💜MILLIONARE LOVE💜 (Mizo Vers)#Complete#

CHAPTER THIRTEEN

🦋MILLIONARE LOVE🦋

🖤SUGA FANFICTION🖤

***************

Ka rilru chu a buai hle a, engmah hi ka hrethiam lo, zawhna hlir in ka khat a, min chhang theih tu awmchhun chu Suga chuah a ni, a ni hian thil awmdan diktak min hrilh theih ngei ang, ka nu hian enge a hlauh em em tih te, ka hriat ngai lo he Suga nen hian khawi emaw lai ah chuan inzawmna kan lo nei reng si a..nge ni a? Ruahmanna fel tak nei chunga min rawn pan tih na em ni? Eng ber nge thudik chu...

Ka thaw deuh halh a "Kim Nara ka ni, tuman min ti na thei lo, tuman" phun sep sep chuan ka bag chu la in ka chhuak, Suga office lam ka pan ding nghal zat

Ka zawt ngei tur a ni, engkim min hrilh thei tu awmchhun a ni tlat, office kawngkhar bul ka thlen chuan ka thaw halh, kawngkhar chu ka kik deuh dat dat, tuman min chhan loh vang chuan ka nem hawng riai riai, muangchang chuan ka pen lut, ka ding nghal at, ka khur nghal, ka mittui rawn hnam nghal sawk bawk

Engvang a he hmun a kal nge maw ka nih hrep ni? Kal lo tawp tur ka ni, Suga leh lisa duhtawh lutukin an lo infawp anih chu!!

Ka mittui rawn luang chu ka hru tawk, let leh ka tum ka in her rual chuan Suga aw thum bulin "enge mahmawh i neih, sawi lo in kal leh mai tum lo khan sawi rawh" a rawn tih bul vang chuan ka ding dat

Muangchanga inher in ka en, mit meng zim san in min lo melh ran, Lisa i chuan mitmeng thip lutukin min melh, thei se zawng min that duh ngei ang

"Kawngkhar kik na chang hrelo khawp in em ni i mawl" Lisa'in chaldelh tak chuan Suga taksa ngheng ar ar pah chuan a ti hrawk

Ka thaw hak, an pahnih in chul vel en pawh chuan min ti chau, ka tlu mai dawnin ka hria, inhum ruh chung chuan "ka kik ngei alawm, in hre lo mai a ni" dam dap chuan ka sawi chhuak

Suga'an "car ah min lo va nghak rawh ka rawn let vat ang" a tih chuan a lungawi hmel loh takzet, min melh hrawk pah chuan "rei suh ang che, hetiang mi hnuaihnung lutuk hi biak reng a ngai lo" tihpah chuan ka lam panin min su deuh sawk

Suga hmel ka en chuan chiang lutukin min lo en, kekawr ipte zen ap chuan dawhkan rin chhan deuh chuan a ding awn deuh bawk, ka lo lai leh nghal der ani, a mitmeng sexy lutuk hian ka duh ang pawn min awm tir thei thin lo

A sana man to hmel zet chu melhin "sawi rawh le, ka hman rei lo a nia" tihpah chuan a thutna lam panin chair ah chuan thawveng hmel zetin a thu thla nghal zat

Ka thaw hak, a lam ah pen hnaiin a hma ah ka ding "engvang a ti nge i nih?? Ka nu" ka tihlai chuan ka ka tawp deuh dat, a mitmeng rawn danglam zawk chu ka hmu hmaih hauh lo bawk

Sawiloh tha zawka ka hriat vang chuan thildang ka zawt "engvanga ka chung a tiang thil hi ti nge i nih?" Amit ah tak chuan ka en kalh bawk

A kut chu vai thuakin a nui suk " i hmuh ang khan nupui nei mai tur ka ni, mi famkim ka ni lo, ka nupui hual awm loh chhung in chakna hrik thlak nan ka hmang mai che a ni" a thu sawi tin tan min vit sawk sawk, ka hre lo ang tih hlau ni awm takin ka mit ah en kalh chung chuan thumal tin chu a lam fiah fak fak bawk

Ka nui hak, engvang a nui nge ka nih pawh ka hre lo "ka lawmpui a che" ka ti var, engtin nge ka awm leh ka thinrimna, ka rilru natna te chu ka thunun ka hre lo

Ka thusawi chu a rin lo lam daih a ni tih a hmel ah a lang chiang em em bawk, a then sak a, a bu nghat bawk "i sawi zawh tawh chuan i chhuak thei" ati nghal zat bawk

Ka inher "ka hma ah rawn inlan tawh ngai suh ang che" a rawn ti leh, ka inhum ruh leh zual, ka tlawm ngawih² bawk

Thaw hakin hawi let lo in "i rawn in lan loh chuan keimah ah chuan hlauh tur i nei lo a nihchu" tihpah chuan ka chhuak nghal, kawngkhar ka khar rual chuan ka thaw kawk, ka duh ang a tam boruak pawh ka hip hma chuan ka lam panin Lisa a rawn pen, min ten hmel zet chuan a ner sawk bawk