ملك الاسد

البارت5

بـقـلـم / شـهـودهہ

البـارت - الخـامـس -

شـوغتي أمـن آشـتآگ لـ أمـي
وأنگسـآري أمـن أگعد بصـف گبر آبوي
و وحشـتي ودگآت گلبي آليخفگن
ذني گلهـن مـن أذگرج يلتقن •• ❤

_____________

أمـنيهہ ...
انصدمت من كلام أسـد وكتله

مستحيل أسـد مستحيل ما أريد

جاوبني بكل برود وهو ياخذ نفس من الجكاره وينفخه بالهوا

أسـد .. غصباً ما عليج رضيتي ولا ما رضيتي ما جاي اخذ اذنج اني يلا كومي حضري نفسج

جاوبته بعصبيه نرفزني ببروده وكتله

أسـد انته كل عقلك وواعي من اللي دتگوله تريدني أمشي وياگ للبصره

فجأه تقدم عليه وجرني من أيدي عليه و حجه بعصبيه وصوت عالي .. خله روحي ترجف

أسـد .. أمـنيهہ والله أكسر راسج هناااا لٱ تعانديني .. ميت تعب سبع ايام صارلي عيوني ما ضايكه النووم بوويه شليتي حالي كافي أحس راسي راح ينفجر

نبرة صوته هزتني هز وضهرت الخوف الجواتي كله مبين بي وبنبرة صوته  التعب  .. كمت ارجف وجاوبته بخوف ودموعي نزلت

هااي شبيگ اسد شـصـآرلگ هسه جنت هادي .. فدوه لٱ تعصب ترا والله أخاف منگ من تصير عصبي .. اووف يا بابا وينگ تَعاّل واخذني وياااك اتبهذلت بعدك والله يا بوويه

أســد ...
من شفت حالتهه وعيت على نفسي هااي حساسه وممتعوده أحد يعيط عليهه متعوده على خالي واهتمام وحب

واني طوختهه وياهه خليت ايدي على راسي اسكن وجعه .. وباوعت عليهه وكلت

كافي أمـنيهہ كافي مو سحنتي كلبي سحن بدموعج بوويه كافي

جاوبتني ودموعهه تنزل

أمـنيهہ ... اسد اخاف والله اروح وياك يشدون وياي يأذوني يحجون على أهلي أسد أفتهمني شبيگ .. وبيتنه أسـد

انقهرت وكلبي نمرد عليهه تقربت يمهه وكتلهه واني أمسح دموعهه

بويه أمـنيهہ ماكو هيج شي كلهم طيبين والله وانتي ماراح تعيشين ويه أحد بس جدي وجدتي وعمي ومرت عمي ماشفتيهه طيبه هيه جانت يمج بالمستشفى وبنتهه اولادهه متزوجين وطالعين وبس بنتهه بعمرج 20 سنه ... صدكيني ماكو أحد يأذيج اليمسج بمي امسه بنار شحده اليوصل حدج بعلي اليتگربلج يگرب موته ... وبيتكم يلأمنيه يبقى لان خالي الله يرحمه مسوي كل الأملاك بأسمج يتأجر ويوصلج اجره كل شهر أما الشركه هم ألج بس خليهه شغاله وارباحهه توصلج اول بأول لان صديق خالي وألتقيت بي وأتفاهمت ويا

وضليت اباوع عليهه سكتت مدنكه ودموعهه تصب گمشت أيدهه وكتلهه

بوويه يالأمنيه والله وياج اني ماهدج بعلي ومحد ايأذيج ثقي بيه