بـقـلـم / شـهـودهہ
البارت - الثاني -
فراقك عجيب وبعدك يشيب .. تركت فراغا لا يملأه صديق ولا قريب ..
المكان والعيون تفتقدك أيها الحبيب.. كل اللحظات الساحرة في بعدك عن فؤادي تغيب ..
حجبت ببعدك عني النور وكل شخص آراه غريب .. لم أرى سوى وجهك وليت يجمعنا من جديد نصيب ..
عذبني فراقك وتحرقني النيران واللهيب .. يا لوني المفضل في هذا الكون العجيب ..
كنت اتشتت عند مرآك وعيناي كانت دوما لك رقيب .
___________
أحمد .. أسـد رايد اكـلك شغله
أسـد .. كوول خالي خير ان شاء الله صاير شي
أحمـد .. ابني أسد مثل ما كالو عن الرسول ( صلى الله عليه واله وسلم ) .. البشر يحس قبل موته بأربعين يوم واني من قبل فتره حاس انو مراح أطول بعد بهاي الدنيا حاس انو راح أموت
أسـد .. كاطع گلآمَگ بـّخـْير خالي بس شنو هذا حجيك ... شنو راح تموت ... اذا مّرَيَـضّ كلي يا خالي اوديك لأخـر الدنيا وأعالجك والله ..
هو اني شباقيلي بويه هو بس انت من ريحة أمي
أحمـد ... أسد ابني مو مّرَيَـضّ اني بس هذا أحساسي ... اريدك قوي بغيابي يالشهم أمـنيهہ ... امانه بركبتك ما عدهه غيرك سندهه وعزوتهه بالدنيا ... هالله هالله بيهه يبويه ... تراها ناسكه وعنوديه .. اني واثق بيك لهذا الأمانه سلمتهه الك لان ماعدهه غيرك
أسـد .. خالي بعيني الأمنيه اخليهه والله چـا تعلمني بيهه حافظهه امانتك بالحفظ والصون ..
وخليت أيدي على أيده وحجيت ...
خالي ما راح يصير بيك شي انشالله
أحمد .. يبعد خالك نازل اني هسه اجي أشم هوه شويه
أسد .. طلع خالي واني حطيت أيدي على راسي .. اخخ يا الزمن والدنيا شاده وياي شكو عزيز بكلبي تريدين تاخذي من زغري حرمتيني من اهلي وحبي وناسي وهسه تريدين تاخذين الباقين منهم ..
صحاني من افكاري وهمي صوت الموبايل مال خالي يدك شفت الأسـم مكتوب .. حبيبة ابوهه .. عرفتهه أمـنيهہ ... جاوبت اجاني صوتهه
اهلاً وسهلاً بابا حبيبي اشتاقيتلك
وين رحت وعفتني ها كوول شعندك بالبصره يا عيني بابا شوكت ترجع
ضحكت بكلبي عليهه نفس الطبع متنطي مجال لأحد يجاوبهه حسيت من سمعت صوتهه رجعت 12 سنه لورا حسيت ملكت الدنيا عشكي الهه ماله حدود جاوبتهه ...
بشوك ولهفة محب ما أحس الأ نطقت ... أمنيتي مشتاقلج
جاوبتني وميزت نبرتهه مرتبكه وبلكوا تتنفس ... أأأسـد أسـد .. كامت تشهك .. هذا انت موو
حطيت أيدي أمسح وجهي رجعت شعري لورا بأيدي .. كلشي عندي مستعد اضحي بروحي ولا تنزل دموعهه .. اني الأسـد اللي الكل اعدائي واليكرهوني يردون نقطة ضعفي ماعندي غير بس دموعهه .. جاوبتهه بوجع
أنت تقرأ
ملك الاسد
Romanceوأضمك للعشگ ليله جنوبية ____________________ سمعت خطواته تقترب ناحيتي تقترب نحو الغرفة ... دخل للغرفه حسيت كأنما أعصار صار داخل الغرفه ... سد الباب بقوه وجفلت لانو أصدر صوت قوي و بعدها قفل الباب بلمفتاح ... اني هنا ذرة عقل ما بقت براسي ... حجيت بصعو...
