جمبذا ادمالبارت السابع والثلاثون
منوووو
يابه احنا شرطة افتحوو الباب
عمتي باوعت علينا ورجعت باوعت عل باب وفتحه
حجيه الله يساعدج
ويساعدك يمه تفضل
هذا بيت كامل جبر ابو زيد
اي يمه هذا بيته المن رايدين
حجيه سوينه طريق عدنه تفتيش
بس يمه الوكت متأخر تره مراهمه
والله عدنه امر وياريت تتعاونين ويانه
ضلت عمتي لاتاخذ ولاتنطي صرنه عل صفحه ودخلو ثواني ونتشروو بكل البيت اني وميس يم الدرج واحد دخل للهول شال عمي من فراشه كام مفزوع مبين جان غاط بنوم جتفوو وطلعوو وهوه يصيح شكو هدووووني اني اطلع لاتجتفوووني عمتي تلزم بيهم
يممه دخيلكم ودخيل الله وين ماخذينه ششمسوي بس كلولنه
حجيه أصبح تجون للمركز وتفتهمون
حطوه بسياره منضر يكسر الكلب رجال جبير هيج بنص اليل كدام المنطقه مسحول ومنعرف السبب المنطقه صارت عبالك نهار من وراه اضويه السيارات وصفارات الإنذار والجوارين كلمن ماد رأسه من الباب ويباوع طلعوو من الفرع وعمتي كعدت عل دجه الباب تبجي وشكم واحد من ولد المنطقه فوك رأسه
خاله شنو السالفه وين أخذو ابو زيد
والله يمه مادري اشوو جفتوو علينه واخذوو
زين زيد وين
والله يأ خاله المكرود بلدوام كلشي مايدري
اذا محتاجه شي خاله احنا موجودين بس كولي
مشكورين يممه رحمه والديك الله لايبلاكم ويحفضكم
راحو الولد واني وميس سندنه عمتي كومناهه وإبراهيم اجه من بعيد يمشي دخلناه جوه ودخل براهيم
هااا السلام عليكم
وعليكم السلام
شكوو رشا شنو هاي الشرطه
مادري براهيم اشو شالو عمي من فراشه واخذوو
زين ليش ماعرفتوو
لاوالله كلشي مفتهمنه
وهسه شلون
زين زيد وين
عمه عيني الساعه راح تصير ب2 وزيد بس يسمع هسه يجي شلون منخاف عليه من الطريق
اي والله هم صدك من نار كلبي بعد ماعرف شسوي هذا الشايب راح يموتني يوميه سالفه
عمتي ماسكتت وكعدت تنوح وتبجي وابويه هم اجه وامي ضلت تهدي بعمتي ميس تبجي ودكول نفضخنا يوميه مسوي مصيبه واني حتى بطني كامت توجعني من القهر ومن الوضع المشحون وألف فكره برأسي ياترى شمسوي وشراح يسوي زيد اذا عرف وشنو تاليته اهلي شويه وراحوو واحنا مغمضنه ومن شويه كشف الجوو عمتي خابرت زيد وكالته انوب ضلينه ننتضره صبح الصبح واحنا عل كعده وحده سحر اجتي وضلت تخرط تخرط راسي فجرته ورجله كاعد وكل شويه يكله كافي هذا ابوج شنو هذا لسانج وعمتي تعضله شفه بس ميفيد وياه لهناك واجه زيد الجهال فتحوله الباب ودخل السياره نزل واني باب المطبخ ماعبرني دخل من باب الصاله اخذت مي من الثلاجه وكلاص ورحت دخلت جان كاعد بس وجهه ميتفسر شعره مخربط وعيونه دم مبين منايم وصلت يمه جان ديحجي وياه عمتي واني واكفه وشايله لكلاص
ليش اخذوو
