اولاد غيث

ابتزاز

علي #اخص عليك يانور ايه اللي اخرك كده
#معلش ياحبيبي كنت بجيب الراجل الظريف دا عشان يسجل اللحظه التاريخيه..... مالك ياعلي في حاجه
همس #هبقي احكيلك بعدين يلابس عشان نخلص
#لاءانت فيك حاجه مش طبيعيه
#مش وقته يانور
انتهي العقد عاد علي وسلمي الي سياره حسن سبقهم نور وضي وتلتهم سياره ادهم ثم سياره والد سلمي اصبح حسن هو القائد الان للسيارات خلفه ،،،،،،،ذهبوا عند منزل سلمي اولا لاطلاق- بعض الابواق ،،،،،،ثم وصلوا الي بيت علي حسنا الزينه تدل ان هناك عرس بهذا البيت قلب كبير يحمل اسميهما والكثير من البالونات العملاقه- امسك علي يد سلمي بانفعال دامع ،،،،،،ونسي تماما ماحدث منذ قليل،،،،،،، لينزل من السياره امام البوابه ليجد واحده من البالونات بلون ابيض واحمر يمر من خلالها،،،،،،،، ثم تبدا موسيقي هادئه وتضاء اشجار الحديقه عن آخرهاويظهر الطاولات بغطائها الابيض- والمقاعد الانيقه ثم جزء العروسين المغطي بستائر من اللمبات البيضاء
نور#الف مبروك ياعريس
احتضنه بقوه #كل ده عشاني يانور
ضي وهي تقترب من سلمي
#اوعي تعيطي المكياج هيبوظ وهتطلعي عفريته سلمي في الفيديو
سلمي #ربنا يفرحك زي مافرحتي قلبي ياضي
ربت علي علي يدها ضي
#ياحبيبي بلاش عكننه يلا خد مراتك واعودوا..... داحنا لسه بنقول ياهادي
تحرك بها حيث اشارت ضي لتقترب نهال
#الف مبروك ياحبيبي
علي #انتي كنتي عارفه مش كدا
نهال #دي فكرتي يااهبل بس الصراحه نور وضي جودوا اوي انا وحسن قمنا بالتمويه بس
علي بانفعال #انت كمان ياحسن
حسن #ربنا يسعدك ياعلي خدي بالك منه الواد ده بحبه اكتر من نور اخويا
نور #سمعك علي فكره
امسكت ضي الميكروفون وقالت فنتبه لها الجميع
#اوبس اوبس فراشه الحج غيث تحيكم وتتمني لكم سهره ممتعه الاغنيه دي لحبيبي....
ضحك الجميع بما فيهم سلمي التي كانت تضحك بسعاده
نور #افتتح الرقص عاوز ارقص مع مراتي
تحرك علي وسلمي واتجه نور بتجاه ضي لتتعلق بذراع واحد به وتحمل المايك بالاخري وتبدا الموسيقي ثم صوت ضي الملائكي
عيشني اكتر بيك ،،،،،،،انا عشت بستني طول عمري واتمني ،،،،،،،اعيش لو ثانيه واحده معاك وكفايه دي عليه
انا من ايديك لاديك،،،،،،،،احضني طمني قرب كمان مني،،،،،،،،،،،،، معاك مطمنه اوي بيك ومغمضه عنيا
وانا وياك ولا حاجه في الدنيا بقت فرقه خدني معاك لو فين حبيبي مش هقول لاء- خد قلبي وابعد بيه
انحني نور ليطبع قبله علي جبينها ويعاود مره اخري للغوص بعيناها وهي تهمس
خلاص- كل اللي بحلم بيه دلوقتي في اديا انا من زمان شيفاك بعنيا وبقلبي بتخيلك جنبي مفيش اكتر من اني معاك وان انت حواليا
وانا وياك ولاحاجه- في الدنيا بقيت فرقه خدني معاك خد قلبي وابعد بيه
ليرفعها نور من خصرها بذراعه متناسيا كل شيء الاصوتها الناعم ،،،،،،،،،،،وكلماتها التي ملكته بالكليه ليدور بها حول نفسه حتي يصطدم بعلي الذي قال بحنق
#ياعم انا العريس اكلت الجو منك لله
انزلها لتعلق سلمي #صوتك حلو اوي ياضي
ضي #والله- كان بودي نكمل الفرقه بس اديكي شايفه الحال مش معقول نرجرج الواد عشان نهال ترقص
تشاركوا جميعا بالضحك اقتربت منهم نهال
#متضحكونا معاكو... ايه ياضي هو اليوم دا مفهوش عشا ولاايه
ضي #لاء كل واحد ياكل في بيتهم،،،،،،، انا عمله اكل لعلي وسلمي وبس
مالت علي اذن نهال #هوااا اهلها مالهم دا زي مايكونوا في عذا
#معرفش ....بس في حاجه حصلت مع علي مش فهماها قبل الكتاب ومن سعتها محدش فيهم نطق بكلمه
نور #بتتوشوشوا بتقولوا ايه هاه
قالت ضي #مستغربين الحال بس مش شكل اهل بنتهم بتتجوز ابدا...،،،،،،،،. دا مافي حد حتي قال مبروك
نور #بس سلمي فرحانه ..وعلي كمان واحنا ميهمناش غيرهم
ضي #صح انت صح يابوضياء
نور#ايه ابو ضياء دي
لدغت خده وقالت
#بدلعك يانونتي اكيد ابو ضياء بينور ،،،،،،تعالي بقي عشان نحط الاكل للعصافير انزل بالتورته عشان نطفش الغربان
