💜MILLIONARE LOVE💜 (Mizo Vers)#Complete#

CHAPTER SIX

🦋MILLIONARE LOVE🦋

🖤SUGA FANFICTION🖤

------------------

NARA P.O.V

Ka harh meuh chuan ni a lo tlangsang tawh viau, sana ka en chuan dar 1 a lo pel tawh, ka day off ni a ni hlauh a, tihzia ngei mai, peih lo zet chuan ka tho tuah² a, ka phone ka en chuan Jin-a min lo call na leh ka thiannu min lo call na a tam ngei mai, nui sak in ka dah, nakinah ka ka call mai ang, tihpah cuan bathroom ah ka lut nghal

Room atang chuan chhuakin choka ah chuan eitur ka siam nghal sawk sawk a, ka riltram tawh zia hi, ngawi reng chuan ka ei mial mial a, ka nu rawn tawng thut vang chuan ka hak thawt zui

"Nizan i va tlai ve" dam diai hian a rawn ti a

"Nizan chu kan buai lutuk a, customer kan nghah lutuk a" awlsam taka dawt ka sawi mai chu ka inthiam lo hle, ka nu ngaih ah chuan pizza dawrah thawk ah min ngai a, Casino ah ka thawk tih hria se chuan a lawm hauh in ka ring lo

Ka nu nen kan ti ti malh malh lai chuan tu emaw hian kawngkhar a rawn kik a, ka nu in a va hawn a, kei erawh ka ei chhunzawm leh mial mial

"Ka nu au thawt ri ka hriat chuan rangtak chuan ka tlanchhuak nghal a

"Engtik ah nge ka pawisa min pek dawn" ti ah mipa in hrosa vak vak chu ka nu chuan hlau tak chung chuan a en a

"Ka pu khawngaihin hun reilo te min nghak rawh" ka nu chuan a ti a

"Teuh lo, engtik ah mah min rul theih dawn hian ka hre lo, chuvang chuan a aia i fanu hi ka la mai ang, a nin ka hna thawk rawh se" a tih chuan ka hlauthawng kher mai..ka nu hnungah chuan ka biru nghal vat a

"Ni lo, khawngaihin ka pu ka fanu hi chu min laksak lul suh, hun reilo te chiah min pe la..i pawisa chu a pung awm zawng2 nen ka rul vek ang che" ka nu thingthi meuh in a ngen a

"A nih chuan tun thla chuah hun i nei..ka pawisa min pek theih loh chuan a aia i fanu hian a tuar ang" tihpah chuan an chhuak nghal a

Ka nu lungchhe taka tap chu ka kuah a, tih theih engmah ka nei silo, rim takin hna thawk mahila, a pung zawng² nen rul tur chuan ka hlawhin a tlin si lo, ka pa ka haw takzet a ni, hetiang nun hreawm lutuk min hnutchhiah avang hian ka thinrim lutuk hi ka alh thei mai dawn in ka hria

Ka nu chu khumah ka mut tir a, a rilru hahna vang hian a hriselna in a tuar ang tih ka hlau a ni, theihtawp ka chhuah anga, a tul a nih chuan ka taksa ngei pawh hi ka hralh tawh mai niang chu, retheihna hian engmah min pawisak tir tawh lo a ni

"Nu, hahdam takin awm rawh, keiman ka ti fel vek mai ang" ka nu chu hnem mawlh mawlh mahila, engtin nge tun thla chhungin cheng nuai 20 chu ka neih theih ang

"Bawihi, ka tihpalh a ni, hetiang phurrit hi tawng lo tur i ni sin" in hnit faih faih chung chuan a ti a

"Nu, chutiang sawi suh, engmah ngaihtuah lo la, a hun takah pawisa chu ka nei thei mai ang" ka tih chuan ka nu chuan min khawngaih hmel tak hian min en a, ni e, engtin nge cheng nuai 20 chu ka hmuh ang, tu in nge min puk tir duh ang, dahkham tur engmah ka nei si lo, ka ngaihtuahna te hi a tawi vek tawh

"Nu rei lo te ka va chhuak lawk ange, lo hahdam la, ka lo let leh vat ang"

"Awle, rei lo la, fimkhur ang che"

------------

Kalna hmun tur pawh hre chuang lo chuan ka hmazawn ah chuan ka kal map map a, hetiang em em ah han retheih bik hi chu a fair hlawl lo a ni

Ka awmna hmun ka hriat meuh chuan tuipui kamah ka lo ding fel tawh a, mi thenkhat hlim taka nui te chuan ka thin an ti rim takzet, kei rilru hah reng reng in ka awm a, thinlung taka ka nuih lo na chin pawh ka hre lo, nitin nui hmel der put reng a ngai a,mahse chiang takin min chik nise chuan ka chhungril rum leh na vawng vawng hi an hmu thei ngei ang..