🦋MILLIONARE LOVE🦋
🖤SUGA FANFICTION🖤
_____________
Ka harh leh chuan khum ah ka lo mu tawh, ni a chhuak tawh tih hriat takin ni eng tlem rawn lut cuan min chhun khalh bawk
Ka hawi kual Suga hmel ka hmuh mai loh vang chuan ka tho vat, kawngkhar inhawng rak ah chuan ka en vat, Suga chu suit nen induang zarh in laptop rawn chawi lut pah chuan a rawn lut, ka thaw hak, min hmuh chuan a nui suk
"I lo tho thei ta maw" tihpah chuan a laptop kenlai chu khum ah dahin ka bul a rawn ding nghal zat, a rim pa zet chu ka hip vang², zing thawh hlim a hmuh leh a rim hip atan chuan ka duhthusam a ni
Ka hmui ah fawp zauhin ka kawngah kuah nghal zat, min fawp leh vang²
"Thil en tir tur che ka nei" thawpsap a tih pah chuan khum ah chuan min thut tir, ngawi rengin a che vel chu ka lo en tawp, he pa hi ka duh takzet tawh a ni
Ka mal chungah a laptop chu rawn hungin, eng amaw hi a hmet zauh "hei hi i hmu tawh ngai em?" A tih chuan screen chu ka en vang vang
Ka lu ka thing "memory card leh pendrive a va ang ve" tihpah chuan Suga chu ka en ha
Eng amaw hriat duh nei, a mi dawp ni awm tak hian chik zetin min lo en, ka thawk a buai nghal vek thei
Hawisawn vatin laptop chu ka khup nghal zat, alam ah dah pheiin "ka inti fai anga kan haw ve dawn mi" melh zauh pah chuan ka ding chhuak nghal
Bu nghatin "i hmu ngai lo takzet maw?" A rawn tih leh chuan a mit ah tak en let kalhin "aw hmu ngai lo, enge anih pawh ka hre lo" chiang fak chuan ka ti let hrawk
Atan enge anih chuti tak a min zawh chik, min ring lo lutuk te chuan min ti thinrim hluah hluah bawk
Thaw hakin a rawn ding chhuak "in ti fai la, ka thlah ang che, i hriat loh chuan a tha e" dam dup a tih pah chuan kawngkhar lam a pen nghal pawk pawk
A awmdan maksak theih lutuk leh a mize thlak reng hi ka hrethiam lo takzetPawn ka chhuah chuan phone in mi tu emaw alo be leh, ngawi rengin a hnung ah ka ding, italian tawng a hman avang in engmah ka hrethiam lo
Min hmuh chuan a phone hman chu ti tawpin "kal ila" tihpah chuan a kal nghal nulh
Lungawi lo tak chuan ka melh vak, duat taka min fawp a, min kuah tu kha chu mi hran daih ani leh tawh
Muangchang chuan ka zui, a car bul ka thlen chuan alo thu fel der tawh, ngawi rengin ka lut, melh pawh min melh lo in a tlan chhuak nghal
Kawng ah pawh tawng a tum lem lo tih hriat takin hmalam a melh run, car chhung chu boruak a uap takzet
Kan inkawt kan thlen chuan chhuak mai lo chuan Suga chu ka en vang vang, "Dik lo a awm em ni?" Ka tih chuan min melh zawk, a hawisawn leh nghal
"Chhuak rawh" ram hmak chuan a ti, ka phu zawk
"Maw" ka ti nghal thawt, enge maw a hriat le
Min melh run chung chuan "chhuak rawh" a ti leh hrawk
Ka thinrim lutuk chu ka khur hlawk hlawk, hmanmawh zet a chhuakin ka khar thuai, engang mihring ah nge a in ngaih chei ni?
A car chu ka melh vak, tukverh glass rawn ti hniam in "kan inhmu leh a nih chuan hetiang lo hian anih tawh ka beisei" hriam hrak a tihpah chuan a tlanchhuak nghal
Enge a sawi awmzia, min then tihna mi? Nilo a ni lo ang..
A car chu ka um, "ding rawh Yoongi, car kha ti ding rawh, i thusawi kha min hrilhfiah rawh" ka au ka mittui a luang zawih zawih bawk
YOU ARE READING
💜MILLIONARE LOVE💜 (Mizo Vers)#Complete#
RomanceA hmeichhe hmangaih em em chu, a hmelma a nih tih a lo hre leh si a, Huatna nen ah awm a duh laiin Hmangaihna in hmun a chang ta zawk si a