💜MILLIONARE LOVE💜 (Mizo Vers)#Complete#

CHAPTER SIXTEEN

🦋MILLIONARE LOVE🦋

🖤SUGA FANFICTION🖤

****************

SUGA P.O.V

Engvanga rui ve chiam nge maw a nih le? Mahni pawh in thunun zolo khawpin mahse engvanga la umzui reng reng nge ka nih hrep ni?

Club thleng a ruk in ka veng a nia, Min yoongi, thinlung pawh nei lo an tih kha ka ni tak zet em ka in hre tawh lo

Mipa zurui in a taksa a khawih ka hmuh khan ka rin ai hma in an awmna ka thleng hma, ka hriat meuh chuan chu pa chu kut ka lo thlak der tawh

Ka hma in lan tawh lo tur a ka tih chu a hre chiang mah mah a ni, min tawng let nan ka tawngkam tin mai chu a hmang fak fak

A muhil thaw sek sek chu ka thlir reng, ka tum ni hauh lo in he nu hi ka duh lutuk tawh a ni, he a hmui sen no chek te, a taksa nalh tak te hi ka ta chuah nise ka ti ngawih ngawih

A muthil lai bakin hnai taka ka en in ka khawih thei silo, a hmai chu ka chul riak riak a, a rum tiah tiah, ka kut ka la sawn vat, mahse a muhil zawm nghal, ka nui suk

"Mi tenawm tak i ni, engmah ka lak atang hian i hmu ngai lo ang" a rawn ti nuah nuah, ka meng kawk, mahse a harh lo, a hmel pawisawi lo tak chu ka en reng

Min haw takzet anih dawn hi, a awm a ni, a thianghlimna min hlan a, engmah sawi lo in nupui hual ka neih thu ka hrilh leh a nia, hmeichhe dang ang chu nise a natpui vawng vawng ang chu..

Mahse Kim Nara a ni tlat, na eng ang mahse tihlan a tum lo, hei hi ani amah min hip em em tu chu, ka hma ah mittui tih tlak a tum ngai lo te, mahse a chang chuan duat tak a kuah a, a mittui te chu hruk sak ka chak thin

Ka phone ri ah chuan ka harh zawk, caller ID ka en chuan ka thaw hak, tun ang hun ah min rawn biak a tum chuan a pawimawh hle ang

Dimte a tho chuan room ka chhuahsan nghal, ka pick rual chuan lisa chuan "kha hmeichhe naupang kha i buaipui viau ani maw" a rawn tih chuan ka thaw hak

"Engkim ka thunun, mahse Nara hi i tawk tur a ni lo" hriam hrak chuan ka ti

A rawn nui hawk, "tun ah chuan i hmangaih tih min hril miah suh, ka thah hma in kalsan ang che" tihpah chuan a off nghal

A thusawi chu a ti duh ngei dawn tih ka hria, ka thaw hak, he putar leh a fanu lak ah hian engti kawng pawn ka venhim a ngai

Taehyung chu call nghalin mut chhuak aw tak chuan min rawn chhang "Nara zui tu tur mi rinawm tak ka duh thu ka sawi chuan "i bei let tak tak dawn em ni" a rawn tih chuan ka rum nghut

"Kawng dang awm se ka ti" tihpah chuan ka hang up nghal a, Nara venhim ka duh chuan lisa te pafa ka beih a ngai

____________

Room ah chuan letin Nara engmah hre lo muhil thaw sek sek bul ah chuan ka mu a, ka kuah vang vang, he taksa nem tak hi ka khawih chu sawi loh a en ringawt pawh hian danglamna nasa tak min siam fo a ni

Zing a harh hma in ka thawhsan leh chuti a nih lo chuan ngaihdan maksak tak kha a nei leh mai ang, ka rin ang chiah, ka thawhsan hmasa kha a lawmawm zawk a ni, a che vel leh a tawng ri te, a thinrim laia fawh te, nuam ka ti, ka tum lo deuhin ka fawp leh chut thin...

Lisa-i hnehsawh taka a ti tlawm lai ka hmuh khan ka nuih a za em em a, mahse engtin nge a pa hi tualthattu a nih tih leh lisa pa nupui a tlanbopui tih te hi a lo hre vek em ni?

Mahse min chhan dan ah chuan a chhungkaw ti chhe tum hrim hrim tana thawk ni in min ngai a, min ngaih dan chu ka duh lo takzet..

Ka office atanga a chhuah rual chuan ka thaw hawk, he hmeichhe lak ah hian ka tlawm tak zet a ni, ka tum loh deuh deuh thil hi ka ti reng mai dawn a nih hi..