ريم ..... ثاني يوم صارت رجلي زينه لان هيه لويه خفيفه فنزلت جوه شفت عمتي كاعده صاحتني
حياه .... ريم
ريم ... ها عمه
حياه ..... عمه سامحيني ع الي سويته بيج وشتردين اني حاضره
ريم .... لا عمه شسالفه مصار شي بس اريد اسألج سؤال
حياه ..... كولي عمه اسألي
ريم .... عمه اني ردت ارجع للدراسه لان ح يبدي الدوام واني اقبلت دكتوره قلب ومن كلت لعلي مقبل وعصب حيل وطلع وحتى بعد مشفته
حياه .... عمه هو معصب ع الجامعه ولا ع دوامج عصبي ع شي ثاني
ريم ..... شنو عمه هذا الشي
حياه ..... عمه علي دكتور قلب ومرته توفت بسبب القلب ولان هو سوه لعمليه وهو يعتقد انو ماتت بسببه
ريم ..... صدك عمه خطيه بس هو ممتقصد الاعمار بيد الله
حياه ..... هوه هيج يحس والله ياعمه مر بفتره كلش صعبه وحتى ترك عياته وشغله ومداوم بعد
ريم ..... اكدر اني اسأعده بس لازم يقبل بأول اني اداوم وح اخلي ينسى ويداوم
حياه .... ياريت اني احاجي ع دوامج
ريم ...... صدك عمه شكرا
حياه .... تدللين عمه
اجه علي وهدء شويه حاجته عمتي ع دوامي عصب وضل يصيح بعدين قبل بعد معاناه طبعا اني فرحت حيل
علي .... حضري نفسج نطلع نشتريلج ملابس للدوام
ريم .... اوك ماشي طبعا مااكيف اني (بقلبي )
طلعنه نشترينه ملابس وشويه فترينه وتعشينه ورحنه لمدينه العاب كلش تونسنه بهذا ليوم وكلشي جان بلماضي نسيناه
ريم .... علي علي هذا شعر بنات اريد
علي ....هههه انتي خبله جنج طفله تكيف ع شعر لبنات تعالي نأخذ
ريم .... يي لعد قابل اني جبيره بعدني هسه صرت ٢٠ يعني مصاري هواي بلدنيا
علي .... مكايله شي انوب متزوجه يحضي
ريم ......عادي اني ممتزوجه صدك
علي.... ضجت بس كلتله يي صح
رجعنا للبيت جان ثاني يوم دوامي بلكليه دوامت وجان يوم كلش حلو شفت صديقاتي نصهن هناك بس الكتب جانت صعبه رجعت للبيت لكيت لبيت هوسه دخلت سلمت عليهم
حياه ..... هاي جنتنه
فدوا شكد حلوه تعالي حبيبتي ابوسج اني خاله علي
ريم .... هلا بيج خاله
سلمت ع بنات خالته وخالته وصعدت بدلت وكملت ونمت شويه صعدتلي عمتي
حياه .... عمه كومي روحي بغرفه علي كملي نومتج وملابسج ح يجيبوهن لخدم
ريم ... ليش عمه
حياه ... عيب منهم شيكولون متزوج ونايمين كل واحد بمكان كومي عمه
ريم .... اوك عمه كمت نمت بغرفه علي لان ميته تعب
علي .... دخلت لغرفتي لكيت احد نايم بلغرفه تفأجات تقربت عليها شفتها ريم استغرربت بس كلت يجوز لان خالتي
نزلت خليتها نايمه كعدت وياهم ضلينه نسولف ونضحك نزلت ريم كعدت ويانه وكعدتتها بصفي لان مااريد يستهزئن بيها او يحسن بشي
صار ليل كلمن راح لغرفته فرش بلكاع وخليتها نايمه ع الجربايه
ريم .... مر اسبوعين ع الدوام وعلي كلش زين وياي وصرت احبه حيل بي لازم اخلي يرجع للشغل مالته
اجيت ثاني يوم يمه كتله اكو شي ماعرفه بهذا الموضوع كعد هوه يفهمني عليه طبعا اني اعرفه فضل هوه يتذكر ايام قلب وشغله وعيادته ويسولف عليهم
ريم .... علي ليش ماتفتح عياتك ادرب بيها وتدربني انته لان كل لبنات ديسون هيج لان ح يجي التطبيق حباب
علي ... لا ريم هذا لشي مستحيل
ريم 😔 لعد اني لوحيده الي ماراح اتدرب ع التطبيق
علي .... افكر الله كريم اني رايح انام
ريم ..... يس واخيرا نجحت بأول خطوه
علي ..... ضليت اتذكر المستشفى واصدقائي والعياده حنيت للشغل
ريم .... كعدت ثاني يوم رحت للدوام من كملت محاضرات شفت علي واكف باب لكليه رحتله
علي .... اصعدي
ريم .... شعجب جايني ليوم
علي .... هسه تعرفين وين نروح
ريم .....رحنه ومااعرف وين نزلني شفته كله عيادات كيفت كلش يمكن جايبني للعياده مالته
علي .... يله انزلي هاي عياتي
ريم .... صدك والله فرحتني كلش
علمني شويه ع الادوات وشرحلي شويه ع الشغل وفجأه اجه واحد
....واخير فتحت عيادتك اول مشفتك مفتح اجيت اراجع يمك
ريم .... يي عمو اهلا وسهلا تفضل
علي ..... ريم اني مافتحت بعدني
ريم .... عيب تعوف لرجال هو جاي ومتعني شوفه
واخيرا اشتغل بعيادته حتلو بس شخص بس يمكن من الاحراج شويه تغليب ع خوفه فرحت حيل كملنه ورجعنه للبيت
ريم .... عمه عمه وينج
حياه.... ها عمه شبيج
ريم .... عمه علي اشتغل ليوم بعيادته
حياه .... صدك تحجين والله فرحتيني كلللوش
ريم .... اسكتي ليسمع ويعرف متفقين
حياه ..... يابعد كلبي والله انتي اصيله
ومر اسابيع وعلي كام يشتغل عادي بلعياده هواي طلبوا منه يسويلهم عمليات بس رفض لان بعده مصدوم بس اهم شي كدر يشتغل وشويه شويه يرجع لوضعه لطبيعي
علي ..... ريم اريدج بموضوع كلش مهم
ريم ..... خير شكو كوول شبيك
يتبع .......
