Makalipas ang dalawang linggo matapos ang party ay hindi na sina Yuan at Yanyan tinigilan nila Vinia at Julio. Magkahiwalay sila nitong pinupuntahan. Si Julio sa bahay nila Yanyan at si Vinia ay sa opisina ni Yuan.
Kinukulit silang dalawa ng mga ito kahit na pinapakita na nila ang pagkainis sa mga iyon. Lalo na si Vinia ginagawa ang lahat na magagawa niya para lamang makuha niya ulit si Yuan ngunit bigo siya kahit na nga inaakit na niya ito ay bigo pa rin siya. Kaya naman buo na ang kanyang pasya na ilalabas na niya ang kanyang huling alas na sigurado siyang ikakapanalo niya. Si Julio naman ay sobra ang pagpapaliwanag ng dahilan ng pag-iwan niya kay Yanyan noon na hindi niya talaga gustong gawin. Pinaniwalaan naman iyon ni Yanyan pero sinabi na niya talaga kay Julio na hindi na puwedeng maging sila lalo na may minamahal na siyang iba. Siguro kung nakabalik siya agad baka puwede pang maging sila kaso hindi na talaga puwede ngayon. Lalo pa pumayag na siyang magpakasal kay Yuan. Hindi naman siya nagsisisi dahil totoong mahal niya si Yuan at ito na ang gusto niyang makasama habambuhay.
” Sure ka talaga, Vinia na ipapakita mo iyan kay Yuan? Di’ba nga nakita mo rin na hindi naman pala talaga nakayakap yang girl na yan kay July kundi si July lang at nagpupumiglas lang siya? ” ang paniniguradong wika ng kaibigan niyang si Mildred
” Sure ako, Mild. Besides malalaman ba ni Yuan kung ano talagang nangyayari diyan? Ako lang naman at ikaw ang totoong nakakaalam ng totoo. Ang importante kitang-kita diyan sa video ang pagyayakapan ng mahinhin niyang girlfriend at ni July. Its a good shot. Nakikini-kinita ko na ang magiging reaction ni Yuan kapag nakita niya iyan. ” maarteng wika ni Vinia at talagang sigurado na sa nakikitang tagumpay sa pagkawasak ng relasyon ni Yuan sa girlfriend nito.
” You’re so brilliant, Vinia. For that,cheers. ” ang hangang wika ni Mildred sa kaibigan saka nagtoast ng wine glass sa ere.
” Of course! Cheers! ” tuwang-tuwang sagot naman ni Vinia sa kaibigan bago uminom ng wine.
Kahit kanina pa nagbabasa ng mga papeles si Yuan ay wala namang pumapasok sa kanyang utak ni isa man sa mga detalyeng naroroon kaya naman sa kanyang pagkainis ay naitapon niya iyon bago napabuntong hininga. Ganoong tagpo siya nakita ni Kenny.
” Anong problema mo,Yuan? Pati itong mga papel na walang kamalay-malay ay dinadamay mo. ” wika ni Yuan habang pinupulot isa-isa ang mga nagkalaglagang mga papel saka inayos isa-isa at inilagay sa table ni Yuan bago naupo sa bakanteng upuang naroroon.
” Buwisit kasi eh! ” tanging naisatinig niya habang nakatingin sa labas ng building.
” Ano naman ang nakakabuwisit? Di’ba nga nakapagclose ka na ng deal sa mga japanese businessmen. So dapat magcelebrate,pare. ” sambit naman nito.
” Its not that, Kenny. Its Vinia. Ginugulo niya ako. Ayaw pa niya akong totally pakawalan. ” ang asar na sagot niya sa kaibigan.
” What do you mean na totally pakawalan? Matagal na kayong hiwalay di’ba at ikaw pa nga ang nakipagbreak sa kanya as far as I remembered everything. “
” Yeah! Ako nga nakipagbreak but I forgot to tell you na hindi siya pumayag. Kaya iyon ang sinasabi niya sa akin ngayon. Siya pa rin daw ang legally girlfriend ko at hindi si Yanyan. “
” Maldita pala talaga yang si Vinia eh. Siya pa may ganang magsabi niyan sa iyo. Kapal niya. So,ano ng plano mo ngayon, Yuan? “
” Hindi ko pa alam. Hindi ko alam kung paano sasabihin kay Yanyan. “
” Ito lang sasabihin ko, Yuan huwag mo ng patagalin yan. You know, Vinia. ” yon lang sinabi ni Kenny at lumabas na ito ng opisina niya.
Naiwan namang napapaisip si Yuan. Tama si Kenny na huwag na niyang patagalin ang pag-iisip dahil kailangan na niyang masabi ang lahat habang maaga. Pero hindi niya alam kung paano sasabihin iyon kay Yanyan dahil natatakot siya sa maaring isasagot nito sa kanya.
