ما إنتبه لجهاز المراقبه الاتخت في عربيتو ، استعجال الهاشمي عشان يلحق اكبر حملة تهريب حيقوم بيها ما خلاه يركز مع الراجل الوقفو قدام المستشفى وسهاهو عشان يخت جهاز المراقبه ، نور كانت بتراقب عربيتو لحد ما اتحرك ابتسمت للراجل بهدوء وطلعت من المستشفى ..
منير كان قاعد مع افراد سودانيين في مق الياكوزا ، متير اتغير شديد حتى ملامحو بقت حادة وصعبه ، بقا بسجر ويشرب ، رسم وشم في ايدو ولون شعرو ، بقا ما ببيع في الشوراع وقدر يتقن ويفهم لعبه الياكوزا بقا ديلر مهم لا يمكن الاستغناء عنه ، ختا قزازة الخمرة في طاولة كبيرة واتحرك ماشي في ممر طويل عشان يخلص شغلو ، وقف فجاءة لما سمع اصوات عاليه من غرفه ديلر تاني افريقي .. الباب كان فاتح والحوار البيدور داخل الغرفه شبه مسموع .. عاين بسرعه خاطفه من فتحه الباب ورجع ختا ايدو في راسو ، ما كان متوقع انو الوقت جاء ، ختا ايدو في جيب بنطلونو وطلع صورة اداها ليه ( سواق امجاد ) قبل شهور ، قارن وش الراجل الفي الصورة مع الراجل الفي الغرفه وبصوت واطي قال " سيف الهاشمي؟ " بسرعه ختا راسو وقرب اكتر عشان يسمع الكلام الدار بيناتهم ورجع اتحرك من جنب الغرفه عشان ما ينكشف ابتسم بس فجاءة ابتسامتو اتمحت لما اتزكر انو انحرم من الاتصال بأي زول خارج الياكوزا ، كيف حيقدر يتصرف ومن وين حييقدر يأمن تلفون ! طلع من المكان الهو فيه ونزل بسلم تاني ، كان في مخزن يشبه القبو القديم اتجاوز مخاوفو وهو عارف عاقبه الموضوع دة لو انكشف بس ما كان هاميهو غير ينجز المهمه الممكن تغير من مستقبل فعلة ، عاين لتلفون ارضي وكان قدامو امل بسيط انو يكون شغال او لا .. بعد خطوات وقف قدام التلفون وعاين حولينو .. ماكان بعرف يستعملو بس حاول ومن اول مرة دخل معاه جرس! .. اتحمس شديد لما جاهو ردا
- الو
رد على الصوت
- البضاعه حتوصل الليله الساعه 2 صباحاً
- اطلع من للياكوزا وحتلقى عربيه في نهايه الطريق .
انقفل الخط ، رجع بسرعه وطلع ما كان عارف حيقدر يمرق من الياكوزا او لا .. دخل في ابواب وممرات كتير وشبه تاه وما كان قدامو غير باب اخير واكيد فيه حراس واذا طلع حينقتل .. اتقدم خطوات وجاهو صوت من برة
-تعال بسرعه
ما كان عندو خيار غير يتجه لجهه الصوت البناديه ..
منير حينجو بحياته ولا حيكون ضحيه للمافيا ..
_
*الساعه الثانيه والربع صباحاً
2:15
يضج ميناء بورتسودان بقدوم تلك السفينه البحريه .. اقتربت كثيرا من مرسى السفن .. مستوردات بكميات هائله دخلت السودان في منتصف الليل بشكل غير مشروع ولا مسبوق له وبدقه كبيرة وسريه تامه من مافيا الياكوزا بإتفاق مع الهاشمي اكبر مسوؤل جمارك في السودان وبعض من المسؤولين الفسدة وتجار العملات والمخدرات ..
في مكان تاني في غرفه استخبارات ، اجهزة كمبيوترات وحواسيب ، كان فيها كم راجل بتبعو المكالمات وواحدين براقبو في طرق وجزء بيتبع مسارات معينه كانو واقفين جنبهم رجال شرطه مسؤولين ومعاهم شرطيه خمسينيه العمر .. واحد من الكانو قاعدين قدام اجهزة التتبيع قال " اتحرك من نقطه مجهووله وحاليا ماشي على الميناء فعلا " الشرطيه قالت ليه " خليك بتتبع مسارو " عاينت لواحد تاني وقالت لي اتبع وسجل اي اتصال يجي للهاشمي مفهوم " .. طلعت برة غرفه الاستخبارات بعجله واتصلت على رقم وقالت : " جاء الوقت نفزو " ..
