💜MILLIONARE LOVE💜 (Mizo Vers)#Complete#

CHAPTER ONE

🦋MILLIONAIRE LOVE🦋

CHAPTER ONE

*************

"Khawiah mah tlanchhiatna tur i nei tawh lo,  ka hnenah lo let bak tih theih i nei lo"

"Hah.. Teuh lo nang Ramhuai bulah awm leh ai chuan thih pawh ka thlang fe zawk" ka hma ah ding mipa a hmelah nui hmel hmuh tur awm ngai lo chu ka melh rum kher mai, hepa ka nun zawng zawng hremhmun ah min chhuahsak tu hi engtin nge ka lo hmangaih thei zawk le?? khawngaihna leh lainatna,  hmangaihna nei ngai lo mihring zun ah hian engtin nge ka lo luh hman le.. Hrep tak hian....

***********

Ka hming chu Kim Nara a ni a,  kum 20 ah upa ka ni...seoul south korea ah Bukchon vengah khawsa ka ni... Pa ka nei tawh lo a, unau pa 2 kan ni a,  a upa zawk ka ni.. Ka nau kim Bum chu high school a kal mek a.. Kei erawh chhungkaw harsatna vangin Higher thleng bak ka kal lo a.. Ka nu in min hmeithaipui a,  puansukna dawr a nghak a,  kei erawh pizza dawrah ka thawk a.. Delivery hna te chu ka tih ber thin a ni.. Ka pa in a dam laiah a pawisa pukna ten nitin hian min rawn dil thin a,  ka nu rilru hah taka a awm thin avang chuan ka pa chu ka haw hluah hluah,  leiba tamtak nen min hnutchhiah a,  rim takin hna thawk mahila,  kan ei in nen,  in luahman nen ka nau school fee tur nen kan indaih seng lo a.. Chutah karah leiba min rawn dil sek te chuan ka rilru hah a ti zual bakah ka nun a ti chau em em a,  ka nu in zan rei tak tak hna a thawh phah angai a, a hriselna in a tawrh phah a,  doctor in hna reng reng rim taka thawk tawh lo turin a ti a,  engkim chu keimah ah a in nghat ta vek a.. Ka phur a rit takzet a ni,  ka kum rualpui nitin ah college an kal ka hmuh te hian ka rilru a na a,  ka pa khan ba lo nei lo se chuan hetiang em em hian kan awm bik lo tur,  ka pa ka haw takzet che a ni

"Dear vawiin chu tih tur em em a awm lo, Hotupa a zin a,  bakah dawr chei that a ngaih avangin vawiin tan chuan order kan la lo" dawr ka luh rual chuan ka kawm ve ber thin,  Kim seokjin chuan nui sang chung hian a lo ti a, lu ka bu nghauh ringawt

Kim seokjin nen hian high school atang tawhin kan in hre tawh a, mi vantlang chunglam an ni a,  hausa mahse hetia mahni inchawm hi a duh a,  tun ah hian korean university ah arts a zir mek a ni.. Kan khawsak in ang lo viau mahse ka bulah chuan ka dinhmun pui emaw ti tur khawpin a khawsa a,  min ngaihsak em em a,  kawng engkim ah min support  em em zel a,  ka chhungte tih loh ah chuan Jin hi ka ngainat ber a ni.. A hmeltha a,  a fel a,  ngaizawngtu lah anghah, a mah hian a ngaihsak lo mai mai zawk a ni

"Yea!!  Chuti chu vawiin chu day off a ni maw" nui sang chuan ka ti a

"Yess... Khawiah emaw kan leng mai mai dawn mi,  i thawkrim si a,  hunthawl te pawh i mahmawh ve lawm"

"Chakawm khawp mai, mahse min hrethiam la Jin tih tur dang ka nei a" chhuanlam ka siam tawp,  chawlh hahdam chu ka mahmawh lutuk,  mahse chawl hman ka ni lo,  ka pa leiba rul nan rim takin hna ka thawh a ngai a,  Ka tan chuan chhun leh zan ah hna tawh a ngai

"Khawiah nge i kal dawn? " min ngaihtuah hmel tak hian min en a

"Aaa... Englo Jin ka nu puih ka ngai a,  ka lo va kal hmasa mai ang aw" nui sang chuan ka ti a,  ngaihthat hmel vak lo chuan Jin chuan min nui let sak a

"Awle.. Nihman nuam Nara"

"Nangpawh le Jin"

Vawiin day off a ni chuan full time in Bar ah ka thawk theih dawn tihna a ni a,  ka tan chuan chu tluk ah thu lawmawm a awm lo.. Chhun ah Pizza hut ah ka thawk a,  zan ah Bar ah ka thawk thung,  mahse tuman Barah ka thawk tih an hre lo

Casino lam pan tur chuan Bus stop ah chuan ka kal a,  bus lo thlen rual chuan lut in ka thu nghal a,  ka ngaihtuahna chu kawm melh melh chung chuan ka lo chhing sek a,  Bus a din tak ah chuan ka thleng tih ka hria a,  rangtak chuan ka chhuk thla nghal a,  ka hma zawn ah Casino tih lian tak in tar chu ka en vang vang a.. He casino hi korean ramah chuan lar ber pawl a ni a,  a lun pawh an lun hle.. Lut chhuak engtik lai pawhin an awm a,  zankhua in an hawng bawk a,  pawisa pawh a lut tha khawp ang le.. Chanchinbu atanga ka hriat a ni a,  Bartender  an mahmawh tih an advertised a, ka pawisa mahmawhna a san em avang chuan engmah thawh hreh ka nei lo a,  chuvang chuan he hna pawh hi kar tir khan zawm ka ni.. Tun hi ka ni thum thawhna tur chiah a ni.. Zan lam shift  hlir ka chang a,  vawiin erawh ka hna pakhat zawk ka chawlh avangin nilengin vawiin hun chu hetah hian ka hmang dawn a ni..

Kim Nara i ti theih a ni,  i nu tan i chhungkua tan" thawh halh chung chuan Ka lut a...

End of episode  1...

A ngaihnawm in tih ngei ka beisei😅

Theih chuan ka chhunzawm char2 tawh ang.. Mahse min lo tur sek zel lo ula😅😅