علي .... عمج خابرني ويريد يشوفج وطبعا اني مقبلت بس كلت هذا حقج تردين ترحين
ريم ... شيريد يعني شعجب يريدني هاي مو من عوايده
علي .... تردين ترحين تشوفين شيريد يجوز الله هداه ويريد يكفر عن ذنبه من حجيه مبين
ريم .... صدك معقوله اذا هيج يي اروح اذا تقبل
علي ..... اوك لعد من نرجع من العياده اوديج عليهم واجي اخذج بليل اوك
ريم .... اوك هاهيه
رحت لبيت عمي ودخلت سلموا عليه سلام يخبل اول مره هيج يعاملوني علي نزلني وراح وره ١٠ دقايق اجه عمي كلي اريد احجي وياج بغرفتج تعالي عمو
ريم .... خير عمو تفضل
ابو علي .... شوفي ولج انتي بعد متطلعين منا وتضلين هنا ومترجعين لهذا افتهمتي اني هذا الحقير تتفقين وياه ويجي يهددني بلمسدس الا اموتج واخليج هنا ومتشوفي افتهمتي
ريم ..... شنو هسه اخابر علي يجي يأخذني حسبالي صدك تندمتوا وحسيتوا بخطأكم تالي هيج مفكرين لك انته شنو من عم
ابو علي .... موبايلج عمو ماكو وماعندج مكان وبس يجي اكله ريم متريدك طلكها يله ضلي هنا تذكري غرفتج اكيد مشتاقتلها
ريم ... . عمو لا اني احب زوجي وماريد اطلك عمو لتخليني هنا فدوا اني بنت اخوك بمثابه بنتك ليش تسوي بيه هيج
ابو علي ..... صوتج مااسمعه تره والله اكتله واجيبه الج ميت اششش ولج تره ادفنج هنا
ريم ..... حسبي الله ونعم الوكيل بيك
علي ... اجيت اخذ ريم عمها كلي اتفضل عندي موضوع وياك
ابو علي .... عمي ريم متريدك وكلتلي اوصلك خبر تطلكها وتجيب ورقه طلاكها هنا
علي ..... شنو شتحجي انته وينها خلي تجي هيه تحجي وياي يله اصدك ماصدك بيك وينج ريم(بصياح )
ابو علي .... هي كالت ماريد اشوفه افتهمت يله معندك مره هنا اطلع بره
علي .... اني اعلمك والله اذا ادري الك ايد بلموضوع ادفنك بأيدي
ام علي .... لك شو انته متحترم متريدك هسه هيه كوووه يله يله ناقصنه زعاطيط
علي .... لو ما مره جان عرفت ارد عليج راجعلكم والله اني اعلمكم
ريم .... ياربي هسه اكيد حسباله اني اريد اتطلك ياربي اني احبه واريد اعيش وياه ليش هيج دومي متعذبه بحياتي
ام علي .... كووومي يلعوبه يله كومي نظفي لو خطاره همزين اجيتي لان جنتي فايدتني بلشغل
ريم ..... مو اني خدامه عندج روحي اشتغلي انتي
ام علي .... متكومين مو تعالي خلي اكص لسانج الطويل
ريم..... اخ الله لاينطيج عساها بصحتج وعافيتج
طلعت واني متكسره تكسر صدك اذتني اني صح دافعت عن نفسي بس هيه قويه وضخمه مكدرتلها وضليت ايام ع هلحاله صدك شفت الذل ومن اهلي الي همه من لحمي ودمي
علي .... مصدكت الي صار معقوله هيج يصير هيه جانت مرتاحه ويانه واصلا مبيها شي من رحت شنو الي صار والله اشتاقيتلها مر يومين جنهن سنه مو يومين والله حبيتها البيت ميندخل بدونها لازم احجي وياها بس شلون البيت ميقبلون احاجيها والفون غالقته شسوي ياربي شسوي لازم اكلها اني ماعيش بدونج ريم مااكدر حسي بيه
ابو علي ..... خلي اكعدها تكوم ترفع دعوه طلاق
ام علي ... يي احسن زين تسوي
ابو علي ..... لج وين راحت هاي ماااهيه بغرفتها
ام علي ..... شنو تحجي صدك لعد وين راحت
طلعنه ندور عليها وملكيناها اكيد راحت لبيت علي
علي علي وينك ولك تعال خطفتها مو انته صدك متستحي
علي ..... انته شتحي داخل لبيتنه وتصيح وتعيط شبيج منه لخطفتها
ابو علي .... مو غيرها يعني ريم
علي .... رجعت لسوالفك مو
ابو علي .... شوف تره اموتك احجي وينها
علي .... انته كلي شسويت بيها
ابو علي يعني مو عندك صدك
علي .... لك انته تحجي صدك
ابوعلي .... والله كعدت لصبح مالكيتها ضليت ادور عليها ملكيتها كلي اذا تدري عنها كلي لتخليني بقلق
علي ..... عفته ورحت اركض مثل لمخبل ادور عليها يومين واني ادور حتى لبيت مدخلتله وكفت لسياره وضليت اكول وين الكاها ياربي ساعدني انشالله مصاير الها شي والله اموت وراها اني احبه ياربي هيه رجعتلي حياتي مثل مجانت ليش راحت ليش
علي .....فجأه واني دااتذكر ذكرياتنه تذكرت شغله وعرفت مكانها وين يي اكيد هيه بي
يتبع........
