العشق الضائع

بارت 36

• قال الإمام الحُسين (علية السلام ؛)
• ألموت في عِـز ، خير مِن حياة في ذل 🖤 .

بعد السوا مصطفى مر اربع ايام حابسني بغرفه جوه الدرج مثل المخزن
يجيبلي وجبه اكل وحدة الي هي العشه وكلما يدخل يكلي
..تحملي حتى تتادبين
مرة وحدة ياخذني للحمام
وبس مرة سبحت
مابجيت ومانزلت دمعه من عيني
الي يريد يصير خل يصير لا اعتراض على حكم الله

غمضت عيوني بعد مامر اربع اسابيع احسبهن يوم يوم
حتى اطلع من هل ظلمه ومن ظلامه كله

باوعت ورى ما نفتح الباب ودخلي ضوة واكف بل باب بكل هيبه
وضخامه بس وجهه اصفر ونفس الملابس لابسهن صار اربع اسابيع

اجه عليه سحبني ملامحي جانت جامدة وعيوني خاليه من كلشي

باس جبيني وخدي سحب ايدي رفعه عليه وباسه
واني مازلت اباوعله بجمود ماعرف شبيه يمكن كمت ماحس

حجه وهو يخلي باطن كف ايدي على خدي ويميل عليه
..خلص العقاب حبيبتي

ضليت اباوعله بدون كلام ما عندي قدرة للحجي احس لساني
خدران
سحبني من ايدي ورا صعدنه فوك للغرفه راح طلعلي ملابس الي واله
ورجع سحبني للحمام جنت امشي جسد بلا روح مااحس بأي احساس داخلي لاخوف لا توتر لافرح لاحزن ولا اي شي
الحمام جان جاهز والبانيو كله ورد جوري
دار عليه وهو مبتسم واني مثل البغير عالم ومن صدك بغير عالم
عالم سكوت حتى ماافكر ايده صارت ع التشيرت الابسته سحبه ليفوك ونزعنيا نزعني ملابسي كله واني مثل ما اني صنم حتى ما حسيت بالخجل
صرت بدون ملابس مثل ماخلقني الله وهو نفس الشي
دخل للبانيو ودخلني ويا جنت كاعدة بحضنه وظهري على ظهرة
گلبي جان ينبض بقوة من يتقربلي لو يصير بصفي ماعرف ليش بس اتوتر
اما هسه فاي شي ماجاي احس لاگلبي نبض سريع ولا توترت

سبحني وغسل شعري يجيبني ومنا ويوديني منا مثل اللعابه عندة
سبح وياي نشفني ولبسني ملابسي وهو نفس الحاله طلعنه من الحمام
كعد ع الجربايه وكعدني كدامه وصار يمشط بشعري الي صار اطول

سوا الي ضفيرة وجع اخذني ويا نزلنه جوة بغرفه الطعام
لكيته مسوي اجواء رومانسية ما شاء الله صار روميو

ميز الطعام كله شموع وورد وجوماعرف ايش كل هذا ماهمني
كعدني ع الكرسي وراح يجيب العشه
ماكلت وماخليت شي بحلكي وهو هم منتظرني اكل
جنت صافنه ع الحايط واصلا مو يمه
حسيت خله ايده على ايدي باوعتله ابرود وخرت ايدي خليته جو حنجي

حجه وهو عاقد حواجبه
..غزالتي بيج شي احسج مو على بعضج

ابصم بالميه عندة انفصام بالشخصيه مصطفى عندة انفصام بالشخصيه
ماكاعد افهمه ليش هيج يسوي ساعه شيطان وساعه ملاك

ماجاوبت وبقيت على جمودي
حجه من شافني ساكته

..امشي انام حبيبتي

صعدنه فوك للغرفه نمت وهو مادري وين راح غفيت وما حسيت بشي بس هالمرة مانمت على بطني نمت على ظهري يمكن لان مانايمه

ثاني يوم كعدت الساعة ب 3 ونص العصر مصطفى ما موجود بالبيت

غسلت وجهي واكلت لفه جبن لزمت تلفوني وقررت وهذا قراري النهائي لان اعتقد صار لازم ارتاح

طلعت رقم ايهم اتصلت عليه
من اول رنه جاوب يمكن جان منتضر

حاجيته وبالكوة طلع الكلام مادري شبيه لساني خدران

..ايهم اني موافقه اتسفرني بس بشرط

جاوبني بللهفه

..موافق موافق على اي شرط بس اهم شي تجين وياي

..شوف الشرط اذا اتسفرني ماريد اي احد يدري اي احد اني وياك يعني لاتخليهم يشكون ومن اطلب منك ترجعني ترجعني

..موافق. شوفي كلشي جاهز بس لازم ماخليهم ايشكون بيه انتظريني يومين بس يومين اتحملي واجي اخذج ماشي حبيبتي..البارت قصير اسفه بس وربي اليوم عندي دوام لان احنه بكلوريا وسادس اعدادي فباشرو بينه من اليوم والبارحه مانمت يعني من البارحة لليوم اني مانايمه وجاي اكتب بتك عين عذروني بنات لاتنسون التصويت احبكم 😍❤