ابو علي..... لا ماالها ايد بلموضوع بس اني حجيت هيج ومخليتكم تصدكوها حتى اخذ لفصل منكم حتى اخليكم تصدكون انو هيه وياي وتخافون من لشرطه
علي ..... لك انته صدك صدك حقير (ضربته بوكس وطلعت)
رجعت للبيت وانقهرت حيل من الي سويته بريم كلت بس ارجع اعتذر منها ع الي صار بس بعد الي سويته بيها حتسامحني مااعتقد مستحيل وصلت لبيت ونزلت بس لكيت امي تصيح ع ريم وتريد تضربها
ريم ..... عمه والله مريضه وتعبت من لشغل غسل ونظفت لبيت ٣ مرات والله تعبانه ارحموني
حياه ..... لج انتي حسبالج تكدرين تخدعينه برائتج هاي امشي اني اشوف لبيت مو نظيف
علي ..... يمه عوفيها لبنيه مالها ذنب بكل الي صار واحنه نعتذر منج ريم واتمنى تسامحينه
ريم ..... اسامحكم ع ششنو تحجي صدك لك انتو سويتوا حياتي جحيم عيشتوني برعب خليتوني بدون اكل ايام ومن تخلصون اكل تجيبولي شي من الاكل الزايد بس اسد بي جوعي وهسه اسامح لا ريم لقديمه الي جانت فقيره راحت وماسامحكم ابد اكرهكم اذا تريد طلكني وعوفني لحال سبيلي
علي ..... وين ترحين ليش عندج مكان تره عمي مستحيل يخليج بيته هو اصلا خلص منج
ريم ....😔انقهر حيل من حجيه وصعدت فوك تعبت حيل من الي ديصير وياي ياربي اني يتيمه نضرتك الي ارحمني كمت صليت وضليت ادعي ربي بلكي يحلها
نمت كعدت ع صوت لباب انفتح شفته علي اجه للغرفه
علي .... نايمه
ريم .... شتشوف برأيك
علي .... كاعده
ريم .... لا نايمه اعذرني
علي .... 😂والحجي منو الجني مالتج
ريم ... تفضل شتريد
علي .... تره بعد وقت للنوم شعدج نايمه اريد احجي وياج بموضوع
ريم ..... كول اسمع
علي .... شنو رأيج نصير اصدقاء
ريم ... اول مره اسمع اصدقاء متزوجين وثاني شي اني ممسامحتك ولا راح اسامحك ع الي صار
علي .... زين انطيني فرصه اصحح غلطي
ريم .... افكر
علي .... والله انوب تفكر عمي فكري براحتج يله تصبحين ع خير
ريم ... وانته بخير (علي) قبل متروح ممكن طلب
علي .... اتفضلي عيوني الج
ريم .... اريد اروح للنجف
علي .... شعندج
ريم ... ازور بيبي مشتاقتلها
علي ...اوك تدللين حضري نفسج باجر الظهر
ريم .... صدك شكرا شكرا والله ماانساها الك
علي ... فرحت ع فرحها اول مره اشوفها فرحانه وفوكها جنها طفله تكمز 😂😂
ريم....نمت وكعدت لصبح وحضرت كلشي حتى لبيت كملته واني فرحانه بدلت وكملت نزلت انتضر علي يكمل وينزل
علي .... بدلت ونزلت شفتها كاعده بلصاله شفتها طالعه كمر ضليت صافن ع جمالها بس ابد مااحسبها كزوجه لان كلش متعلقه بسالفه مرتي القديمه 😔
يله ريم خلصتي
ريم .... يي خلصت
صعدنا لسياره وصلنه للنجف كعدت ع قبر بيبي ضليت اصيح وابجي واشكيلها ع عمي والي سوا بيه وكتلها عن كلشي صار وياي
علي ... شفتها شبعت بجي وتحجي عن ظلم عمها وعن الي سويته اني بيها اني كلش انقهرت وكمت ابجي وياها شفتها صوتها كام يروح وحسيتها داخت ركضت عليها طاحت بحضني غسلتلها وكومتها كتلها كافي راح تموتين
ريم .... ماريد اروح اريد اضل هنا
علي .... كومي يله انروح بلا عناد
ريم .... اوك كايمه يله
علي .... اطلعي كبالي للسياره عندي شغله اسويها
ريم ... شنو لشغله الي يسويها بلمقبره المهم شفت قبر امي وابويه بطريقه هم كعدت يمهم شويه وقريت لفاتحه وكمت
داامشي وشفت علي كبالي واني امشي ديبجي ويحجي ويه قبر معرفت المن هلقبر لحد ماااتقربت لكيت اسم بنيه كلت منو هاي سمعته يكلها ليش رحتي وعفتيني حبيبتي عرفتها مرته لسابقه رجعت للسياره (معقوله يحبها لهلدرجه خطيه الله يساعده )
علي .... اسف تأخرت عليج
ريم ... لا عادي مصار شي
نزلنه نتعشى بلمطعم كملنه زرنه الامام علي (ع) ورجعنه للبيت تعبانين كلمن راح لغرفته
ريم....كعدت بليل عطشانه نولت اجيب مي واني داانزل طخيت بواحد بلدرج كمزت ونلوت رجلي
علي ..... صارلج شي
ريم .... اي رجلي انلوت دتوجعني
علي .... استندي عليه حتى تصعدين
صعدتها وجبت دهن وحطيته ع رجلها ولفيتها بلفاف ونامت هيه ضليت كاعد يمها للصبح كعدت ع الكرسي كلت خاف تريد شي وهيه متكدر تكوم غفيت واني اباوع ع جمالها والنزاكه
ريم ... كعدت لصبح لكيته نايم ع الكرسي
علي ... كعدتي اسف بسببي رجلج تأذت
ريم ... لا عادي انته هم متدري
علي ... دير بالج مره ثانيه وتكمزين تره وياج ناس بلبيت 😂😂 شلون صارت رجلج
ريم .... زينه كلش بس شويه ماكدر امشي
علي ... ضلي هنا يجيبولج الاكل هنا الخدم
ريم ... خدم ؟؟
علي .... يي اني جنت منطيهم اجازه لان ردت انتي تشتغلين وطبعا اسف كلش
ريم .... الصار صار الماضي ميجيب نتيجه
علي .... يعني سامحتيني
ريم ... يي انته مالك ذنب بس بشرط
علي ...😂انوب تتشرط كولي
ريم .... ارجع للدوام
علي ... انتي شمخلصه
ريم .... خلصت سادس ونقبلت دكتوره قلب
علي ..... شنوووو لا مداومين ولا ترحين افتهمتي واذا جبتي هلموضوع متلومين الا نفسج
يتبع ......
