ملك الاسد

البارت 29

#

#البارت التاسع والعشرون

يـ واهس تضحك الدنيه على اشفافك
يـ ابو الليل الحلَو اليلعب على اجتأفك

-----------------------

أمـنيهہ ...

حطيت ايدي ع الاثر الصاير بركبته ونزلت دموعي باوع عليه وعكد حواجبه

اسد .. شصابج بهليل شصاير تخبلتي

طفيت الضوه وعفته و درت ما ردت احجي وادري بنفسي راح افقد و علي يجفل و يروح يصير بي شي

اباوع عليه ولا دار بال لف راسه ونام

عصف بداخلي كل انواع الحزن والانكسار صعبه من تتعرضين للخيانه من اعز شخص على كلبج واقرب شخص على روحج وابنه وابنج وجزء منكم يسكن بداخل احشائج

عيوني اطلقت العنان وسمحت لدموعي بلنزول و بدت صرخات روحي وكلبي تتعالى بداخلي و بده الصراع بين عقلي وكلبي

كلبي يريده ويحبه ومتمسك بي بس عقلي رافض هالشي يكلي اتركي كافي وجع خانج اذاج ميحبج خلي عزة نفسج اكبر واتركي وكلبي يكلي العكس

حسيت كانو عايشه بحطام وخراب روحي وتايهه بين عقلي وكلبي

مدده يم علاوي وملفلفه روحي ودموعي تنزل بصمت والحسره شكت كلبي

شغيره هيج عليه مو هو يحبني ليش هيج وصلت الدرجه بي يأذيني لهل حد للخيانه وصل والله ما اعرف شكول يا اسد شحجي حطتني كلبي اذيته وجعته دمرته كلمة دمار وخراب وانكسار قليله بحقي هسه

الليل كله ما نمته ضليت اتكلب مثل السمجه المزوهره وكل ما اتذكر انهضم اكثر ميته قهر والليل كله دموعي تنزل

ما صدكت صار الفجر كمت دخلت للحمام اغسل

شفت وجهي ويلااااه صاير خريطه االكحله سايحه من البجي ولاعبه بوجهي لعب

ضليت اباوع على نفسي بجمود مابيه اضحك بعد

كأنو الضحكه مو ثوبي والفرح ممكتوبلي احس قدري وحياتي وعيشتي للحزن والـ اه والونه والالم والدموع ولا محل للفرح في حياتي

صوت الأنين بداخلي يبكي المدائن والقرى ...

غسلت باوعت على نفسي واجا ببالي اسد اصلا هو راح من بالي ، شكد اذاني بهاي الايام وصيح وحجه وضرب ولحد البارحه سوايته كسرت كلبي واذتني

بس ما اعرف ما اكدر اكرهه حبه مختوم بكلبي ما اكدر اصفن وما يجي بتفكيري ما اكدر اتخيل مستقبلي اذا مو هوه بي ما اكدر آحـبُ:* غيره ما اكدر اشغل تفكيري باحد غيره دومه شاغل كلبي وروحي وتفكيري و كلشي بحياتي

هوه و علي اغلا من روحي

بس البارحه قرعت طبول الخيانه اللي ما جنت بحياتي كلهه اتوقع او افكر مجرد تفكير انو يجي يوم واسد يخوني او يبطل يحبني ويعاملني بقسوه واذيه