قالت جملتها وتوجهت ناحيه علي الذي يتحدث مع سلمي
#سوري ياشباب علي قطع المباحثات المهمه دي عمللكوا تورته تحفه نقطعها عشان نزحلق المعزيم وبعدين تتعشوا تمام
علي بامتنان #انتي عملتي دا كله امتي ياضي
#من السابعه صباحا ونحن في سباق مع الوقت بس حق الله نور اطحن يامسلم بس كله يهووون عشان قلب الاسد والمووووزه الشارده
ربت علي خدها #ربنا يخليكوا ليه ياحبيبتي
اقترب نور وهو يحمل الكعكه مذمجرا
#لم ايدك دي ياد بدل ماالبسك التورتايه دي في دماغك
علي ضاحكا #بس يااهبل دي اختي
وضع الكعكه علي الطاوله واحاطها بذراعه وقال بمرح
#تمام معترضتش اختك بس متمدش ايدك بدل مااكهربها
تشاركوا في الضحك فقالت ضي
#اطلع يابني بالسنجه خلينا نعلم علي القتيل
نور بحنق #ياربي ....متجوز عبده موته
جلست سلمي علي الطاوله المضاءه بالشموع تتامل الطعام المقدم بطريقه انيقه...... وشهيه  ....الورود وتلك الموسيقي الناعمه..... انها وسط عائله حقيقيه..... الاهتمام- والحب واظهاره همهمت بشرود
#ربنا يخليكوا لبعض،،،، يابختك بيهم ياعلي
اغمض عيناه وزفر بقوه
#انسي اللي حصل ياسلمي.... احنا مع بعض ودا كفايه
هزت راسها وابتسامه تمتليء مراره ترتسم علي شفتيها
#حاضر.... هنسي..  ... بس انت هتنسي مفتكرش....... انا مش عارفه ااقولك ايه
تند بقوه #متقوليش حاجه قدامنا وقت كتير نحكي .......دلوقتي عايزك تفرحي وبس ماشي
هزت راسها موافقه ربت علي خدها
#كلي بقي،،،،،،، تليقكي ماكلتيش من امبارح زي حلاتي.... بتعرفي تطبخي
#يعني علي قدي كده بس اكيد مش زي ضي ....مش انت هتيجي بكره تتغدي معايا
#لاء هنطلع نتغدي بره احسن
عندما انتهو من الطعام صمتت الفرقه ولاحظت- ان الجميع انصرف
#هما راحوا فين
#روحوا بس ضي ونور اكيد جوا ناموا ،،،،،،،تحبي تتمشي شويه
هزت كتفها
#اللي تشوفو
قال بعصبيه
#سلمي لما اقولك حاجه معني كده اني محتاج رايك،،،،، مش محتاج تصديق علي كلامي.
تجهم وجهها وامتلئت عيناها دموع زفر بقوه
#سلمي انا عصبي .....مش كل لما اتعصب هتعيطي
بلعت ريقها وخفضت راسها في الارض-... قالت بانكسار
#ااانا ااااعاوزه اروح
#اتفضلي
نعم هو غاضب ،،،،،،،،،،،،،وبركان غضبه علي وشك الانفجار الساحق... لقد احب طفله.... مقهوره بشده ..
تمدد علي فراشه يشعر بالاختناق الشديد..... ليس من السهل تحمل هذا،،،،،،، انه يكاد ينفجر وتذكر ليلته تلك الرساله التي ارسلها ولم يجد لها رد،،،،،،،،، في المساء اتصل بها اتاه صوت ادهم تعجب للحظه وبدات الدماء تثور في راسه
#خير ياعلي في حد يتصل بحد في الوقت دا
#وانت بتعمل ايه عندك اصلا-
#انا في الشغل وتليفون سلمي معايا ،،،،،،،،لما تبقي مراتك ابقي ابعتلها اي مسخره انت عاوزها لكن طول ماهي في بيت ابويا لاء
#مسخره ايه وزفت ايه.... ماتتكلم عدل ياادهم
#مش عجبك كلامي،،،،،،يعني انا غلطان اني لميت الموضوع ومخلتش ابويا يكلمك
#يكلمني في ايه يابني ادم انت.... هو ايه اللي حصل عشان دا كله.... داحنا بكره هنتكتب وانا واخد الاذن من ابوك
#علي انا منيش فاضي للهري دا عن اذنك
اغلق الخط وتركه يغلي ويود اقتلاع- رقبته ورقبه ابيه وامه والسمراء الفاتنه كذلك ،،،،،انشغل في الصباح مع حسن حتي منتصف النهار،،،،،،،، وجد اتصال علي هاتفه منها كان على وشك الانفجار عندما اتاه صوت والدها
#ايوه ياعلي رايدك في البيت دلوقيت
واغلق الخط لم يترك له الفرصه حتي للاعتراض حسنا الامر زاد عن حده ويبدو ان هذه الزيجه محكوم عليها بالفشل ،،،،،،،،،،،،ترك  حسن بعد استجواب طويل يعرف سببه الان وذهب وهو يريد تحطيم وجهه هذا المتعجرف ،،،،،،،،دخل البيت وجد الرجل يجلس في الصالون وامامه وعلي الطاوله هدايا ضي ونهال وحسن ونور ‘
#شوف الجواز قسمه ونصيب
قال بصدمه #ممكن افهم ايه اللي حصل عشان دا كله انا عملت اييه
#معملتش حاجه بت اخويا ملهاش جواز......
