العشق الضائع

بارت 33

‏-رغُم كرهي للإنتظارإنتظرك دائماً ،🗝'

متت خوف واني اشوف ايهم مخلي السلاح على صدر مصطفى
ومحد يكدر يتقربله
وخاله كاعدة بالكاع وملخت روحه وهذا كله بسببي

حجه مصطفى وهو يضغط ع المسدس

..عادي اكتلني بس تحلم تاخذ غزل مني فهمت لولا

كام يضحك ايهم بقوة عبالك مطلعينه من مستشفى المجانين وجه كلامه المصطفى من بين سنونه

..غزل الي مو الك واخذه غصبن عن راسك اجيبه لكبرك لابسه حلقتي مو حلقتك بس بوقته انته ميت

ابتسم بخفه وبحركه سريعه شمر المسدس من ايهم
لزمه من ركبته وخنكه والثاني مستسلم حجه بعصبيه
..شوف لك هسه غزل زوجتي وغصب عنك فهمت لولا صير عاقل ودير وجهك وطلع

راح عمي وخرهم واحد عن الثاني مصطفى جان عبارة عن كتله نار
والثاني مايفرق عنه

حجه عمي وهو موجه كلامه الايهم

..ايهم روح اجر شقه وكعد بيه علما يطلع اخوك من البيت وتعال

..مااااطلللع مااااطلللع علموودة تردوون اطلعووني

كام يصيح ومن شوف اله عمو ضرب ايهم راشدي 
وكله

..صوتك مترفعه عليه وتلم ملابسك وتطلع

..راح اروح بس تحلمون ارجع الهذا البيت مرة ثانية وانته(ياشر ع مصطفى) تحلم ابقيلك غزل

راد مصطفى يهد عليه بس لزمه يوسف
جنت واكفه ع الدرج واجه ايهم يصعد خفت منه وكلبي ضل يدك بخوف

وكف كدامي وضل يباوع لعيوني ابتسم بخفه وكمل طريقه
باوعت ليكدام لكيت مصطفى يباوعلي بس شنو عصبي لحد اخر حبايه
ويتنفس بقوه ووجهه احمر
الخوف البداخلي بحياتي ماحاسته ومن الهبطه مااكدر اوكف ع رجليه

اجه باتجاهي لزمني من ايدي حيل وسحبني ورى
ضليت اتعثر بالمشي الصايه طويله وهذا ماينطيني مجال امشي
اول مدخل للصاله دار عليه وضربني راشدي من قوته ردت اوكع
بالكاع بس هو لزمني من شعري من فوك الحجاب ورفعني ورجع ضربني
راشدي انصدمت منه شهل حقارة هاي شمسويتله بعدني عروس وثاني يوم الي ويضربني لعد شلون لو بقيت اكثر
حسيت شي حار نزل نزل على حلكي تلمسته بيدي دم

راح كعد ع التخم واني لازمه خشمي يوجعني ورافعه راسي ليفوك
خايفه ماعرف شسوي كمت جبت كلنس خليته ع خشمي ودموعي تنزل
ضليت ابجي بصوت دخلت للغرفه ركض
نزعت الحجاب و الصايه وخرت ايدي من خشمي وفتحت السحاب مال فستان ومستمره ابجي وخشمي ينزف
طلعت تراك ورحت للحمام نزعت الفستان و ملابسي الداخلية
ودخلت جوة الدوش اباوع الكاع كله دم من خشمي ضليت ارجف
جانت ماما ماعرف شلون توكفه بس تخليلي كلنس يوكف هسه مايوكف
كمت ماكدر اوكف اخاف من الدم
كعدت بالكاع ابجي واندب حضي
اندك الباب وصوت مصطفى اجاني موت انشالله