السكون الذي يسبق العاصفة

7

السكون الذي يسبق العاصفة
الحلقة السابعة

يتصل آدم بخلود لكي ترجع فوراً وتطمئن على خالد
خلود: الووو ازيك يا آدم عامل ايه انت وخالد
آدم: انا كويس بس....
خلود: مالك يا آدم عامل كده ليه صوتك متغير
آدم: انتي هترجعي إيطاليا امتى
خلود: المفروض بعد 3 ايام
آدم: لا يبقا لازم ترجعي حالا
خلود: بس انا لسه ورايا حاجات اعملها
آدم: لازم ترجعي خالد خبطته عربيه ودخل في غيبوبة
خلود: انت بتقول ايه
آدم: لازم ترجعي
خلود: انا جايه حالا على اول طايره راجعه لإيطاليا
تنهي مكالمتها وتنادي على مريم التي كانت جالسة تحتسي النسكافيه وتطالع مجلة
خلود: مريم
مريم : نعم يا ماما
خلود: قومي حضري الشنط احنا هنرجع إيطاليا حالا
مريم: ليه في ايه
خلود: خالد في المستشفى
مريم: ايه اللي حصل
خلود: ابوكي بيقول ان خبطته عربية
مريم:(صدمة)
خلود: ( دموع)  قومي يلا
مريم: ( تنهض مسرعه)
😃😃😃😃😃😃😃😃😃😃😃😃😃
في المستشفى يجلس آدم يضع يديه على رأسه ويمتلك غضبه تجري عليه مريم لتحضنه وهي تبكي
مريم:( والدموع تسيل من عينها) خالد فين وايه اللي حصل
خلود: فهمني دلوقتي يا آدم ايه اللي حصل
آدم: مش عارف لقيت واحد بيتصل بيقولي ان ابنك خبطته عربيه ونقلوه هنا
خلود: احنا امتى هنشوفه
مريم: الدكتور قالك ايه
آدم: كسر في الجمجمة ونزيف داخلي
خلود:( لا تقدر على الوقوف فتسقط)
مريم: والكلام ده حصل فين
آدم: مش عارف ولسه البوليس مجاش عشان خالد مفاقش عشان يستجوبوه
تحضر عائلة عاصم بدون استثناء
شيرين: حصل ايه
دارين: ماله خالد
حازم: هو ايه اللي بيحصل
عاصم: طمني يا آدم على خالد
مازن: خالد ماله
تجلس شيرين تواسي خلود ويجلس عاصم مع آدم ليهدئه ويجلس معهم مازن بينما يذهب حازم ودارين إلى مريم ويأخذوها إلى حديقة المستشفى
دارين: انتي جيتي امتى
مريم: من ساعه....  وانتي عرفتي منين اصلا
دارين: واحده زميلتي في المدرسة قالتلي لان خالد العربيه ضربته جمب المدرسة
مريم: ( تنظر لحازم نظرة شرار) وانت كنت فين على كده وسايب خالد لوحده
حازم: ( بصوت عالي) حيلك حيلك وكأنك بتحمليني الذنب انا اصلا مرحتش المدرسة لان انا خلصت اصلا
مريم: ما انت طول عمرك بتروح معاه
حازم: وكأنك بتحسبيني هو انا مامته ولا اخته الغلط على اخته ومامته اللي رايحين يخرجو ويتفسحوا في باريس وسيبينه لوحده
مريم: انا قلتله تعالى معانا وهو قال لا وبعدين انت عارف انو مبيحبش يروح هناك
حازم: وما اصرتيش عليه ليه وزنيتي
مريم: عشان انا فضلت اتكلم كتير وهو رفض وبعدين انا كنت في ايه ولا ايه
حازم: ومقعدتيش معاه ليه ولغيتي سفرك انتي انانية طول عمرك
دارين: اهدو شويه اللي حصل حصل خلاص
مريم: مقدرتش اقعد لان انا كنت محتاجه اغير جو وبعدين انت شفت اني كنت تعبانه  و الحالة النفسية الزفت اللي بقيت فيها
حازم: شفتي يبقا انانية
مريم: انت متخلف على فكرة وعايز تتخانق وخلاص انا لو كنت اعرف هيحصل كده كنت قعدت
حازم: انتهى الكلام
مريم: هو فعلا انتهى
