First ten Dates With Him (Completed)

Eighth Date With Him

Eighth Date With Him

“life is a road that I wanna keep going”

“KUYAAAAAAAAAAAAAAAAAAAAAAA!”

Sobrang lakas ng nagawa kong pagsigaw at nabulabog lahat ng guards na malapit. Agad nilang hinabol yung mga salarin.

Pero hindi yun ang problema ko ngayon.

Si Kuya Harry.

Itinakbo namin siya sa pinakamalapit na hospital. Habang ako naman, tahimik lang na umiiyak. Tahimik lang na nagdarasal na sana hindi siya mapahamak. Sana hindi sya sumuko. Kasi... kasi may kailangan pa ako sabihin sa kanya.

Andito ako ngayon sa kwarto niya at naghihintay ng paggising nya. Dalawang araw na syang hindi gumigising. Dalawang araw na akong nandito. At bukas, uuwi na kami. Kaya sana magising na sya. Kasi ang gusto ko, magising sya bago man lang ako umuwi para masabi ko na at makapagpaalam ng maayos.

Kung pinakinggan ko lang sana sya. Eh di sana....

 

“Kuya... ang unfair mo naman eh. Sabi mo saken dati matapang ka... *sniffs* pero bakit ka ganyan? Wag mo ko iiwan kuya... may sasabihin pa ako sayo... kaya dapat gumising ka na.. kasi, pag di ka gumising, baka hindi na tayo magkita kahit kelan... pag hindi ka gumising, hindi mo na maririnig yung sasabihin ko...”

Kinakausap ko sya nung biglang bumukas yung pinto ng kwarto.

“Trisha...” Trisha ang tunay kong pangalan at Tet lang ang nickname ko. Short for Trisha Eternity.

Mama yun ni Kuya Harry.

“Trisha anak, magpahiga ka na. Alam kong napapagod ka na sa pagbabantay sa kanya.” Sabi nya habang hinahagod yung likod ko.

“hindi naman po ako napapagod. Gusto ko po kasi paggising ni Kuya, andito ako para makapagpaalam ako ng maayos... gusto ko po na makita nya ako paggising nya.”

“mahal mo talaga sya noh?”

“po?”

“wala naman akong ibig sabihin don. Pwedeng pagmamahal lang bilang kuya o pagmamahal na higit pa dun. Wala akong tinutukoy na ganun. Pero alam ko kung ano yung pagmamahal mo para sa kanya. Kung gigising man sya, alam kong yun kapareho nung pagmamahal na nararamdaman mo yung pagmamahal na nararamdaman nya.”

“pano nyo po nalaman?”

“madalas ka nya kinukwento saken pag umuuwi sya.  Mahal na mahal ako ng bunso ko kaya lahat ng bagay ay kinukwento nya saken. At isa ka na dun. Alam mo bang kinuwento nya rin saken na pupunta ka dito? Tuwang-tuwa pa nga sya nun eh. Sabi nya, pumunta raw ako dito para makita kita. Pero hindi ko inaasahan na pagpunta ko rito eh ganyan na sya.”

“sorry po... kasalanan ko po eh...”

“wag ka magsorry. Wala ka naman talagang kasalanan. Sa totoo lang alam kong posibleng mangyari sa kanya to eh. Masyado kasing matigas ang ulo ng batang yan eh. Kala nya kasi hindi sya mapapahamak sa mga ginagawa nya eh. Hindi ko naman sya masisi kasi yun talaga ang hilig nya.”