جمبذا ادم البارت الخامس
دخلت الاسم عل كوكل طلعن حبوب كبسله تخبلت وتبنجت بمكاني طلعت من الكوكل دخلت اليوتيوب بحثت أكثر واتكدت بلتفاصيل انوب متت متت لو يمي ال اكطعه انعل حضي المصخم انوب يكبسل اريد أفكر شراح اسوي مداكدر افضحه واكول الأهلي لا اكول الاهله هم لاذوله ناس كبار شنو ذنبهم همه البيهم كافيهم عمتي من القهر حتى انسولين تضرب وعمي بي اشكال الأمراض ستغفر الله شلون بيه شلتهم كلهم وكبل بلحمام فرغتهم وذبيت الاشرطه كلت شيصير خل يصير عسى ماطلك اليوم اني شنو حياتي ويه هيج واحد اليوم لو اني لو هوه بعد متخلصت منهم طلعت بس عمتي بلبيت عينه عليه وتريد جواب عن ليلة البارحه كتله ماكو جديد ضلت تسبح وتستغفر والله انقهر عليهه هاي الامايه ذهب صافي والاب بعد احسن ادري رجلي شيطان عليمن طالع خلص اليوم واني بغير عالم لاتغديدت ولا نمت الضهر حسبه تأخذني وحسبه تجيبني لليل ال اجه مكلوب كيانه اول مدخل كبل راح عل كنتور فتحه دور دور نبش الستره ملكا كولشي لتفتلي كال يتبع…
شدور
مجاوبت
انتي شعليج
انت مو دتسلني
يعني لاعبه
تقدم عليه واني ارجع ليوره نحصرت عل حايط لزمني من فكي عصر وجهي حيل وعيونه حمر وذبلانه كال
رشا لاتحطين راسج برأسي ابوج اشعله اذا لاعبه بذيلج
لا
وووخر مني شنو هاي الالفاض ليش تغلط اي لاعبه والدور عليهن ذبيتهن بلزبل صفكني راشدي ولطخ راسي مرتين بلحايط حتى دخت وركض لسله المهملات مخليها بلحمام كلبه بلباب داخل الحمام فتشهه برجله هستوني دالهزم اطلع بره كمز قبلي صار عل باب قفله وشمر المفتاح كل حيل مضل بيه راح عل كنتوري سحب شال وبحركه وحده صم حلكي كمت ارفس برجليه سحب حزامه من البنطرون وضربني بي ضرب للعدوه وخطيه وكل ضربه يكلي وين وديتهين واني حتى جواب ماكدر اجاوب شلون أجاوب وهوه ساد حلكي بس ارافس لحد ماتعب وبتعد يرجف مثل السعفه بعدين خابر عل ولد وكله اريد حبوب وهسه حيل محتاجهن راح اتهستر طبكه وكلي اني اعلمج بس خل اصاحلج الرعب مسيطر عليه وهذا مخبل كولشي يسوي اريد بس فرصه اللهزم لو ا صيح ماكو شويه وطلع كمت اكوم واوكع وصلت يم الباب جان يدخل بسرعه سحلني للحمام شمرني وقفل الباب من بره واني كمت افل بلشال ميت عكده عاكده روحي طلعت اول منحل بسرعه خليت راسي جوه المغسله وشكد المي ثلج محسيت بي من الألم حلكي صار عبالك جبل من كد مضابه ابجي وشعري مكفوش واكب مي عل وجهي اريد يبرد من النار البي انوب رجعت ادك بلباب دكتين وفتحه واشرلي بصبعه
اشششش ماسمع صوتج
عفيه سامر عوفني والله مالي شغله بيك تشرب تكبسل مالي دخل والله بس طلكني لو اكو لك هسه بس وديني لهلي
احجي وابجي وارجف ضحك بستهزاء وكال
كل عقلج انوب اطلكج وتتزوجين غيري ويلكاج بنيه واطلع مابيه خير وانفضح لو تموتين