☺☺☺☺☺☺☺☺☺☺☺☺☺
شيرين: اطمني انشالله خير
خلود: يارب
مازن: الدكتور بيقول انكم تقدروا تشوفوه بس الام والاب بس وخمس دقائق بس عشان المريض
يدخل الام والاب
خلود:( الدموع تسيل على خدها)  حبيبي رد عليا انا ماما
آدم: ( ينظر حوله ويحاول ان يصدق ان ما حصل غير حقيقي)
خلود: ياريتك رضيت وجيت معانا
تدخل عليهم الممرضة
الممرضة: رجاءا ان تتفضلوا بالخارج فالولد يحتاج إلى الراحة
يخرج الجميع ويفاجئ الجميع برؤية إيهاب
إيهاب: هو ايه اللي حصل يا عمي
آدم:( لا يرد)
مازن: خالد خبطته عربية
إيهاب: مريم فين
حازم: وانت مين بقا
إيهاب: انا إيهاب خطيب مريم
حازم: لا والله وايه اللي جايبك هنا ( ب عصبيه)
إيهاب: مازن اتصل بيا وقالي انكم هنا عشان خالد
حازم: بقا مازن هو اللي قالك( يجز على اسنانه)
دارين: مريم في الحديقة بتاعت المستشفى
ينزل إيهاب للحديقة ليجد مريم جالسة على العشب تطالع السحاب
إيهاب: مريم
مريم:( تنظر له نظرة شرار)
إيهاب: انا عارف ان الوقت مش مناسب بس انا كنت جاي اشوفك لو عايزه حاجه
مريم: متشكرة يا .......
إيهاب: إيهاب يا مريم
مريم: اسفه
إيهاب: حمدالله على سلامتك
مريم: الله يسلمك....... انت عرفت منين
إيهاب: عارف يا مريم كل شئ وفكراني مش عارف............ عارف انك دخلتي المستشفى بسببي وممكن تقولي مدام انت عارف مزرتينيش ليه هقولك لان حسيت وجودي ممكن يضايقك وعارف انك مسافره ومستغربتش انك مقولتيليش ليه عشان عارف انك بتكرهيني
مريم: ومادام مشالله حضرتك ذكي خطبتني ليه
إيهاب: لاني عمري ما حبيت وفجأه لما شفتك في الحفله عرفت طعم الحب الحقيقي
مريم: ليه حاسه انك بتكذب عليا
إيهاب: بصي انا مبكذبش بس هقولك الحقيقه
مريم: ياريت
إيهاب: انا في بين ابويا وباباكي مشاكل عشان الشغل بس علاقتي بيكي ملهاش دعوة بأي حاجه من دي وانا مستعد اعملك اللي انتي عايزاه عشان تصدقي ان انا مليش علاقة بالخلافات
مريم: بص الحاجه اللي اقدر اقولهالك اني هديك فرصة تثبلتي انك كويس
إيهاب: وانا سعيد انك تفهمتي الموضوع
مريم: ومش معناه ان اديك فرصة انك هترتبط بيا
إيهاب: كل شئ هيجي تدريجي بس اثبتلك العكس الاول
مريم: متحلمش يا إيهاب
إيهاب: ههههههههههههههههههههه طيب يا مريم
مريم: بعد اذنك بقا عشان هقوم اروح لماما
إيهاب: وانتي ايه اللي جابك هنا اصلا ومش مع اهلك ليه من الاساس
مريم: انا كنت بتخانق مع حازم ولقيت نفسي قاعده كده
إيهاب: ده انتي على كده خلل
مريم: يعني ايه خلل
إيهاب: مصريه ومش عارفه خلل
مريم: اه وايه المشكله
إيهاب: يعني مجنونه
مريم: طب بقولك ايه انا هقوم عشان اشوف خالد
إيهاب: خالد نايم دلوقتي
مريم: انا هشوف ماما وبابا
إيهاب: انتي بتهربي وخلاص
مريم: بالضبط كدا
تصعد مريم تاركه إيهاب في الحديقة
آدم: الحمدلله انا كنت بكلم الدكتور وقالي ان الحالة استقرت وانهم عرفوا يسيطروا على النزيف وممكن يفوق بعد 3 او 4 ايام
مريم: يارب خير
😃😃😃😃😃😃😃😃😃😃😃😃😃
في اليوم التالي يذهب آدم وخلود ومريم ويدخلون غرفته
