ملك الاسد

البارت 23و24

#الكاتبة شهوده

#البارت_الثالث_والعشرون

مَا عندي نقطة ضعف بس لٱ يذكرونك.

-------------------------

أمـنيهہ ...

ضليت ابجي و أدعي أهل البيت «عليهم السلام» ما اريد كلشي من الدنيا لٱ فلوس لٱ عرس لٱ بيت لٱ كلشي بس اسد وعلي ربي يعافيهم و يحفظهم و يخليهم ألي

كلبي يحترك احس نار شاعله بي والله دا اموت روزه كاعده يمي تهدي

روزه .. خيه كتلتي نفسج بسج عاد لٱ تخليني اكوم اذب نفسي من السطح وبعدني انه عروسه و اخلي جاسر يصير مخبول وبس يكمز عليه و يكول مرتي انتحرت

صدك ضحكت عليهه و كتلهه

ما بيه حيل بعد اكعدي و اسكتي لٱ يروح رجلج يكاومنه

ضحكت و كالت

روزه .. اي بعد اختج شعبالج لعد جا يعدوهه هيج انه غاليه يكاوموج و يكعدوج فصل اكتب كبل لٱ اموتن بورقه وكلهم أمـنيهہ سبب الوفاة

ضحكت حضنتني و كالت

روزه .. اي بعد اختج ضلي هيج وجهج يفتح النفس چنه العافيه ربج يعلم بحالج خيتي و شايف حركة كليبج و راح يرده سالم انشالله

ابتسمت و كتلهه

انشالله حبيبتي فدوه لعمرج يالغاليه

بعدهه ضليت كاعده بلمطبخ اني و روزه و دخلوو عمته لـ اسد و بنتهه سميه

اني كلت يا يمهه هاهيه جانت عايزه لتمت راح يكعدن يحجن عليه و اني كلبي محترك

كمت وكفت احترام الهه لأن مَـرّھٌ جبيره كامت تباوع عليه دنكت و كتلهه

السَلٱمٌ عـَلـْيگم أهلاً خاله

كالت

العمه .. و ۈعـْليگمٌ ٱلسّلٱمّ بنيتي بخيرر و انتي شعلومج

استغربت من طريقة كلامهه هي متحبني شغيرهه وياي

كتلهه

الْحٍمَدٍ للـّہ بخير خاله نحمده و نشكره على كل حال

حضنتني و كالتلي

العمه .. بنيتي ادريج شحاسه هلساع لان انه حسيت بلحسيتي يوم الفكدت وليدي مجتبى من جان جاهل و فكدته وضليت انه الطم وانوح وحاسه بحالتج انه ورايده اكلج بنيتي اعذريني لاني عاديتج بلبدايه بس الأسد موش هيج عدنه الغالي و الشيخ و ردناله بت تصونه و عبالي انتي راح تأذي و تأذين هالطفل عليوي بس لنج بت أصول و حافضتي عليهم السمو...

دا تعتذر قاطعتهه و ابتسمت بوجهه حسيتهه طيبه داخلهه و كتلهه

لٱ خالتي لٱ تعتذرين بالعكس كلش فرحت بكلامج هسه و عاذرتج قبل ادريكم تحبون اسد و تريدوله الزين معذوره