ملك الاسد

بارت 30

.
#مُـلـك_الأسـد

#بـقـلـم / شهودهہ

#البارت_الثلاثون
« قبل الأخيرر »

وافيضك بالحچي
‏وگلبك ولا چنه،
‏يشالع گلبي من سنين
‏هلبت تنشلع منه !

------------------------

أمـنيهہ ...

مرت الايام واسد نفس تعامله الجاف ويايه وما اكدر احجي كلمه حته الموبايل اخذه حته لٱ اخابر خالو

كاعده العصر و مرجعه راسي ع التاج مال جربايه وخاله ايدي على بطنياللي كبرت وبرزت ضحكت واني اتذكر علاوي يضحك و يكلي

علي .. ماما صايره بطه

كل ما اتذكره اضحك صحيت من ذاكرتي واني احس بحركاته وضرباته لطفلي بداخلي واني احس بشعور يجنن وكلبي ينبض بقوه ومبتسمه واحس بداخلي فرحانه بعد كل الحزن اليسببليا اسد بوجوده بهالفتره وحجيه عليه يطير الحزن كله من اشوف علي ومن احس اكو روح بداخلي تتحرك وتنبض

ما بقه شهرين وينور دنياي او تنور دنياي

ضلت حسره بكلبي اووف يا أسد حته جنس الطفل ما خلاني اعرفه ما سمعت نبضه امنيتي جانت اسمع نبض ابني ميخليني اطلع

ومن حسن حضي واحمد ربي انو ما عانيت هواي بلحمل بس دوخه مرات تجيني

اماا نساوتي ماعندي شي او اريد شي بس عطره اشمه يغنيني عن الكل رغم كل اللي سوا واذيته الي وخيانته اللي كسرة كلبي ولحد هسه من اذكرهه اموت الف موته وكلبي يوجعني

بس ما اكدر امنع كلبي من حبه صعب حب من الصغر صعب امحي وما افكر بي بفتره

اشتاقيتله صارله اسبوع بلدوام ما جاي حته لعركاته وياي شتاقيت ..مدري شصايبني على كولته .. ما اكدر اكرهه ما اكدر ما افكر بي واشتاقله ما اكدر امنع نفسي من التفكير بي هيج فجأه احسه ببالي وافكاري كلهه بي

كمت نزلت جوه دخلت للمطبخ نظفت شافتني بيبي صاحت عليه

مليكه .. شحجيت انه يبنيتي لٱ كل شوي يا صاعده يا نازله دير بالج عالبطنج لتصير عندج ولاده مبكره وتتعذبين بيهه لٱ تكومين خلج كاعده

ابتسمت وكتلهه

لٱ يعيوني والله اضوج اذا اضل كاعده

مليكه .. بيا شهر انتي يبعد جدتج

لزمت بطني وكتلهه

البارحه دخلت بلسابع بيبي

مليكه .. الله يتمم على خير انشالله يجده اسد ما وصل

كتلهه

والله بيبي ما ادري هو اليوم تبدي اجازته يجوز فد شويه يجي

كملت گلآمَي وفجأه انفتح الباب ودخل اسد بيبي كيفت كامتله حضنته وكالتله

مليكه .. هلا ومية هلا يبعد جدتك طال فراكك يبعدي اشتاكيتلك يلاسد شعلومك