مريم: وحشتني جدا جدا يا خالد
آدم: الناس قالو انهم مشافوش العربيه وكانت من غير نمر
خلود: طب وهنسيب حق ابني
مريم: طب هو مين ليه مصلحة في الموضوع ده
آدم: لا في ناس ليها مصلحة وانا لازم اتصرف في الموضوع والحمدالله انها جت على قد كده
خلود: كل ده بسبب شغلك انت انا عارفه
آدم: انتي بتتكلمي وترمي عليا التهم وكأني انا السبب في اللي حصل لابني مع انك المفروض تبقي انتي اللي تبقي محافظة عليه وتهتمي بيه شويه
خلود: طول عمري مهتميه بيهم بس انت كتر الشغل نساك حاجات كتير
مريم: معتقدش ان ده وقت مناسب
آدم:  لينا كلام تاني في البيت
خلود: صح في كلام كتير مكانه البيت مش هنا
😃😃😃😃😃😃😃😃😃😃😃😃😃
في منزل  آدم ولا يوجد في المنزل غير دارين ومريم حيث خلود  تقضي أغلب وقتها مع خالد وآدم ينتهي من اشغاله ويذهب لخالد في اخر النهار
دارين: مالك يا مريم انتي بقيتي مكتئبه علطول
مريم: ( بعدم اهتمام)  وانتي شايفه اني في وضع يسمحلي ان ابقا حاجه غير اني مكتئبه
دارين: فاهمه بس انتي بقتي علطول في الوضع ده
مريم: انا مدايقه اوي خالد في المستشفى وماما بقت تتخانق مع بابا وعرفت ان بابا عنده مشاكل في شغله ده غير اني بقيت حمايه لشغل ابويا بسبب حمزة الزفت وابنه
دارين: بصراحة مش عارفه اقولك ايه
مريم: متقوليش حاجه
دارين: طب جربتي تزوري جدتك ليكي فترة مبتشوفيش حد
مريم: مليش نفس
دارين: هي بقت دايما مع مامتك في المستشفى مع خالد
مريم: عارفه ومش قادرة اروح ازوره
دارين: انا رحت امبارح مع حازم
مريم: هو حازم راح لخالد
دارين: اه
مريم: ( الدموع تسيل من عينها) بقيت حاسه اني وحيده من غير خالد
دارين: طب خلاص تعالي نعمل الغدا ونتغدى ونروحلهم بعدين
مريم: لأ  لازم نلحق عشان الزيارة مش مسموحة بعدين
دارين: طب مين هيودينا
مريم: السواق واخد اجازه
دارين: طب انتي مش بتعرفي تسوقي
مريم: بعرف لكن مش معايا رخصة قيادة
دارين: خلاص انا هتصل بحازم
مريم: لا
يطرق الباب فتذهب الخادمة لتفتح الباب يدخل من الباب حازم
حازم: عاملين ايه
دارين: كويس انك جيت لسه كنت بكلم مريم انك توصلنا لخالد
مريم: انا هطلع الاوضه
حازم: استني هنا
مريم: ابعد عني عشان مش ناقصه خناق تاني
حازم: ( يشدها من ذراعها بقوة ويضغط عليه) لما اقولك تستني تسمعي الكلام
مريم:( تتألم )  ابعد ايدك وامشي من هنا
حازم: تعالي نطلع برا( يجذبها خارج المنزل)
مريم: عايز ايه انا مش عايزه وجع دماغ
حازم: خلي بالك من الحيوان اللي ابوكي لبسهولك دا
مريم: احترم نفسك احسن واعرف بتتكلم معايا ازاي
حازم: فوقي بقا ابوكي عملك كبش فدا لشغله وممكن يضحي بيكي زي ما ضحى بخالد من غير مايعرف
مريم: مش فاهمه حاجه ايه اللي انت بتقوله ده انت باين عليك خرفت
حازم: افهمي بقا شغل ابوكي بقا داخل في الخطوط الحمراء وشغله هيقضي عليكم واولهم كنتي انتي بخطوبتك من إيهاب وتانيهم اخوكي خالد والله لتنذلوا
مريم: انت كذاب وبتخرف ومش عارفه انت بتعمل كده ليه
