الخميس ، الساعه 1 صباحاً
_
في مبنى من كم طابق .. كل طابق كان شكلو بالي وسخان .. بعد كم سلمه يوجد الطابق الرابع شقه رقم 15 .. الدخان طالع من تحت الباب وصوت الشباب واصل لباقي الشقق .. مقداد وعلي ومحمد وياسر كانو بشيشو ويضحكو مع اولاد تانين .. الشقه كلها اولاد البشيش والبحشش والبسكر ..والبشم .. ما كانو واعيين للدينا وبيضحكوا ويرقصو .. عدو يومهم كلو في الشقه دي لما جات الساعه 1 نص الليل طلعو باستعجال الاربعه وخلو باقي الشباب .. في العربيه شغلو اغاني بصوت عالي و ضحك وعرقي وسجاير .. علي بيضحك ويشرب ومقداد بسجر وماسكل قارورة العرقي! ياسر كان سايق بسرعه وبفحط في طريق عام !
من جهه تانيه في شقه دكتور هشام .. طلع من الحمام عشان يرد على المكالمات الكتير .. استغرب ورداا
هشام: الو خير يا حسن في شي
حسن: ما خير ولا شي يا دكتور
هشام: في شنو اتكلم
حسن: انا هس تابعت الشباب ذي ما قلت لي طلعو من نفس الشقه وهس سايقين وعلى الاغلب سكرانين
هشام: منو فيهم السايق ويين انت
حسن: في شارع * ما قادر اشوف سايقين بسرعه
هشام: اقفل وانا بتصرف
رما التلفون وبقا يقول غبي غبي لبس اقرر شي وشال مفتاح العربيه ونزل بسررعه ..
في العربيه كانو سايقين بسرعه وابتخطو في العربات بسرعه .. وكانت اللحظه الاتقلبت فيها العربيه سته قلبات ودخلت في بتاع محل عصائر .. صمت تام للحظه وبعدها الناس بدت تصرخ وتجري على جهه العربيه .. دكتور هشام داس فرامل وهو جاي من الجهه المعاكسه عاين للعربيه الاتحطمت وبقت كتله واحده .. كان مخلوع وبعاين للناس البتجري وعرف انو جا بعد فوات الآوان .. شاف حسن بعيد واقف وخاتي يدو في راسو .. دكتور هشام بقا يقول انا فشلت ، انا ما قدرت احميهم! .. دخل عربيتوو ومسح وشو وساق عشان يرجع ومافكر يتقدم ويشوف الحصل عليهم شنو ..
جات الاسعاف ورفعتهم كانو الاربعه بتنفسو بس ما معروف يعيشو كم دقيقه تاني
_________
مريم فتحت عيونها وعاينت حوليها بسرعه لقت نفس الراجل بقولها انتي كويسه؟
مريم: انت عايز مني شنو
الراجل: ولا اي شي اهدي بس
مريم عاينت لقت الوقت اتاخر وهو لسه سايق : اقيف عاوزة انزل اقيف قلت ليك
الراجل: ما عايزة تشوفي منذر؟
مريم: منذر ؟ انت صاحب منذر صح! انت منو ياخ
الراجل: انا شرطي وما حقدر اقولك اكتر من كدا ..
وقف العربيه قدام مستشفى * وطلب انها تنزل براحه
مريم: ليه جبتني هنا منذر وين ؟
الراجل: منذر هنا
مريم نزلت وعاينت للراجل دة وبعدها دخلو وصلو ممر طويل في الطابق الرابع وكان في حراسه مشددة كلهم بقو يعلينو للشرطي دا وردو تحيه اول ما دخل ..
الشرطي عاين لمريم ولاحظ خوفها: انا الرائد أحمد عبادة ، ياريت ما تتوتري عشان احنا هنا لحمايتك وحمايه منذر
مرريم:...
الرائد: يا ريت تتمالكي اعصابك وتعرفي انو اي صدمه حتأثر على جنينك اول شي
مريم: منذر وين! ، كويس صاح
الرائد:منذر اتعرض لحادث سيري وهو هس كويس بس عايز راحه
مريم: كنت حاسه انو حاصل عليه شي وين انا عايزة اشوفو
واتحركت بسرعه للغرف الفي الطابق .. الرائد احمد مسكها واشر ليها على الغرفه .. مشت بسرعه وحاولت تفتح باب الغرفه بس مافي طريقه
احمد: ذي ما قلت ليك محتاج راحه والدخلو ممنوع
مريم: لو سمحت خليني ادخل ليه اكيد محتاجني حلفتك بالله خليني ادخل
احمد: ما ينفع
مريم بتبكي: الله يخليك عاوزة اشوفو مرة وحدة بس
احمد قعدها في كرسي جنب الغرفه: ارتاحي وخليك عارفه انو حيقوم بإذن الله بس ما حينفع تدخلي وسكت
مريم رمت راسها بين ايديها وبدت تبكي اكتر وتهز في رجولها وحاسه بشي غلط بيحصل
احمد اردف لكلامو: واسف لاني جبتك بالطريقه دي لكن ما كان في حل تاني وهس لازم ترتاحي في غرفه اتخصصت عشانك اتفضلي..
مريم: ما حمشي لاي مكان
احمد: لو سمحتي
مريم: قلت ليك ما حتحرك من هناا
احمد اكتفى بالسكات وعاين للدكتور ووقف اتكلم معاه بعيد وبعدها الدكتور اتحرك ..
___
اسعاف ورا اسعاف .. ياسر مات هو وشلتو ولا حيقاومو! .. وين المخدرات مش المفروض تنقذهم!.. المخدرات الفضولها على شبابهم في اللحظه دي غدرت بيهم ، ويبقى السؤال منو المسؤول عن موتهم ؟ الموت نفسه ولا المخدرات! ..
في مستشفى تانيه اتقرر مصير علي.. امه الكانت بتبكي بصوت عالي ومبحوح! علي ولدي مات جيبو لي ولدي يا جماعه!
في غرفه الدكاترة بحاولو ينقذو في ياسر ومقداد .. اما محمد طلع منها بكسر في العمود الفقري ..
دكتور بيطلع والتاني بيدخل بدون فايدة ياسر ومقداد اتحولو للعنايه بدون امل كانو شبه ميتين ومافي جزء منهم سليم!
اما في غرفه تانيه الممرضه غطت وش علي واعلنت عن وفاتو .. بدا صريخ اهلو واخوانو يعلى ويعلى كل المستشفى واقفه تعاين بيأس وحزن شديد .. وكان في نصهم بت واقفه بتعاين لأهلو بكت بوجع وقررت تطلع من المستشفى كلها وتجري ما كان هاميها غير تجري اتزكرت الحصل قبل 5 سنين واتعاد قدامها سناريو حزين! سناريو كل عمرها بتحاول تنساه ..
يتبع
