اولاد غيث

مصالحه

انتفضت نهال علي الفراش نتيجه صفع ضي للباب ........نظرت اليها ضي بصدمه وتقدمت نحوها لتجلس امامها تتامل وجهها الاحمر وعيناها المنتفخه من كثره اليكاء ارتمت نهال علي صدرها لتعتنقها ضي الي صدرها وتربت علي شعرها قائله بعتاب
#انتي بتستعبطي يانهال ماانتي عارفه محمد محذر من الانفعال تقومي تعملي كده دا احنا مصدقنا يانهال
قالت من خلال دموعها
#غصب عني ياضي.. حسن كسر فرحتي.... حسن خلاص معتش ليه ياضي انا طلبت الطلاق
حدقت بوجهها بذهول وقالت
#ايه الهطل ده داانتي تموتي فيها
#مش قادره استحمل ياضي عارفه كنت متخيله اي حاجه..... يفرح يتخض حتي يعيط او يزعل..... بس انه يعد يضحك كاني بقوله نكته...... يستهزء بيه بالشكل ده.... حسن معتش بيحبني ياضي
#ياشيخه اتقي الله حسن بيموت تحت
قالت بلهفه #حسن ماله ياضي
ربتت علي كتفها ساخره
#حنيتي ياشملوله.... شوفي بقي ...انتي عارفه كويس اوي اني عمري ماهاجي عليكي صح
هزت راسها موافقه
#شوفي علي قد ماانا بقول عليه خاين ومش طيقه خلقته وهو اللي عمل في نفسه كدا ويستحق الحرق ،،،،،،بس الشهاده لله يانهال بيحبك حب مش موجود في الدنيا ،،،،،وابصم علي كده بالعشره ،،،،،،، هو خانك واتجوز عليكي بس ااااا مع اول فرصه اجتله ربط اسمك باسمه لاخر العمر
#يعني ايه مش فاهمه
#رانيا جابت بنت وحسن سماها نهال
اتسعت عيناها #بتهزري
هزت راسها نفيا #نور بيقولي كنا سمعين صويتها من علي الدائري
وبدون وعي انفجرت نهال ضاحكه
#يخرب بيت جنانك ياحسن
#صح هو مجنون بيكي.... كفايه انك تبقي متاكده من دا
شردت ودمعت عيناها
#يوم مابيلمسك بتبقي عارفه انه بيلمسك بقلبه...... عشان هو شيفك انتي وعاوزك انتي......  حتي لو اضطر انه يلمس حد غيرك لمسها بس عشان كان نفسه في طفل..... منبهرش بجمال واحده وجري وراها... ....عمره ماشك فيكي اوقالك كلمه تجرحك... عارفه هو مخبي جوازه ليه...... عشان متنجرحيش.
انه يوم تضميد الجراح شدتها نهال بين ذراعيها وربتت علي كتفها بحنان
#نور عملك ايه ياضي
هزت راسها عجزا ماذا تقول لها
#مفيش حاجه بس انا اللي مخنوقه شويه
#فضفضي ياضي احنا ملناش الابعض لسه بيحب ليلي
قالت بسخريه
# نور بقي بيلف في مدار ليلي،،،،،، ميقدرش يبعد عنه ......ميقدرش ينام الافي فرشتها ،،،،وهو حاضن مخدتها.... نور مبيشوفش غيرها.....
ربتت علي كتفها
#بكره يفوق ياضي
#يوم ماهيفوق هيبعدني عن حياته.... فكك هو انا جايه اوسيكي ولااشيلك- الهم..... ااقولك حطي وكستك علي وكستي وتعالي نندب حظنا سوا
ركزت كتفها
#احترمي نفسك انا الكبيره وكستي اكبر
#انتي ليكي نفس تهزري
انفتح الباب ودخل حسن تناول اسدالها ووضعه علي راسها وقال
#تعالي يانور
دخل نور ووقف قرب الفراش
#الف مبروك يانهال
#ربنا يخليك يانور عقبالك
#ابقي حامل
انفجرت نهال ضاحكه فقترب حسن ونزعها من علي الفراش دافعا اياها تجاه نور وجلس مكانها
#اللهم  صلي علي النبي.... شوفتي الدنيا كلها بتنور ازاي لما بتضحكي
اشاحت وجهها فحتضنه بين يديه
#والله مااعرف انا عملت كده ازاي.. حقك عليه..... طظ في حسن طظ في الدنيا كلها يانهال..... دا حلم عمرنا....
قالت باختناق
#انت حققت حلمك خلاص ياحسن
قال بعشق وهو يربت علي بطنها
#عمره ماكان هيتحقق الامايكونلي طفل منك انتي
وضع راسه علي بطنها
#خلي مامي تسامحني ياولد
#ممكن تكون بنت علي فكره
قال بحماس
#بنوته زي القمر زي امها واسميها نهال على شان افضل انده علي نهال وبس
رمقته شذرا فقال نور
#معلش يانهال ابقي شيلي الجمله الاخيره في المونتاج
اعتدل حسن وامسك يدها وقبلها
#ولد بنت متفرقش ،،،،،،عاوزه قلبه كبير اوي زي قلبك اللي يساع الدنيا كلها... عايزه بعنين زرقا زي السما قبل الغروب.. ..وخدوده زي الورده الحمرا
امسك نور يدها وخرج غالقا الباب خلفه
تلمس شفتيها
#عاوز شفايف زي دي بتجنني لما تضحك وتهوسني لماتهمس
اطبق علي شفتيها بنهم عاشق وابعد غطاء راسها مداعبا شعرها بعشق
#عاوز شعره زي سلاسل الدهب،،،،،،،،  هونت عليكي تقوليها يانهال.... هونت عليكي تهدي عمري كله
سقطت دموعها
#حسيت ان معدليش مكان في حياتك ياحسن
#يوم لما يبقي ملكيش مكان في حياه حسن يبقي مات يانهال
قالت بلهفه
#بعد الشر عليك ياحسن
ابتسم بارتياح
#قومي عشان نصلي ركعتين شكر لربنا انا قلت لام  محمود تعمل الاكل عشان حبيبتي وابني اللي بطنك
هزت راسها موافقه فساعدها علي النهوض نهاله الخاصه تمنحه طفل هذا اروع من كل احلامه