#نورتي بيتك ياحبيبتي
جلست نهال علي الاريكه- وقالت بارهاق
#تعرفي ياضي البيت وحشني فعلا-
نظرت ضي الي الصغير الهادي بيدها
#نورت بيتك يااستاذ علي
نادين #امال فين نوسه
نهال #فوق مع المربيه كنت بطمن عليها بالتليفون
ضي#نوسه مين
نهال # نهال بنت حسن راح جبها بعد فرحكوا رانيا اتجوزت وسافرت وسيبتها مع امها
ضي بغيض
#وطبعا الباشا راح جبها لسيادتك مش كده
نادين #ايه اللي بتقليه ده ياضي.. نهال مفيش احن منها في الدنيا وبعدين انت مش متخيله الثواب اللي ربنا هيكتبهولها
ضي#علي فكره انا مقصدش كده يانودي انتي فهمتي غلط.... انا بس بتغاظ من ابيه لانه- بيشيلها كل حاجه.... والعموم اهي هتتربي مع علي... سكته ليه ياسلمي
سلمي بارتباك
#مفيش بس حاسه ان نادين متضيقه مني
نادين#علي فكره خالص ياسولي بالعكس دا انا حبيتك جدا ومتزعليش لو طلعت غلبي فيكي...
سلمي #يعني انتي مش زعلانه-
نادين #يابنتي موقف وعدي وخلاص- بس هو اخوكي شايف نفسه شويه وعاوز ياخد علي دماغه
ضحكت سلمي معلقه
#انتي عملتي الواجب وزياده...
بس زي ماتقولي العرق الصعيدي نقح
#هو انتوا صعايده ياسلمي
#معلوم من الصعيد الجواني من قنا فزي ماتقولي كده ادهم محبكها حبتين
هزت نادين كتفيها
#علي فكره هو لو اتكلم باسلوب كويس كنت رديت عليه عادي... اساسا انا بتابع الشغل علي الموقع بتاعي... وهحتاج افكارك.... انا مستحيل طبعا ادخل مكان مقفول مليانه رجاله دا حرام شرعا......بس هو اللي نرفزني .....وعلي حرق دمي ......ونور سخف عليا.
نهال بحنق#كفايه يانادين انتي كده خلصتي علي رجاله العيله
ضي #لاء- لسه ابيه ودا سيبهولي بقي هطلع فيه اللي اتعمل فيكي كله يانودي
نهال #يابت حرام عليكي دا حسن غلبان
قطع كلامهم- دخول علي ونور وحسن نور #هاه استقريتوا علي ايه
نادين #كله يروح انا هقعد مع نهال
نهال #والله- انا بقيت كويسه يانودي
نادين #برده قعده علي قلبك ريحي دماغك انا هقعد في قوضه ضي
علي# نادين انا عاوزك
نادين #اصلا- انا مخصماك
علي-# طب تعالي اما اصلحك
تحرك بها ناحيه الشرفه جلست امامه
#متقلقش علي سلمي.... دي حساسه اوي
#كويس انك عرفتي... بس مش هو دا الموضوع..... انا عاوز اتكلم عن ادهم
زفرت بقوه وهبت واقفه
#بقولك ايه انا مش نقصه خنقه بلاش- نتكلم في الموضوع دا
كانت علي وشك التحرك
#ادهم عاوز يتجوزك
التفت اليه وقالت بذهول
#لاء- دا مجنون رسمي .... هو يعرفني اصلا-
#بيقول شافك يوم الفرح
# بس دا مش معناه انه يتجوزني ....
هب علي واقفا امامه
#واحد شاف واحده وعجبته راح يتقدم ايه الجنان في كده
قالت بحيره
#مش عارفه ياعلي بس انا معرفش عنه حاجه دي تاني مره اشوفه فيها
#امال هما عملوا الخطوبه ليه عشان تعرفوا بعض.... ومن نحيتي الواد دا راجل وجدع اووووي فوق ماتتخيلي وهبقي مطمن عليكي معاه..... وهو نحط زيتنا في دقيقنا ونعمل بيتزا
#سخيف..ودمك يلطش ياعلي... شوف سيبلي وقت افكر.. بالحق هو بيشتغل ايه انزوح افندي
#رائد شرطه... يلا- يانودي عشان نقول ونسبنا الحكومه
#ماانت منسبها يامتخلف قلتلك سيبلي وقت افكر
#اوكيه بس خدي بالك هو كمان مستني قرارك
قال جملته وخرج....... حسنا هي انجذبت له منذ راته شارد دامع في الظلام- ولكن لم تفكر ابدا انها يمكنها ان تتزوج الان- ...يمكنها الجلوس ومحاوره هذا الادهم- في وجود علي.
