ابو علي ... لا عمو مو ابيعج لج بابا تردين عمج ينسجن
ريم .... عمو اني وين اعرفهم واصلا اني ويني وين الزواج
ابو علي .... شوفي حجيت وياج بلطيب مقبلتي غصبا ماعليج تزوجي افتهمتي وحضري نفسج اني كتلهم وانطيتهم كلمه باجر لصبح انتي يمهم
ريم ..... كعدت ادك والطم واتحسب عليهم واكول ياربي شحيصير وياي والله تعبت هنا والله راح اموت من القهر ليش بيبي عفتيني ليش هسه لو عندي اهل يصير هيج بيه اوووف يلقهر نمت واني الدمعه ع خدي كعدت لصبح
ابوعلي .... يله بسرعه تأخرنه
ريم.... ماارووح كتلك ماروح مااتزوج هيج
ابو علي .... اذا مقبلتي احبسج واخليج هنا والله اعذبج عذاب تعرفين لو لا
ريم... بده عمي يضرب بيه ويكلي هيج حجي فقبلت غصبا عني 😔
رحت لبيتهم دخلت واني مقهوره ومصدومه من الي ديصير ليش اني هيج يصير بيه ياربي تعبت
دخلت البيت جبير قصر جبير حيل يعني ليش هيج بيت جبير ميسون لابنهم عرس وهيج يهتمون لموضوع مره لابنهم معقوله مااصدك
اجه لسيد وعقده طلع اسمه علي لمسعد كملت ودلوني ع غرفتي جبيره حيل وحلوه كعدت بيها اجتي امه باركتلي وكالت علي طلع من يجي دير بالج عليه هو شويه عصبي
كتلها انشالله عمه
نمت لان تعبانه كاعده من لصبح واني نايمه سمعه اجه ضليت نايمه مكعدت كعدت لصبح لكيته ماكو نزلت جوه ساعدت عمتي بلشغل لان عرفت معدها بنات عدها بس علي الوحيد الها
علي .... وين لريوك بسرعه فضوني
ريم .... هذا لريوك تفضل
علي ..... هاي انتي لعروس عود مبروك
ريم ... شكرا الله يبارك بيك
علي .... شوفي اسمعيني منا وهيج تنامين بغير غرفه شوفيلج غرفه ثانيه وها لتشوفيني خلقتج وحتى ع الاكل ماشوفج بأي مكان اني موجود انتي ماكو ولي يله
ريم .... هذا شبي ليش هيج يحجي ع اساس ميته عليه
رحت لعمتي كالت حضرتلج غرفه وحدج عمه روحي بيها وعمه اتحملي شويه هو مزاجي ومدلل وجان مقابل ع الزواج منج ميريدج
ريم.... تفاجأت وسكتت صعدت للغرفه وضليت اتذكر بيبي وابجي ونمت واني اتذكرها واتذكر حنيتها 😔
سمعت صوت صياح وتكسير بلبيت وكمزت من الفراش ونزلت اشوف شصااااار شكوو
يتبع ......
