صباح الجمعه
بضع خطوات على ممر ضيق غرفه رقم 101 و غرفه رقم 102 ، اجهزه قياس نبض ، انابيب ورئحه الدم والموت تملأ المكان ، ياسر اتنفس بسرعه والاجهزه بدت تنبه .. الممرضات جو لما سمعو الانذار ياسر فتح عيونو وبحاول ياخد انفاسو .. جروحو العميقه بدت تنزف تاني .. دخل الدكتور بسرعه وبحاول ينقز ياسر الكل مرة بتزيد شهقاتو .. صعقوهو اكتر من مرة بالكهرباء بدون فايده .. غمض عيونوو ولسه بشهق بقوة .. الجهاز بدا ينتظم الدكتور عاين ليه وعاين للجهاز ..
أما مقداد لسه كان في غيبوبتو وما قاوم عشان يصحى ..
طلع الدكتور ولقا اسرة ياسر واقفه بترغب وفي نصهم سيف الهاشمي ..
سيف: لو ياسر حصل ليه شي انا حدفع المستشفى دي كلها تمن روحو فاهم
الدكتور: يا ريت تهدا احنا عملنا العلينا العاوز اقولو انو ياسر مات موت دماغي ادعولو لانو محتاج دعواتكم .. واتحرك من جنبهم ..
نهال ام ياسر: واااي بابا ولدي رااااح مني ياسر مات يا بابا
عصام ابو ياسر: اسكتي ياخ كلو بسببك انتي
نهال: بسببي انا؟ انت ناسي انو ولدك برضو
عصام: مش انتي امو مش المفروض انتي البتخلي بالك منو هندا هس راقد بيت الحياة والموت
نهال: انا ما عايزة اسمع صوتك يا عصام اطلع من هنا
عصام: اي حقولها تاني وتالت ورابع كل الحصل لولدنا بي سببك انتي وابوك دة
سيف عاين لعصام ووقف اتكل في عصايتو: اطلع برة والا والله ..
عصام: والا شنو يا حضرة ال ..
سكتت وشال موبيالو وطلع خلا الموجودين كلهم يعاينو لنهال وابوها ..
طلعت الاسعاف من نفس المستشفى شايله جثه علي .. بعد صراخ ونوح وبكاء من اهلو شالو عشان يدفنوه .. رفعو الرجال في اكتافهم فيهم البيبكي وفيهم السرحان بعيد .. ختوه جنب قبرو وصلو عليه الجنازة .. اندفن وانتهت قصه واحد من شلة ياسر ..
____
في بيت سليم .. دخلو الاتنين سليم ومعتز وهم بترنحو ويغنو .. طلعو السلالم ودخلو غرفه سليم! لدن سمعت صوتهم بس ما اهتمت .. سليم لسه كان بيشرب ويترنح دخل الحمام استفرغ وطلع ما قادر يشيل حيلو وفجاءة وقع .. غمض عيونو وغطا في نوم عميق .. معتز عاين ليه وضحك قال ليهو اصحى ياخ عشان نكمل السهرة دي .. سليم اصحى انت لحقت تشخر؟؟ .. شال اخر نفس من سجارة البنقو وبقا يعاين في المرايه وضحك كتير .. مشى على جهه الباب وفتحو وطلع .. كان ماشي وبتلفت عشان يشوف غرفه لدن .. اول ما وقف قدام الغرفه ابتسم وفتح الباب دخل لقاها مافيشه! سمع صوتها في الحمام وقفل الباب من جوة ..
لدن وقفت الدش لما سمعت صوت الباب: مين برة؟؟
ما جاها رد
لدن: في زول برة ؟؟
برضو مافي رد ، لبست هدوما وطلعت رجعت ورا لمن شافت معتز ..
