بـقـلـم / شـهـودهہ
البارت - التاسع -
المايعرف ... شيوجعه ..
يگضيهه ..اااااخ ... هواي وادم
تشتكي من اعزازهه .. اااخ
-------------------------
أمـنيهہ ...
كعدت الصبح فزيت الساعه بلأربعه كمت غسلت ومشطت وشلت شعري بكماشه وبدلت ملابسي لبست فستان أسود وكب وشال ورحت
حضرت القرأن الكريم والأدعيه والشموع والبخور والورد الوصيت روزه تجيبهن ألي
بعدهه حضرتهن كلهن و أخذت الموبايل خليته عالميز وأني كلش مشتاكتلهم اريد بس اشوفهم أشم ترابهم اخخخ يا كلبي جانت أمنيتي بذيج الساعه أشوفهم كدامي وأحضنهم وما أعوفهم أبد شلون راح اشوفهم وهمه جوا التراب
نزلت دموعي وحسيت على علاوي كعد كبل مسحتهن فجأه اجه يمي وكال
علي .. صباح الخير ماما ليش تبجين
جاوبته واني أشيله
حبيب ماما صباح الورد لٱ مدا ابجي بس ما اعرف عيوني شدخل بيهه ارجع نام بعد وكت
علي .. لٱ ماما هايهيه نمت هواي البارحه وهسه شبعان نوم واني دا اشوف بابا مدا ينام هواي ويداوم اني اريد اصير مثله عسكري
جاوبته واني احضنه اكثر والعب بشعره واتشاقه وياا
اووويلي يمه فديت اليحب ابو ويريد يصير مثله عسكري من تكبر عود بكيفك شتريد تصير صير
جاوبني وهو يضم شفته بزعل
علي .. ماما لٱ خربطتي شعري وبابا يعدله الي هواي
جاوبته واني اضحك
هسه نعدله يلا كوم اغسلك وابدلك حته تاكل
كمت غسلتله وبدلتله ومشطت شعره وكتله
هاا عيني شلونه شعر علوش هسه
جاوبني بأبتسامه وهو يبوسني
علي .. واو شكراً ماما كلش حلو بس اكلج شي صغيروني
كول عيون ماما
علي .. اريد اروح يم بابا اشوفه اخذيني اله
حبيبي بابا نايم هسه ميصير نكعده
جاوبني وبينت بملامحه الضوجه
علي .. مااااا ماما اريد اروح يم بابا
علاوي بس
قاطعني وهو يلزم ايدي ويفتح الباب
شلته وبسته وكتله
ماشي ماشي عيني يدلل علوش نفس العناد سبحان الله ..
مشيت شفت روزه كاعده دتمشي
روزه .. صباح الخير يا محلى هالصباح بوجه أمـنيهہ وعلوش القزم ههههه
جاوبهه علاوي بضوجه
أنت تقرأ
ملك الاسد
Romanceوأضمك للعشگ ليله جنوبية ____________________ سمعت خطواته تقترب ناحيتي تقترب نحو الغرفة ... دخل للغرفه حسيت كأنما أعصار صار داخل الغرفه ... سد الباب بقوه وجفلت لانو أصدر صوت قوي و بعدها قفل الباب بلمفتاح ... اني هنا ذرة عقل ما بقت براسي ... حجيت بصعو...
