UNEXPECTED LOVE

Chapter 4

UNEXPECTED LOVE - Chapter 4

Timothy's POV

HABANG nag-uusap kami ni Davika sa loob ng music room sa may first floor ng building nila ay may narinig akong sumigaw.

"HUWAG!!!"

Sabay kaming napatingin ni Davika sa may pintuan.

"Who's there?" tanong ko pero hindi ito sumagot kaya naman tumayo na ako at lumabas.

"Sino ba iyon?" tanong ni Davika na halatang takang-taka.

"Wait lang, titingnan ko kung sino." tugon ko at lumabas na ako.

Pagkalabas ko ay nakita kong tumalikod yung babae.

"Hey you! Anong narinig mo?" tanong ko dito pero imbes na sumagot siya eh tumakbo pa siya. Buti na lang at mabilis akong tumakbo kaya nahabol ko rin saka ko siya hinigit sa braso. "Sandali! Tinatanong pa kita." inis kong sabi at pilit ko siyang ipinaharap sa akin.

Mahirap na, baka ipagkalat pa niya kung anong narinig niyang pinag-uusapan namin at maging front page pa sa mga tabloid. Eh di magdidiwang na nun ang mga haters ko pag nagkataon.

Hindi kasi madali maging sobrang gwapo kasi madami kang haters. Lol. Pero totoo iyon, itanong niyo pa kay Ms. Author. Hehe.

"Bitawan mo nga ako!" sigaw naman ng babaeng hawak-hawak ko ngayon. Napansin ko namang lumabas ng silid si Davika at nasa likuran ko na.

Pero wait lang! Pamilyar 'tong itsura ng babae sa'kin eh.

Teka lang,

Isip..

Isip..

Isip..

Aha! Siya nga! Siya yung walang modong babae na pinagsabihan ako ng masama kahapon. Aba! Hindi ko ata makakalimutan iyon.

Ang dami na ng atraso nito sakin ha! >_<

"May narinig ka ba?!" naiinis kong tanong sa kaniya. Bantay lang talaga ito pag may pagsabihan siya ng narinig niya.

"Hmp, hindi naman ako bingi para wala akong marinig noh!" sagot naman niya at nagcross pa ng arms sa may chest niya.

"Kung ganoon narinig mo nga ang usapan namin?!"

"Alin doon? Yung marriage agreement?!" taas kilay niyang sagot sa tanong ko.

What the???!!!

Paano kung ikwento nito sa iba na ipakakasal ako sa hindi ko kilala?! Wala pa naman akong tiwala sa babaeng ito! =___=

"Narinig mo ang tungkol doon??" gulat kong tanong. Malas talaga sa buhay ko ang babaeng ito! >_<

Narinig kong parang may binubulong siya na hindi ko mawari kung ano.

"Anong sabi mo?" hindi ko naman kasi talaga narinig. =____=

"Wala!" pasigaw niyang tugon sa akin.

"Wag na wag kang magkakamaling ipagkalat ang narinig mo! Sa oras na may mabasa ako sa diyaryo o kahit saan pa diyan. Matakot ka na." pananakot ko sakaniya, baka nga naman masindak siya sa akin.