نزلت اركض اريد اشوف شصاير ولكيت علي يكسر بلمطبخ ويصيح ع امه اني خفت وكفت بمكاني ردت اعرف شكو بس هوه ميريد يشوف وجهي وعصبي فخفت اروح طلع من لمطبخ وصرت بوجهه لزمني كلي كله من وره عمج اني اعلمج لج الا اندم عمج واندمج وياه ضليت مصدومه بمكاني مااعرف شكو وشصاير ضل يضرب بيه لحد مفقدت صعدت كوه لغرفتي واني ابجي حتى هنا ماسلمت من عمي ومشاكله اووف والله دمروني
حياه ..اني اعلمج ولج فوك ماحبيتج وعزيتج طلتعي حيه ولج الا اسوي حياتج جحيم
ريم.... عمه بس فهميني الي صاير والله مادري
حياه..... يعني ع اساس ممشاركته بلعبه مالتكم
ريم .... يالعبه والله مدافتهم شدتحجين
حياه ... سوي نفسج غشيمه حسبالج اسكتلكم
ريم.. طلعت ومااعرف شنو لموضوع ضليت افكر وابجي ياربي شمسوي عمي شكو خابرت عمي مرد عليه نمت كعدت لصبح ع صوت علي فوك راسي يصيح
علي .... كومي لج اول مره غصبوني اخذج واخر شي طلعتي بعصابه كومي نضفي لبيت كله يله بسرعه
ريم .. اوك كايمه
علي .... يله لتسوين نفسج حبابه يلحيه
ريم ..😔😔
اعرفكم عن نفسي اني علي عمري 26 سنه دكتور قلب وعندي عياده تزوجت وحده من جامعتي جنت احبها حيل وهم جانت دكتوره بس اسنان تمرضت بمرض بلقلب واضطريت اني اسويلها لعمليه لان مجان موجود غيري وماتت واني اسويلها لعمليه تعقدت من لموضوع وضليت حتى شغل مارووح ولسه مااداوم ولا ردت اتزوج جبروني اهلي ع مره لان كالو بنيه يتيمه فكلتلهم جيبوها بس مالي دخلت بيها وغصبوني اخذها من الحاحهم
ريم ... كمت امسح وانظف وسويت اكل وكملت رجعت لكيت لبيت كله مكلوب من جديد محجيت نظفته ورجعت مسحته وضلو تقريبا من لصبح لليل يوصخون حتى اتعب واني اركض من مكان لمكان هلكت وتعبت والله لو ادري شصار جان ماانقهرت اووف يعمي شكول ردتك سند بعد موت ابويه كسرت ضهري 😔
علي ..... هي انتي تعالي
ريم... جرني من شعري وطلعني بلحديقه وقفل لباب ضليت اصيح دنيا ليل لتخليني وحدي اخاف
علي ... طبج مرض تستاهلين متخافين من ربج ولج خافي اني اريدج تخافين
ريم .... ضليت كاعده بلحديقه ولجو بارد وابجي من لخوف انوب ضلمه حتى لكلوب مطفي مغفت عيني ولا لحضه صار لصبح واني احاجي لنجوم يكولون كل الي يموت يصير نجمه ضليت احاجي اهلي وابجي 😔😔
صار لصبح فتحوا لباب
علي ... دخلي سويلي عشه بسرعه يله
ريم .... سكتت ورحت سويت ريوك
دااسوي لريوك وسمعت صوت عياط بالصاله ركضت لكيت عمي وديتعاركون وعرفت لصدمه ........
يتبع .......
