الياكوزا

٢

عثمان ابتسم للوحة التوليب صورها وبقا يتمشى في ممر طويل ، لاقاهو ولد شاب مهندم ولابس كويس
الولد: عايز منو انت
عثمان:انت منو؟
الولد:انت شكلك غبي وحتقرفنا .. اتفضل اطلع برة
عثمان: دقيقه .. انا .. انا عايز شغلل بس
الولد سكت مسافه وعاين لمنظرو: اسفين ماف شغل
عثمان:انت بتتكلم معاي بصفتك شنو انا عايز المدير
الولد: ههه المدير ؟ اذا كان انا بنفسي مابشووفو
عثمان:يعني مافي اي طريقه ؟ انا والله امي مشلولة عايزة علاج ياريت...
الولد قاطعو: حركات الشوارع دي م محلها وبعدين بمنظرك دة تشتغل شنو هنا ، دي صحيفه محترمه

جاهم صوت بنت: في شنو يا مازن "اسم الولد"
مازن: جيتي في وقتك يا سِراء إتصرفي معاهو
سِراء: اتفضل عاوز شنو
عثمان: عاوز اشتغل
مازن: تشتغل ووين يعني انت شايف دة محل شغل كل من هب ودب عايز يشتغل هنا
سراء عاينت لمازن: الموضوع ايزي اطلب ليهو الامن وانا حمشي لاني مشغوولة
عثمان ما قدر يكتم ضحكتو الما مفهومه "واااهععهعههكااكهع"
عثمان: ممكن تعيدي الجملة لو سمحتي .. أمن شنو انا جيت خاشي توش عادي مافي اي امن برة
مازن عاين لسراء وسكت
سِراء قربت من عثمان: معناه حتشتغل سكيورتي واعتقد دة اقصاك
عثمان: حباب المهنه .. لكن انا قاري صحافه م عشان اشتغل سكيورتي
مازن: انت ليك نفس تعزل كمان
سراء:دة العندنا ..
اتحركت بخطوات سريعه ودخلت مكتبهاا ونفس الشي مازن .. عثمان وقف يعاين للصحيفه شويه وقال " امري لله" ..

____

في الزمن الماضي ..

يا بااابا امي...!! ماما ماااااتتت يا بابا!! ع عاوزة اشوفهااا مرة بس مرة خلوني اشوفهااا اشم ريحتهااا بس !!!! يماااااما ... ويين انتي ااااااا...ليه م سقتييني!!!

نور كانت بتتزكر لما امها ماتت صوت امها وملامحهااا .. بكت بوجع ومسحت دموعهاا اتزكرت ليه هي في امريكا! اتزكرت انو هي حاليا بتحقق في حلم امهاا ..

قبل سته سنين
عبدالله: يلااا ادخلي جواا يا بت
نور: يعني ما حتسوقوني
فريدة: ههههه ما ينفع نسوقك العرس ونحنا اتكلمنا في الموضوع يلاا ادخلي جواا ..
نور: طيب اديني بوسه الوداع
فريدة باستها بحنان: يلا ادخلي انتي لابسه بجامة
نور باست ابوهاا ورجعت خطوات لورا
كانو واقفين جنب العربيه ونور واقفه معاهم .. طلو العربيه وهي ودعتهمم على امل انهم يرجعو في نفس اليوم .. عاندتهم عشان تمشي معاهم بس بدون فايدة .. عدت ساعاتها وهي منتظراهم .. الوقت إتاخر وهم فهموها انهم حيرجعو في نفس اليوم .. السااعات عدت .. دقائق وثواني .. كانت واقفه في السطوح بس ما ليهم اثر.. نزلت بسرعه لمن سمعت صوت الجرس ..
نور:مييين!
احمد:انا احمد افتحي
فتحت الباب ورجعت لورا 
نور:احمد انت كنت وين مش محرسنك لي؟
احمد:هم لسه ما جو يعني
نور: والله؟ يادوبك بتسال والله انت واحد حيوان ياالا امشي بيتكم
احمد: واخليك برااك لازم يكون معاك راجل
نور:لالا حمش
احمد: ما تنقي افتحي التلفزيون خلينا نفرفش
نور: انت جاي تفرفش عندنا
احمد:والله بقيتي نقناقه ياخ
نور:خلينا ف المهم ماما وبابا تلفوناتهم مقفولة لي سااعه بضررب يا احمد
احمد: امي برضو كانت بتتصل عليهم
نور: خلاص خلينا نمشي لخالتي ونجرب من تلفونهاا
احمد: نور انتي قلقانه لشنو؟ اكيد على وصول اهدي ياخ ..
نور قعدت ف الكرسي الجنبو: يا رب يكونوا كويسيسن..

