💜MILLIONARE LOVE💜 (Mizo Vers)#Complete#

CHAPTER FOUR

🦋MILLIONAIRE LOVE🦋

🖤SUGA FF🖤

__________

NARA P.O.V

Huizz..vawiin chu ka chau ve hle mai, haw vat vat ah mut ka chak tawh lutuk

Zan dar 10 a pel tawh a, ka haw a hun tawh a, Bus a la awm em ang chu, Taxi man a to ropui si

"Nara, i haw tawh dawn mi" ka thawhpui heidi chuan a rawn ti a, a ni hi hnamdang a ni a, mahse duhthusamin Korean tawng a thiam a, he casino ah ka kawm ngeih ber awmchhun a ni, midang nen chuan kan in close em em hran lo

"Aw, nang i la haw thei lo mi" nui sang chuan ka ti a

"Aih, darkar 3 ka la nei, haw vat rawh a tlai zel a nia" nui ver ver chuan a rawn ti a

"Aw nih ka kal phawt nge aw" tihpah chuan ka chhuak nghal nal nal a

Kawngpui chu a reh tawh hle a, ka hlau ve deuh reuh tho, hmanmawh tak chuan bus stop chu ka thleng a, ka lut nghal vat a

In ka thlen chuan ka nu leh ka nau te chuan hlim takin min lo chhawn nghal vat a

"Bawihi, i chau em?" Ka nu in a tih chuan ka nu mal chungah chuan ka mu nghal than a

"Chau lo e Nu, vawiin lam te i lo tha em?" Ka ti a

"Tha lutuk, i hah thei ngawt ang, i rualpui te angin i awm ve thei si lo a, min ngaidam ang che aw" mahni inthiam loh tak chung chuan a ti a

"Nu chutiang sawi suh, tuna ka awmdan ah hian ka lungawi tawk a lawm" nui sang chuan ka ti a

Ka nu hi lungngai taka mahni inthiam loh taka a awm ka phal lo, ka pa hi ka haw hluah hluah a ni

"U englo a nia, sawi chu a hun lo rih mai thei a, mahse ka hrilh chak lutuk bawk si che a" a kut chu a awm ah dahkawm tat chung chuan a ti a

"Engchu maw"

"Min yoongi hi i hre ve em?"

"Teuh lo"

"Naaa..engtin nge i hriat loh theih zawk a, hmeichhia zawng zawng atchilh an ti lehghal" ner suk chuan a ti a

"A la lar tawk lo a niang chu ka hriat ve loh" dawt ka sawi ringawt, Min yoongi te chu ka hming ka hriat tlukin ka hria, mahse kan neih phak lo tur thil ka buaipui peih lo avangin ka sawi lang ngai lo mai mai zawk..

"U a ni ang mipa lar, hmeltha leh hausa lutuk bawk si ang te hi chu khawvela hmeichhe vannei ber chuahin an nei thei ang mawle" a rawn tih chuan ka ner sak thung

"Hahchawlh lawk ka duh" tihpah chuan ka room lamah chuan ka phei nghal a

Ka dawhkan ah Yoongi lanna chanchinbu chu la in ka en vang vang a, a hmel hi chu a tha ve thlawt, a pa hliah hliah bawk si,mahse min phu lo, keimah chuan ka nui suk a, kan melh phak a nih lo avangin a mah zawk hian min phu lo angin ka dah tawp..

Naupang te ni siin sumdawnna leh Rapping lamah hlawhtlinna ropui tak a chang a, a hmel leh a pian ten a lo zir leh zel bawk nen, hmeichhia ah pawh tla na tak rem rem tak a ni..amaherawh chu chunu nen chuan kan hmu dun tih thawm a lang ngai miah lo, hmeichhia a ngaihsak lo nge..a ruk hian a lo gay reng zawk..Huizz Ohh my Godd...ka ngaihtuahna atthlak zet avang chuan magazine chu pai thla in bathroom lamah chuan ka lut nghal a

Zing breakfast tur ka buatsaih lai chuan ka nau chuan "u enteh hei chanchinbu ah hnaruak an lo dah a nia, Yoongs company in, assistant hna an la thar dawn a, dilna thehlut ve la" a rawn tih chuan rangtak chuan chanchinbu chu ka la a

"Beiseina sang tak nei em em loh mahila, keimah inring tawkna te chuan min ti phur ru ve tho mai, zir sang em em loh mahila, Software lam hi ka ti thei phian a, bakah waitress ka ni thang bawk a, thil kalphung tamtak in anna lai a awm dawn tho a, ka huhphur em em bik lo

"Ka hna kal kawng tho a nia, duh leh ka va lut ve chhin dawn nia, mahse beiseina lo ti sang lo ula" ka tih chuan ka nau leh ka nu chu an hlim hmel kher mai, lo tling ta ila, hlawh tha tak ka nei anga, bakah mite hmuhah hna zahawm tak lo ni bawk nen, a tak thlen hma hauhin duhthu ka lo sam chiam chiam chu le

"Awi ka awi thei lo, amah ngei a ni" zirlai rual khat lo awm ho chuan tre chul chungin min rwn tlanpel hlawm a, an hmanmawh hlawmin an tam bawk si a, min su nawk nawk hlawm a, ka awm sawn mai thei bawk si lo, thin a rim tun mai

"A taka ka hmu ve thei ang tih ka ring pha lo reng reng, a van tha chiang em, a pa ngawih ngawih bawk si" chupa chanchin sawi leh zwhna chu a ri vel nuai nuai a

Chuti taka lar leh an duh rawn chu ka hmu ve chak deuh vangin ka hawi phei ve a, hmu lo bik nih hlauin an hual tuau tuau hlawm a, thlalakna chi hrang hrang an lek chhuak fur bawk

"Min Yoongi" ka phun chhuak sap a

Ning hmel ngawih ngawih a pu, mahse kiansan erawh an tum hmel hlawm si lo, a guard palian zet zet ho chuan an veng hneh em em zawk a, inher hmakin ka kal nghal

To be continue