اولاد غيث

مفاجاه

#حسن مخنوق عاوز يروح يشوف بنته
#مهو لازم- يشوفها دي بنته يانهال
#ياعلي انا ممنعتوش
#لازم- انتي اللي تقليوله.... هو اشتري خاطرك وطلقها بس بنته مش هسيبها
تنهدت بقوه
#منكرش اني ارتحت لما طلقها غصب عني.... بس برضه الجرح اللي جوايا لسه مالمني..... عارف سعات ببقي عاوزه ااقوله روحلها بس مبقدرش
#حسن عارف ومتاكد انه غلط لما اتجوز بس بنته ملهاش ذنب
#خلاص  ياعلي هقوله..... قولي بقي عامل ايه مع سلمي
#تمام
#علي فكره ياعلي البت دي غير اهلها طيبه اوي
#غير اهلها ازاي يعني
#ولو انك هتزعل بس مرتحتلهموش ياعلي.... بس سلمي حاجه تانيه
#مع انك متكلمتيش معاها
#اللي لحظته انها بتخاف تتكلم وخصوصا ان امها كانت محصراها حتي بالنظره.... والواد اخوها دا كمان رزل ورخم وعينه زيغه انا مش عارفه انت مصحبه ازاي
قطب #عينه زيغه ازاي يعني
#يعني مش مظبوط علي الرغم ان عرف ان ضي متجوزه فضلت برضه عينه عليها.... مع ان انت المفروض صاحبه ميبصش كده علي اختك دي حجات نفهمها احنا الستات من عين اي راجل
لما يشعر بدمائه الحاره تغلي الان . هل لانه علم انه ليس اخيها
#علي سرحت في ايه
#ولاحاجه يانهال هقوم انا بقي
#مش هتغدي معانا دا حسن زمانه علي وصول
#لاء ياحبيبتي ملييش نفس دلوقتي وبعدين ضي قيمه بالواجب وزياده
#علي هو نور مش عاوز يعود في البيت ليه
#هو بيقول عشان سلمي بس انا عارف انه عمل كده عشان الكلام السخيف اللي قالوا ابوها
#في ايه ياعلي حساك مش مظبوط
#مش عارف يانهال في في دماغي ملييون سوال ومش لقيله اجابه
#من نحيه سلمي مش كده ...انت بتحبها ياعلي
#ايوه يانهال بحبها بس
#مفيش بس اللي القلب يختاره متقدرش تقوله بس.. علي فكره هي كمان بتحبك اوعلي الاقل- معجبه
#ودي عرفتيها ازاي ياام العريف
#من نظره عينيها
#انتي ايه حكايتك النهارده في نظرات العيون حكيم روحاني حضرتك
#امشي ياله انت هتتريق كمان علي تحليلاتي- العبقريه
هب واقفا #يلا سلام اشوفك يوم كتب الكتاب
#بالحق هتعمله فين
#في الجامع يااخر صبري
قال جملته وانصرف رفعت هاتفها مهمهمه
#قال جامع قال الواد ده عبيط ولاايه
#ايوه ياضي انتي فين
#لسه نزلين من مكتب الديكور في ايه يانهال انتي كويسه
#فل الموووز معاكي
#دي اخره تربيتي البيظه فيكي تقولي علي جوزي موووز
ضحكت نهال #هاتيه وتعالي عوزاكي ضروري
#احنا اصلا قريبين من البيت فسوه ونكون عندك
اغلقت الخط...... بعد قليل كانت ضي ونور يعبران للداخل
ضي#خير ياام عتريس قلقتيني
نهال #لاء اطمني
نور#طب قولي ازيوكوا عملين ايه وحشتوني
نهال #ياواطي ،،،،،،انت اللي داخل مقلتش حتي سلامو عليكوا نايمه في حضنك اظن
ضربت ضي علي صدرها وقالت
#يانهار ابوكوا اسود انتو الاتنين،،،،،،، جوزي واختي فجره حكمتك يارب
تشارك الجميع في الضحك قالت نهال
#كتب كتاب اخوكي بكره
ضي #لاياشيخه تصدقي نسيت انجزي وادخلي في الموضوع
نهال #اخوكي عاوز يعمله سوكيتي
وكزت ذراع نور وقالت ضاحكه
#شوف اترمت في حجرك..... نهال هترقص وانا هغني وانت تلم النقطه
ضرب كفها وقال
#يابت لمي لسانك دا بقي شويه عاوزه تعملي ايه يانهال
ووقفت نهال ببطنها المنتفخ وبدات تشرح باستفاضه
#احنا هنعلق نور علي كل شجر الجنينه ووونحط من البوابه ممر بالونات من الكبيره دي اللي بتعمل باي باي ووو
قاطعها نور
#وشويه كراسي شيك بطرابيزات ناجرهم مصور فيدو ونجيب باند يعزف موسيقي
قفزت ضي بحماس وقالت
#وانا اغني
نور #تااايه
ربتت علي صدرها برجاء
#والنبي يانور اغنيه واحده بس وانا برقص معاك
حك مؤخره راسه وقال باسما
#ااه ان كان كده معلش
ربتت نهال علي كتفه #لاء مسيطر ياسبع البرمبه
#اعمل ايه يانهال مهي بتضحك عليه تفضل تسبلي كده وانا بضعف الصراحه قدام التسبيل
ضي #بمزاجك ،،،،،،بضحك عليك بمزاجك،،،،،، عشان بتبقي عاوز تعديها ،،،،،،،،،بس لما القباب بيقف اعوذ بالله
ابتسم #طب كويس انك عارفه
لدغت خده #يابني انا اللي مربياك
نهال صارخه
#بس بقي انتوا الاتنين صدعتوني... خلونا في المهم
ضي #نسيتي اهم حاجه يانون
نهال #ايييه
ضي#مين اللي هيرقص
نهال #تصدقي يابت انتي انا هقوم اكلكعك
ضي ضاحكه #هنجيب كوشه ونظبطها كده بشويه ورد.... وتورتايه صغيره والعشا عليه وكده فل اوي... نعملهم الحفله ونحط عيلتها في منطاد ونبعته رحله للمريخ... وجوزي حبيبي يخرجني نتعشي بره عشان نفضي الجو
نهال بسخريه #جوزك حبيبك اااه قلتيلي بقي وده قبل الدباديب ولابعده
نور #دباديب ايه يانهال
ضي بارتباك #ياعم سيبك منها الحمل ضاغط علي مخها عملها صداع في صباع رجلها الصغير ونقحان
قاطعها #ايييييه ده..... بزمتك دا كلام دكتوره محترمه
نهال ضاحكه #لاء- دي بتغروش
نور#بتشربي مخدرات ياضي
وقفت ضي وقالت بغيض
#العوض عليك يارب ،،،،،،يعني اهبل وقلت بكره يعقل كمان متخلف
هب واقفا رفعا اياها من ملابسها للاعلي
#مين دا اللي متخلف
ضي ضاحكه #وعديت اهبل عادي طب نزلني يااهبل
نهال بصراخ #امشوا اطلعوا بره انتوا الاتنين
دا انا لوقاعده في حضانه مكنتش صدعت كده
دفعها نور بلطف
#عدي قدامي جبتلنا الكلام ،،،،،،،، خليتي اللي يسوا واللي وميسواش يتريق علينا عدي...