احمد عاين لتلفونو الاتصل
احمد: دي امي
نور: في شنو!
احمد: ايوة ي يمه
مهاد: احمد جيب نور وتعالو البيت سرعه
احمد: في شنو
مهاد بصوت مكتوم: يا ولد بسرعه
..قفل منها ومسك نور وطلعوو .. نور بدت تبكي وحست بشي
احمد: انتي بتكبي لي هسااا
نور: اهلي كويسين صاح!!
احمد: خلينا نصل مافي شي من دا اهدي ..
كان يوم اسود على نور .. بدت ترجف لما سمعت صوت خالتها بتبكي وبناتها حوليهاا ..وقفت بعيد وبقت بتبكي .. امها وابوها عملو حادث ولحظها انو ابوها قدر يعيش .. امها ماتت في لحظتها.. ونور دخلت في غيبوبه اسبوع ..
احمد كان بحبها شديد ودة الخلاهو يقيف معااها في الفترة دي .. يمكن رجعت احسن لانو ابوها جنبها واحمد وخالتهاا بس ما قدرو يعوضو مكان امها ..

وبعد خمس سنين نور وكلت حياتها لربهاا .. ابوها كان اول واخر شي في حياتها .. حتى احمد قدرت تتناسهو عشان ما تفقدو .. خطبهاا مليون مرة بس كانت رافضه .. خافت يروح ذي امهاا .. بقت ليها عقدة ابديه .. نور حاليا بتحقق في حلم امهاا وعايشه عشان ابوهاا ..

ابوها عبدالله الهاشمي لواء في الجيش متقاعد من خمس سنين .. اتقاعد اول ما مرتو ماتت او بالاصح "اتقتلت" .. كان صعب يعرفو منو الدبر الحادث لانو اللواء هو الكان مقصود .. حتى الحكومه السودانيه بطبعها ما قدرت تعرف شي لانو ما عندها مخابرات ولا اجندة سرية ولا حتى وعي كاف.
لكن نور استسلمت؟ اكتفت بموت امها!

____________

في الجامعه

علي كان بتكلم بتلفونو اول ما خلص المكالمه اتحرك على ياسر الكان حيطلع من الجامعه وهو ماشي عليهو اتصدم مع دكتور ..

توته كانت واقفه مع صحباتهاا وبتونسو ..

توته كانت واقفه مع صحباتهاا وبتونسو ..
مها:عاينو علي واقف مع منو
توته: الدكتور دة اطلق واحد في الجامعه
نسرين:ما اطلق من علي عاينو ليهو
توته: الدكتور دة اسمو منو شفتو مرة وحدة
مها: اسمو هشام قالو قرا في جامعة كندية
توته: انا قفلت عليهو خلاص
مها:تقفلي على منو انتي ماشايفه دقنو الطويلة دي تحلفي تقولي داعشي
نسرين: هي هي البنات بدو يلاحظو انو نحنا بنبرش .. ارح م هنا
مها: م يلاحظوا
توته: يلا لناس مقداد طيب
نسرين: انتي عندك شنو مع مقداد دة
توته: كيف يعني! لا ماعندي معاو شي
مها: امممم صدقناك
نسرين: اكسرو الحنك احسن..

علي إتحرك وبفتش على ياسر بعيونو: ده إختفى وين
ياسر من واره: كايسني انا
علي: وانت بتتخفس كدة مالك.. كنت طالع ليه لسه في محاضرة
ياسر: يا سلام شايل همي يعني
علي: مش صحبي! عموما انا كنت جاي اعتزلك مع اني ما غلط معاك في شي
ياسر: ما تتعود
علي:على الراس يازول
سكتوو للحظات ورجعو المحاضرة ..

_____________

بيت كان حلو وبسيط بتنفس يومي من الفرح والانبساط ..

في مكالمه
مريم:حبيبي وين انت
منذر: افتحي الباب طيب

مريم وقفت بسرععه وهي مبسوطه راحت وفتحت الباب .. حضنت منذر بحب
منذر ختا اكياس في طاولة:مشتاقة لي
مريم: لا بس كنت متضايقه
منذر: خير بطنك بتوجعك
مريم: لا بس نفسي كتم شويه وسهام جارتي قالت لي عشان شهورك الاخيرة البيبي بكون ضاغط عليك
منذر: اسسف بس كنت مشغوول وماقدرت ارد
مريم ابتسمت ودخلت الاكياس المطبخ ..
نادتو: اعملك العشاء؟
منذر: لا اكلي انتي انا حدخل انوم ..
مريم: طيب

يتبع