العشق الضائع

بارت 43

باوعلي مصطفى متفاجئ بس ماحجه

..غزل يامرض هذا صدك تحجين.
حجه عمو ونبرة صوته بيه قلق

رفعت حاجبي وباوعت العبير بقوة
..الظاهر فاهمة الموضوع غلط حبيبتي
مو مرض نفسي بل تشنج بالاعصاب.

عقدت حواجبه وحجت من بين سنونه
..لا متاكدة بيج مرض نفسي ايهم كلي

باوعت الايهم وبتسمت بسخريه
خوش لفق جذبه لعد اذا هسه سوت بيه مرض نفسي
باجر اصير مخبله

وجه ايهم كلامه العبير
..اني ماكتلج مرض نفسي كتلج ترجف وبما انو اني اخو مصطفى
فكتله على دكتور اعرفه موجود بتركيا للاعصاب
والحمدلله هسه غزل مابيه شي

امتعض وجه عبير وكامت من السفره
كملت اكلي بدون مااهتم

(من رحنه ال تركيا اني او ايهم اتصير بيه رجفه قويه لهذا أخذني للدكتور طلع عندي تشنج بالاعصاب ومن التمارين والعلاج راح من عندي )

خلصنه أكل لمينه السفرة اني ورسل
وغسلنه المواعين....رحنه للصاله لكينه الكل كاعد
حتى ايه الي قبل شويه اجت من بيت خاله
باوعت المصطفى ورحت كعدت بصفه حاوطت ايدة خصري
وقلل المسافه الي بينه

اخذت تلفوني اباوع بي شكد تمنيت بهل سنتين تجيني مكالمه من اهلي
وحدة لا اكثر ولا اقل بس وحدة
لكن ماكو اي مكالمه

....

كام ايهم راح للحديقه وعبير لحكته باوعت الرسل واشرتله براسي
شكو
باوعتلي وهمست خل نلحكهم هزيت راسي وكمت وياه
دخلنه للمطبخ فتحنه الشباك شويه وع كيف لان واكفين بصف الشباك
جان صوت عبير واضح تتعارك وي ايهم

..يعني انته مو كتللي روحي الاهل غزل وكليلهم غزل مو بنيه
ومصطفى من درة مارجعه الكم سويت هذا ورحت كتلهم وكتلهم اتحب
ايهم وهو الي ماخذ شرفهه وراويت مصطفى صور مفبركه انته وياه بالفراش هذا كله وانته وعدتني بالزواج اذا اسوي كل هذا الشي يمته تزوجني هاا هذا كله سويته علمودك
وانته اتكلي انتظري وانتظري راح انطيك مهله اسبوع اذا ماخطبتني والله العظيم اروح المصطفى وغزل واحجيلهم كلشي وكدام اهلك
واخرب الاول والتالي عليك

صافنه مثل المغيب عن الوعي معقوله كل هذا السمعته
مشاكلي كلهه من ورة ايهم الي امنت بي وسافرت ويا حتى يحميني
ماتوقعت هيج يطلع منه مسحت دمعت الوكعت ورحت للصاله ورسل وراي
قبل لا ادخل لزمتني من عكس ايدي ودارتني عليه
سحبت ايدي وخلت تلفونه

..اخذي هذا التلفون بي تسجيلهم بس البدايه ماموجودة لان جنت مصدومه  ومالحكت اسجل روحي وكشفي كلشي لاتضلين ساكته.
ضغطت
عله التلفون ورحت للصاله وكفت بالنص والانظار صارت عليه
رحت كعدت كدام عمو ع ركبي وفتحت التسجيل بدة من كالت عبير
غزل اتحب ايهم عمو باوعلي مستغرب بس كمل سمع كلشي وهو مخلي
ايده ع راسه خلص التسجيل وباوعلي
..منو هاي التحجي

..عبير

..لاتلفقين على بنتي متسوي هيج شي

كمت من مكاني سحبته ورحت للمطبخ حتى عمو اجه ومصطفى
الي لحد هسه مصدوم
وكفت يم الشباك وكفت عمه وياي واشرت ع اذني بمعنى اسمعي
جان ايهم يتعارك وي عبير حتى ماتحجي وعبير ماشاءلله خرطتهن خرط
طلعت عمه الهم ولزمت عبير دكته دك كتل
..يااحيف تربيتي بيج ياطايحت الحظ والله لربيج من جديد ولج اني اكلهم بتي متسوي هيج بس طلعتي اكبر كح***

وحجي من حجي اما ايهم ف عمو بس واكف كدامه ويباوعله بنظرات من يمي ردت ابجي
ماكال شي خله ودخل للبيت وهو ساكت اجت عيني بعين مصطفى
نظراته جانت كله اسف
راحت خاله اقبال توخر عمه عن عبير
وخرت بالكوات ودخلنه جوة بقيت واكفه بالباب اباوع على مصطفى
شون يباوع الايهم بنظرات خذل وحزن
دنك ايهم راسه وطلع من البيت باوعلي مصطفى واجه عليه دنك باس
جبيني واخذ ايدي بين ادي ودخلنه
كله جانت ساكته عمي راح الغرفته وخاله اقبال صافنه
وعمت مصطفى تبجي عبير راحت الغرفه رسل
ورسل واكفه باب المطبخ تباوعلنه

كمت ومصطفى لزم ايدي وكام وياي رحنه للغرفه وعيوني
حتركن حرك حابسه لدموع بيهن ماريد ابجي كدامهم يعني
كل الصار بيه وي اهلي من ورة ثنين مريضين
حقه مصطفى من جان هيج يسوي بيه موزين من عندة
وماذبحني لو غيرة شاف مرته بصور وي رجال بنفس الجربايه
ميترددون لحظه يخلون طلقه براسه

حظني من ورى وحجه بهدوء يم اذني
..ابجي لاتحبسين دموعج وحزنج ابجي وخلي اشيل همج

اطلقت سراح دموعي وشهكاتي الجانن خانكات صدري
ابجي ومصطفى يهدي بيه بكلماته الحنونه
مصطفى حب طفولتي حبيبي وگلبي

للكاتبه:zainab Alkfag