ملك الاسد

البارت 4

#
بـقـلـم / شـهـودهہ

البارت - الـرابـع -

‏لـنّ أنسى تِـلك الغـصة ،
تِـلك الصدمة ،
تِـلكَ ساعة الوداع
التي مرت گ ثانيــة ،
لّنّ انسى ذِكراهِم أبداً
گم أشتاق ، لكم يا أغلى
ما فقدت ، يؤلمنى فراقكم …

___________

أسـد ...

ضليت أصيح لحد ما أجو وفتحو غرفه ودخلوهه جووه صحت عالدكتورات يجن يشوفنهه شبيهه .. دخلن جوه واني طلعت من الغرفه

وره شويه طلعن چـان تكول وحده منهن

الدكتوره ... حضرة الضابط البنيه هااي كلش تعبانه وعدهه أنهيار عصبي وداخله بصدمه قويه وراح تحتاج أيام يلا تصحى .. العلينا سوينا بعد الباقي يم الله

جاوبتهه بعصبيه

بوووويه شتحجين انتي اذا صارر بلبت شي اهجم المستشفى على روسكم ..

وره هذا الوقت بحوالي 3 ساعات أجه أيسر كال بتعب

أيسرر .. بويه يالشرس ما لكيت والله بت اسم أبوهه .. احمد محمد السلطان ..
كلبت بغداد والمستشفيات كلهه يابويه ماكو

جاوبته وحطيت أيدي بشعري وكعدت عالكراسي ..

لكيت البت أيسر جوه هسه هي بالغرفه صار عدهه أنهيار عصبي جراء الصدمه التعرضت الهه

حط أيده على جتفي وحجه وياي

أيسر .. الصبر يبعد أخوك قدر الله وصار ولا اعتراض على حكمه عز وجل .. الله يساعدهه للبت موسهله فگدت ابوهه وامهه بحين واحد ..

اعرفهه عزيزة كلبك هاي البت يلأسـد من كسرتك عليهه هسه وانت الشهم المحد يقهرك .. اوصيك بـ القوه والصبر ياخويه

انت الأسـد لٱ تخلي الضعف يتغلب عليك ويذلك

جاوبته بثقه ورفعت راسي وخليت عيني بعينه

مَشَـــڪُوُرْ يالأخو كفو مـڼـڱ مامخلوق بعده اليذل الأسـد يا أيسر واجهت أمور متنعد چـا هي بقت على هاي

أيسر .. والنعم من الأسـد الشهم بويه الله كريم

جاوبته

أيسر عنوان بيتهم ..... روح وحضر كل شي نحتاجه للعزاء اريدك تجهز كلشي وهااي الفلوس بويه من باجر يبدي أول يوم ... وجدي وعمامي وولدهم و النسوان الفجر ينورون بحيل الله واهل البيت ....

وجايبيلي فلوس بعد لان ما جبت هواي على كد اربع ملايين كلت خاف يصير شي واعرفهه ما تكفي ..

أيسر ... ماشي بويه براحتك اني هسه رايح للعنوان .. بس هيه البت ماعدهه كرابه شي هنا ببغداد  هيه مو أصلهه منا

جاوبته بثبات

لٱ ياب ماعدهه امهه وحيدة اهله وابوهه ماعنده أحد بس أمي الله يرحمهه .. بس اكو زلمه جبير جابهه اضنه السايق