لقد اعترف انها ليست ابنته ثم تذكر رسائل سلمي المسجله بالتأكيد علي هاتفها
#طب ممكن اعرف ايه اللي جد عشان حضرتك تغير رايك ،،،،،،،،،،،،،وكتب كتابنا بليل ولاهو كلام عيال
هب الرجل واقفا وقال بعصبيه
#اتحشم ياولد ،،،،،،،،،الكلام خلص علي اكده
كان في سبيله للرحيل #خد حاجتك معاك ملهاش عازه عندينا
قال بتحدي #ميلزمونيش مش علي غيث اللي يشتري حد بايعه يااااااااحج
خرج من الغرفه وهو في طريقه للباب لمح طيفها التف فرأي عيناها والدموع تغمرها وهمست #متسبنيش ياعلي
عاجز وعلي وشك تحطيم العالم كله حوله وكرامته تان في تلقي رفض بهذه الطريقه الفجه في لحظه تحطمت كل الاحلام،،،،،، وها هي من احبها تستنجد به وهو عاجز عن تقديم المساعده ،،،،،،،،،،زفر بقوه ليخرج النيران المستعره بداخله وقال
#انا معبتكيش انتوا اللي بعتوني ياسلمي
يبدو انه لم يستطيع التحكم في صوته لان- الرجل خرج من الغرفه وبراكين الغضب تتفجر من وجهه وللاسف اصابت المسكينه التي في ثواني كانت تتكوم علي الارض من الركلات- وصفعات هذا الوحش
#فاجره وهتجيبلنا العار.... قلت اكده لامك-..... كان لازمن- تحصلي ابوكي العاصي ....موتي يافاجررررررره
ابعده عنها وقال بغضب
#انت بتعمل فيها كده ليه... انت اكيد مش طبيعي
#اطلع بره بيتي.... انت جاي تعلمني الادب- اياك
صوت ضعيف مهزوز همس بتقطع
#موافقه... هعمل اللي انت عاوزه.... بس علي ميمشيش
ماحدث بعد ذلك كانت دوامه لم يفهم منها الكثير.... غير دموعها المترقرقه وهمسها المتقطع
#سامحني يابابا..... سامحني يابابا
راها توقع علي عدد ليس بالقليل من الاوراق- وتبصم باصبعها المرتعشه واخيرا زفره عاليه ونظره انتصار ملئت عين الرجل الذي قال بتكبر
#خلاص عاوزها خودها معدتش تلزمني.... بس بردك دا ميمنعش انك تدفع مهرها متسواش اكتر من خمسين الف.... مش هقولك هاتهم دلوقيت.... بس قبل الدخله يكونوا عندي وتكتب وصل امانه بكده
واخيرا تحدثت المنكسره
#كفايه بقي.... كفايه
صفعه نزلت علي وجهها ادمت قلبه واخرستها بلع ريقه بصعوبه
#موافق.... ممكن بقي اتكلم معاها شويه
#لما تبجي مرتك
#يبقي هكتب وهتروح معايا
#لما تجيب مهرها يادكطور امضي ونبجي نتقابل ساعه كتب الكتاب
نعم لقد تعرض لعمليه ابتذاذ كامله .....بعد هذا دموعها حجمته حاول تخطي هذا خصوصا بعد احتفال اخوته والسعاده التي راها في اعيونهم ولكن القشره التي غطت غضبه كانت هشه بشده وتلقتها المسكينه للان لايفهم-ولايستوعب- ماحدث.... لو انه يشتري احد الجواري ماكان حدث هذا... اللعنه لما اختيار القلب دوما بعيدا عن العقل بعيد عن المناسب والمنطق...... انه علي وشك الاختناق-  ........تري ماذا يحدث لها الان- ... وتذكر الكلمه حجمت كل غضبه وقت رؤيتها
#انت هديه ربنا ليه ياعلي
#سلمي انا مش عاوز حد يحس بحاجه متتكلميش في حاجه النهارده
ابتسم عندما تذكر الحفل ودفيء العائله.... نعم ترابط العائله اغلي من كنوز الارض