💜MILLIONARE LOVE💜 (Mizo Vers)#Complete#

CHAPTER 32

🦋MILLIONARE LOVE🦋

🖤SUGA FANFICTION🖤

CHAPTER 32

______________

Suga-an kawngkhar min pan pui pawk pawk chuan ka meng ngam lo,ka meng anih chuan a hmelpa tak mai hi ka khawih ngei duh awm si a,a thin phu dawt dawt chu ka hre thei hial,a rimpa țhak mai chu ka hip vang vang,a engkim mai hi ka ngaiin ka thlahlel tak zet ani

Car chhung a min pawm luh rual chuan driver chu thupe nghal zat in,hospital lam a kal tur in a ti nghal zat,ka mit ka chhin tlat avang chuan angaih a țhalo tih hriat tak in ka hmai chu a zut kual "Nara min hrelo tak zet em ni? Min hria emaw hrelo emaw engtin mah awm suh aw" a aw ah chuan tawrhna leh hlauhthawn na a in pawlh nuk..

Ka țawngchhuah mai loh nan ka ha ka seh ruh"Nara ala hunlo" ka rilru in ka sawi mawlh mawlh,ka thil tawn leh rilru hmang nasa lutuk hian min hmet chau tak zet,mahse tun a Suga-an min kuahna erawh ka him hliah hliah in ka hre thung

Motor ding dat ah chuan Suga'an rang zet in min pawm chhuak,ka taksa chau leh ka țang em vang chuan ka na ut ut, Suga-an țeng zet in nurse leh doctor a vin phar te chuan min ti phu zawk zawk thei

Khumah min mut rual chuan suga-an "engtia rei nge a hriat na nei let tur hian a duh ang" a tih chuan doctor in "a taksa hi a chau in thil a ei țha lo in amu tam loh tih a hriat em em,hetiang din hmun ah hi chuan kum 10 hnu ah te an nei let chauh țhin emaw nei let tawh lo a nunbul țan ta pawh an awm nawk" a tih chuan suga-an pawr zet in "nang doctor hian engmah hriat i nei lo,ka Nara hian min theinghil hlen angmaw dawt anih chu" a ti nghal hrawk

Doctor in "damdawi in kan jection anga mut amamawh ani,iti hlau ange Mr Min i rilru tur ka hriat thiampui tak zet che,mahse nawr luih chi erawh ani miah lo ania" dam dap chuan suga-a chu a chhang leh

Doctor in min jection chuan ka mut a ti chhuak em em,men ngial ka tum pawn ka mit vun hian a uai hneh lutuk,luna der mai kha ka ni si a,ka meng diar diar kawngkhar a thinrim hmel zet a Namjoon rawn lut chu ka hmu ruai ruai

Ka harh leh chuan ka kut chu tu emaw in nghet tak in avuan tih ka hre nghal,ka en chuan suga-an ka kut chu a chal sik tir in chauh hmel zet in a mit alo chhing,a hmelpa tak leh țha tak chu ala ngai reng ani,mahse in mehfai a ngai tak zet,a taksa tla dawk cher ta deuh te chuan ka țah a ti chhuak tak zet,kuah a, fawh a,ka hmangaih thu leh keimah ka nih thu sawi awn awn mai ka duh takzet,mahse ka naute kapa ka ngaihtuah angai tlat si a

Ka harh tih a hriat chuan rang zet in min rawn en,a nui suk,a nui hmel sexy zet pawh ala sexy reng,hawisawn miah lo in ka en kar "ilo harh ta maw,tui in rawh"tih pah chuan ka mut na chu a rawn adjust nghal zat,tui min pek chu ka in ve mai

Ka kut chu a awm zawn ah dah chuan ka mit ah tak min en "Nara hetah hian enge awm i hria em?" Min en run chuan a ti sup

Ka ngawi reng,a lungphu zawn vel a ka hming tatoo a chhut kha ka hre chiang lutuk mah mah,ka ngawih reng avang chuan a thaw hak,a kut lehlam chuan ka biang a zut thla riak riak "min hre lo pawh nila,nilo ipa that tu ah min ngai pawh nila pawi ka tilo,ka ngai che ani Kim Nara" natna aw nen chuan a ti sap,rawn ding kang in ka chal ah fawp vang vang

Ka kà ka ang zuai,Namjoon an kawngkhar a rawn hawng ka hmuh chuan ka chip leh,min rawn pawh mai loh vang chuan min rin hleh ka hlauh vang in suga chu chiang fak in ka en "ka hrelo tak zet che,kapa that tu diktak inih chuan phuba chu ka lak tur ani"mittui tling pam chuan ka ti fak

Namjoon-an nuih za aw tak in "ka nupui nimai tur ani a,damdawiin a i hruai avang in kan lawm tak zet,Mr Min yoongi i kalsawn thei tawh ang" tih pah chuan kalam rawn pan in suga a awmloh na lam ah chuan khum ah rawn țhu in suga-an ka kut a vawn na chu a phih nghal sawk