نهال بغيض #تقصد مين يانور
نور# البت الجزمه دي فضحاني في كل حته
نهال #ضي عوزنها مفاجاه يعني لسانك جوا بقك
رفعت يديها للاعلي #انا ولاالهوا الدور والباقي علي الفتان دا مبيتبلش في بقه فوله
وكزها نور فقالت نهال بتحذير
#نووووور....
نور#عيب يانهال انا هخلص انا وضي كل حاجه بس في مشكله الحكايه دي عاوزه النهار بطوله بكره هنودي علي فين
نهال #اوبس صح
ضي #نون ياحبيبتي انت من الصبح تعبانه وابيه عنده شغل وتبعتي تبلطيه جنبك من سته الصبح اشطه
نور #مينفعش ياشملوله لانه ممكن ياجل بسبب تعب نهال وبرضه هيرجع البيت عشان يغير هدومه
قطع كلامهما دخول حسن
#ايه ياشباب بتخططوا تقتلو مين
ضي #. ابيه هو اللي هيحلها
،،،،قصت عليه الامر جلس حسن واضعا ساق فوق الاخري واتصل بعلي
#مساء الخير ياعريس
#############
#شوف ياسيدي بكره الصبح الساعه سابعه تكون عندي ،،،،،،،،،،،،،،عشان نحجز دار الافتي سوا ،،،،،،،،انا كلمت ناس معرفي وبعدين اليوم عندي ياغالي عشان اضبطك بقي سونه وجاكوزي ومسكات وحلاق بص هروشنك انا قلت لنور يعدي ياخد نهال معاه
############
#بس يلا داانت من معزه نور ،،،،،ميجيش من بعد خيرك ياحمار جبت بدله الفرح
#ابقي حطها في العربيه الصبح،،،، تصبح علي خير سلام
اغلق الخط ونظر لثلاثتهم فهتفت ضي
#انا عارفه من الاول انك هتحلها ياحلال العقد انت
حسن#.انا اصلا معرفش اي حاجه من اللي كنتوا هتعملوه انا اتفقت علي كل حاجه قبل مااجي
نور#يعني انت كده كده كنت هتخرجه من البيت
هز راسه موافقا نور#يعني بتشيلنا جمايل
وخلاص
حسن#.دا اسمه فن استغلال الفرص ياعبيط
نهال #ربنا يخليك لينا ياحسن كلنا فكرنا حاجه تفرحه هو وسلمي انت فكرت فيه هوه
نور #ماشي ياشباب نسيبكوا بقي تسبلوا براحتكوا ونمشي احنا لحسن اخر مره ركبنا نجف وكان تقيل بصراحه
امسك يد ضي وتحرك قال حسن
#خليكوا اتغدوا معانا
#لاء احنا اتغدينا من زمااااااان سلام-
تابعهم حسن وقال باسما
#الواد نور فرحان اوي يانهال والبت ضي كمان ربنا يسعدهم
ربتت علي خده #ويخليك ليه ياحسن ....انا عارفه انك مخنوق انا ممنعتكش تروح دي بنتك ياحسن
#ايه اللي خلاكي- تقولي كده دلوقتي
#عشان انا اكتر واحده بحس بيك كنت بتكلم مع علي قلي قوليلوا يروح  هو مش عاوز يزعلك.....
تلمس شفتيها وهمس
#انتي كدابه على فكره لوكنتي بتحسي بيه صحيح كنتي عرفتي انا عاوز ايه دلوقتي
ابتسمت وعضت علي  شفتيها
#عاوز تاكل مش كده هروح ااقول لم محمود تحضر الأكل-
امسكها من ذراعها قبل ان تتحرك
#لاياشيخه،،،،،،،لاءمش عاوز اكل
#ااااامال عاوز ايه
انحني ليحملها بين ذراعيه وهمس
#عاوزك انتي وحشاني اوووي
تعلقت بعنقه
#حسن نزلني عشان ظهرك هيوجعك
#توء انا مبسوط كده
صعد بها الغرفه ليغلق الباب خلفه بقدمه