💜MILLIONARE LOVE💜 (Mizo Vers)#Complete#

CHAPTER THREE

🦋 MILLIONAIRE LOVE🦋

🖤SUGA FANFICTION🖤

---------------------

SUGA P.O.V

"Ka pa engtin nge hetiang thil hi i tih theih zawk, ka hriat miah lovin inhualna i lo siam a maw" ka thinrimna leh mak tihna chu a in zat vel ang

"Yoongi, in bengdai teh, i hmakhua kan ngaih vang zawk a ni, i tana tha tur vek a ni" Ka nu hrawnin a tih pawh chuan ka thinrimna a hnawt bo chuang lo

"I sumdawnna vangin nupui neih tir min tum a maw..ka pawm lo, ka pawm lo hul hual" ka aw ki pawh a vin mah mah tih ka hria

"Chutiang zawngin ngaikawi suh, i nu nen in sawi dun tawh avanga ka hnenah lo kal i nih ka ring a, i ngaih ang"

"Ka pa ohhh ka tih mr chairman hre lo angin ka awm ang kei hian nupui hual ka nei lo

"Min yoongi" min kohna pawh ngaihsak duh lovin a office atang chuan thinrim lutukin ka chhuak a, ka thinrim lutuk hi ka sa pup pup thei

"Ka hmu che, lo hawi phei rawh"

"Keipawhin ka hmu chiah che" nui var var chungin ban arawn vai phei lauh lauh a

Ani hi lawm nupuia neih ngei ka duh chu, a rukin ka ngaizawng a, ka duh tih erawh a hre kher lo, hmeichhia ka duh awmchhun a ni ta ve ang, mahse ka hriat miah lovin nupui hual ka lo nei reng tawh si a, ka lungngai a ni..a kiangah sawn hahdam taka chawlh veng veng ka chak takzet a ni

"Ka lo phei ang" nuih let var var in ka ti a, kum khat teh meuh kan in hmu ta lo, school kan kal lai chuan engtik lai mai pawh khan kan in zui thin ania, ka ngai thin takzet

"Lo ding rawh ka lo phei zawk ang" tih leh kan in biakna phone chu dah a rual a

A kawngpui kan tur chu nui var varin nghakhleh takin ka lo thlir a, thil hrilh tur tam tak ka nei tawh, ani pawhin hrilh tur pawimawh tak min neih thu a sawi a, ka hrechak tawh lutuk tlat vawiin ni hian a mah vangin ka hlim a ni

"Soo hyun" ka au tuar a, mahse a tlai lutuk tawh, ri thuai leh truck chak taka tlan liam puat chhung chu hunrei ani lo mahse

Engthil nge thleng ta hi?? Min thawng thut a, ka khawng vek, ka ang pama, ka khawhmuh a phe vek bawk

Soo hyun lamah chuan pai deuh nawk nawkin ka tlan phei a, ka taksa zawng zawng hi a khur chhuak vek a, hlauhna nasa tak chuan ka chhungril zawng zawng tur chak tak ang maiin a fan chhuak nghal vek bawk

"Soo hyun, ni lo ka duh thei lo, min tanpui ru" aw khur chung chuan ka ti a, min thawn em avangin tih mai tur ka hre lo, kei mipa ah pawh mipa tak hi ka buai a ni

"Ambulance ko ru" tih ri leh mipui lo pungkhawm nghal tuk tuk ri leh ri nuai nuai te chu mumang ang maiin ka hre ruai ruai a, ka chawmawlh vek

"So hyun" ka malchung ah chuan a lu ka nghat a, engmah reng a hre tawh lo, thisen a chhuak nasa em em a, awmdan tur reng ka hre lo

"I thi thei lo, khawngaih takin bei let hram hram rawh" a ruka ka duhzia che pawh ka la hrilh lo che, engtin mah awm suh khawngaih takin" ka mittui chu dan rual lo in a tla a, ka hlauthawng lutuk a, a hliam tawrh hi a na em a ni

"Tlangval kal ang u le" Ambulance a rawn thleng a, kan tlanchhuak ta vat a

"Kaaa...ka pu a tha tiraw?" Hlauhthawnna avanga aw pawh chhuak tha hlei thei lo chuan ka zawt a

"Theihtawp kan chhuah dawn alawm" min van hnem lo tak, a that thu a sin ka hriat duh

Damdawiin kan thleng a, an lo buaipui nghal sawk sawk hlawm a, ka luh ve an phal bawk silo, awm ngaihna reng ka hre lo, ka chiai nasa mai bawk si