معتز: تعالي قريب لي واقفه هناك
لدن: هي انت السمحلك تدخل غرفتي منو
معتز: ما الا زول يسمح لي
لدن: اطلع بسرعه والا حنادي لسليم
معتز بخباثه: سليم!؟ سليم منو
لدن حاولت تدخل الحمام بس بسرععه جا عليها ومسكها بقوة وصما ليها خشمها وهي بتقاوم فيه لكن معتز كان معضل واقوى منهاا .. مسكها اكتر وربط ليها خشمها .. بدا يتحسس على جسمها ولدن بتقاوم والدموع في عيونها .. جزبا عليهو وباسها ولسه بحاول يلمسها .. لدن رجعت لورا ولزتو جا عليها ورمها في السرير .. ربطتها اكتر وهي بتبكي وصوتها خافت وما اظن زول يقدر يسمعها .. مسك الروب بتاعها وشرطو من كل الجهات .. وهي بتشلت فيه وتصرخ غطا خشماها بإيدو ولسه بحاول يقلع ليها ملابسهاا ..
دكتور هشام جاتو اتصالات كتير بس ما ردا عليها عاين للرساله الاخيرة وكان مكتوب فيها " بكرة " .. غمض عيونو واتكل في الكرسي وبحاول يتخلص من الافكار البتجي في راسو .. قام عشان يخلص كم حاجه ، فتح دولابو وعاين للمسدس الكان مختوت في رف من الدولاب .. شالو وعاين ليه مسافه ورجعت بيه الزاكرة لسنه او اتنين .. بسبب المسدس دة حصلت ليه حاجات كتير اولهم انو خسر اعز انسان في حياتو .. رجعو بعد ما اتأكد انو معبى وقفل الدول ورمى راسو في الضلفه بعد ما زفر بضيق ..
__
في المستشفى .. دخلت نفس البت الكانت بتبكي امس على موت علي ، شعرها اسود متوسطه الطول .. لابسه كاب عشان تخفي وشها مشت لجهه غرفه التبديل وعلى حظها ما لقت ممرضات لبست اقرب يونيفرم وطلعت على انها ممرضه .. عاينت لسيف الهاشمي ونهال الكانو قاعدين وسط اهل ياسر ومقداد قاعدين والحسرة في عيونهم! .. اتفادتهم بسرعه ولفت باتجاه تاني منتظرة يطلعو بس مافي فايدة .. كانت مستجعله وماعندها خيار غير انها تمر جنبهم عشان تدخل لغرفه ياسر .. وفعلا دة الحصل .. حاولت بقدر الامكان انها ما تقيف عشان ما يشوفوها لانهم حيعرفوها ودخلت الغرفه وقغلت الباب بعد ما اخدت نفس طويل .. عاينت لياسر واتزكرت كم حاجه قديمه مر عليها 4 سنين تقريباً جات جنبو وعاينت للجهاز وقال بصوت خافت " انا نور يا ياسر" .. تابعت كلامها : متزكرني صح؟ انا نور بت فريدة تتزكر لما وريتني منو السبب في موت امي صح ؟ اسفه لانك هنا ، كان المفروض تعيش عشان تشوفهم وهم بينساقو للسجن كان لازم تشوف عيونهم
وهم ندمانين! ، انا جيت اطمن عليك وانت لازم تقاوم يا ياسر لازم ، ما حقدر اكون هنا لوقت طويل .. سابت يدو ومسحت دموعها وطلعت بسرعه بدون ما يلاحظو ليها ..
__
اما سيف الهاشمي انتبه ليها عاين ليها بس ما قدر يشوف وشها .. رجع عاين ل نهال
سيف: انا لازم امشي وانتي برصو قعدتك هنا ما ليها فايدة
نهال: عليك الله يا بابا سيبني انت روح شوف اشغالك
سيف ماردا عليها وطلع فعلاً .. قبل ما يطلع عربيتو جا جنبو راجل وقال ليه انت سيف الهاشمي صح؟
سيف: نعم
الراجل: سمعتا انو حفيدك عمل حادث ومرقد هنا ، ان شا الله حيقوم بالسلامه انت البتعملو للناس و للبلد ما شويه كفايه انك بتأكلنا واي خير بجي من دربك
سيف اكتفى بابتسامه وطلع عربيتو وقال للسواق يتحرك ..
نور كانت واقفه في مقهى المستسفى عاينت ليه من بعيد وقالت في سرها اوعدك اني اخليك تتمنى الموت وما تلاقيه يا سيف يا هاشمي ..
يتبع
