه الي ..
انتبهت بعدني بمكاني بس راسي بحظن مصطفى
ومحمد كاعد مقابيلي بالكاع وادي ع راسه ويبجي
كعدت ومصطفى سندني بس جنت بردانه قرفصت بحظن مصطفى اريد دفو ضليت ارجف من البرد ومصطفى حظني اقوى
كام محمد يجيبلي بطانيه بس من الهبطه كام يكوم ويرجع يكعد
جاب البطانيه لفاني مصطفى بيه وشالني
نومني على الجربايه وكعد يمي سحبني الحظنه ويفرك بيدي
الجو جان متوتر ومحد يحجي
سالت مصطفى واسناني يصكن ابعض من البرد
...مصطفى ماما وين
...حبيبي ماما صار عده هبوط وهسه نايمه بالغرفه لان كناله مابيج شي كعدتي
...همممم
كام مصطفى من يمي طلع من الغرفة هو ومحمد وشويه واجت زهراء عيوونه حمرر وخشمه جانت تبجي بدلتلي ملابسي وهي ترزلني لان مانتبهت
وزلكت
غفيت وزهراء تبدلي
كعدت الصبح فلاونزه وراسي موتني صداع
جابلي بابا علاج والحمدالله صرت احسن
...
مر ع الحادثه شهرين ماتخله من مصطفى
وكلماته المعسوله وغيرته وعصبيته
بس للاسف بعدني ماحبه ودائما اجرحه بكلماتي وبعدين اتندم لانو يبقى انسان واله مشاعرة ساعه اكول يستاهل وبعدين اكول لا خطيه مو ذنبه من حبني ودااايخه
الى ان اجه يوم حبيت اختبر مصطفى بيه
اذا كان ينجرف لسوالف البنات
كاعدة بالصاله
واتصلت ع صديقتي اسمه زهراء اتواصل وياه ع النت
فتحت الخط ورى السلام وماعرف ايش حاجيته
..زوزو زهورة زوزة حبيبتي
..غزل احجي ماطول اكو دلع معناه اكو طلب
..اهاا انتي تحبيني موو
..امووت عليج ليش اني عندي غيرج
..اي عندج حموودي
..يروحلج فدوة حمودي
..يفدووة انزين بداعت حميد اريد مساعده يعني ضروري
..شنوو كولي
..شوفي اريدج اتراسلين مصطفى ع الانستا ع اساس انتي معجبه وكذا
اريد اشوف شنو يكولج حبابه
..اووك انطيني اليوزر واني اراسله هسه
.. خايبه والله احبج
..هههه واني هم احبج راح اراسله واخذ سكرين للمراسله وادزة
..اووك بااي
..بااي
مرت ساعه وزهراء تكولي اراسله وميجاوب
كتله
..لعد شلوون
..ولجج راسلني بااي راح اشوفه تمام
مر عشر دقايق واني منتظرة ع نار
لحد موصلتني رساله من زهراء
فتحته صورة المحادثه الدارت بينهم
زهراء- مرحباا..الوو
مصطفى- مراحب تفضلي اختي محتاجه شي
زهراء-بس حبيت نتعرف
مصطفى- بدون لف ودوران اختي شنو محتاجه
زهراء- هااي شبيك بس ردت اتعرف شنو اسمك
مصطفى- اختي اني متزوج واعشق زوجتي روحي شوفيلج واحد كوا** وكودي وياا
.......
طلعت من الصورة واني خربانه ضحك لان قصفه ماعرف ليش بس فرحت لان اكرة الولد اليراسلون بنات
انوب راسلتني زهراء وخلتني اخرب من الضحك
..ولججج هذا خطيبج الكو** فشلني شنو هالثكل اوووي عاد سايرني بكلمه عاابت
..هههههه اخخخ يمه بطني ولج راح اموت من الضحك السانج ولسانه يتوالمن
هههه
..ههههه ولج والله حتى اني اراسله وخربانه ضحك يقصف ابن الحلوو
..شوفي عندي خطه
..يمه يمه كولي
..شوفي.......
................................
انتهى البارت
لاتنسون التصويت والمتابعه حبايبي
شونكم مشتاقتلكم
اسفه ع التاخير وراح احاول قدر الامكان
اكتب بارت واطوله
وللعلم حالين الروايه مابيه احداث هواي بس مستقبل الروايه احداثه هوااي وحلوة
وباااي احبكم😍😘
أنت تقرأ
العشق الضائع
Romanceصوووتج ماترفعي بوجهي صاح بيه بقوه غزل وهي تصيح بوجه شنو مثلا خايفه منه لو تحترم ...ارفعه وغصبا ما عليك ...غزلللللل لاتخليني امد ايدي عليجججج واتنددممم ماريدج اتكرهيني كاافي حجت وهي تريد تحرگ گلبه بلكت يعوفه ما يحتاج اتخليني اكرهك لان اني بالاص...