حازم: اقولك حاجه انا فعلا كذاب ومتخلف وعندك حق في كل شئ اقولك دوري ورا موت صحبتك وانتي هتفهمي كل شئ وصدقني مش هيرتاحوا غير لما ياخدوا حقهم.......  انا طيارتي بكره بليل
مريم:ههههههههههههههههههههههههههههههه قول انك عايز نتصالح وعملت الفيلم ده عشان نتصالح وخلاص
حازم:( يقترب من اذنها ويقول بصوت خافت) انا مش هتكلم انا هسيب العالم اللي انتي عايشه يثبتلك
دارين: حازم مرات عمي اتصلت بيا وقالتلي حازم: ماشي يلا بينا نروح المستشفى
😃😃😃😃😃😃😃😃😃😃😃😃😃
في المستشفى حيث تجلس اكرام جدة خالد تقرأ القرآن وبجانبها خلود تجلس بجانب ابنها ثم يدخل عليهم حازم ومريم ودارين
مريم: خالد ( بفرحة)
خالد:( بتعب وارهاق) مريم
حازم: حمدالله على السلامة يا بطل
دارين: حمدالله على السلامة يا خالد
مريم: البيت ملوش طعم من غيرك يا خالد
خالد: ( يبتسم)
خلود: الدكتور قال انه بقا احسن من الاول
حازم: كويس
إكرام: طب مش تيجي تسلمي عليا طيب
مريم: سامحيني يا تيتة انا من كتر ما فرحت بالخبر مبقتش شايفه حاجه
إكرام: عذرك يا بنتي امك حكتلي على اللي حصلك
مريم: بلاش السيرة دي عشان انا فرحانه
خالد: هو انا هخرج امتى
حازم: تخرج ايه انت لازم تاخد فترة نقاهة شويه
دارين: صح
خلود: الدكتور قال انك لازم تفضل تحت المراقبه
حازم: قولي يا خالد انت ايه اللي حصلك
خالد: مش عارف كنت بعدي الشارع راحت جت عربية بتجري بسرعة كبيرة خبطت فيا حازم:   طب مشفتش العربيه وشكلها ايه
خالد: هي لونها اسود وكبيرة بس انا مش فاكر حاجه بعدها
مريم: حازم كفايه مترهقش خالد
حازم: اسكتي......  خالد الشرطة هتيجي عشان تاخد منك مواصفات العربيه دي انت لازم تقولهم كل حاجه انت تعرفها عشان يقدروا يجيبوا الشخص اللي عمل فيك كده
خالد: طيب
خلود: متشكرة يا حازم
حازم: على ايه ده واجبي وبعدين انا معملتش حاجه
إكرام: اتغديتو يا حبايبي
دارين: اه اتغديت انا ومريم وحازم
خلود: في الشارع صح
دارين: اه
خلود:طيب
إكرام:  ربنا يهديكم وتبطلوا اكل برا
مريم: احم احم انا مش مجنونه
حازم: ههههههههههههههههههههههههههههههه.............  انا مضطر استأذن بقا عشان عندي حاجات اعملها قبل معاد الطيارة
خالد: طيارة ايه
حازم: انا مسافر بكره بليل على هروح هامبورغ
خلود: ليه
حازم: هبتدي حياتي هناك
إكرام: واهلك هيسبوك كدا
حازم: انا مش صغير يا تيتة
خلود: ناوي ترجع امتا
حازم: كمان 5 او 6 سنين مش عارف واحتمال استقر هناك
خلود: ربنا يوفقك
إكرام: ربنا معاك
خالد: ماشي يا ندل هتسبني
حازم: معلش غصب عني
خالد: متتأخرش ها
حازم: هبقا اعدي عليك بكرا نقعد مع بعض
خالد: طيب
حازم: يلا يا دارين عشان الحق اوصلك واخلص حاجتي
دارين: يلا ciao
مريم: ciao
خلود: هو عاصم بقا بيخلص من ولاده بدري بدري ليه
إكرام: ليه بتقولي كده
خلود:  عشان ابنه طلب انه يشتغل مع آدم وكمان آدم قاله يطلب المرتب اللي هو عايزه وابنه الصغير سفره ألمانيا
إكرام: يا نهار ابيض على الزمن
مريم: هي ندى مش هتيجي ولا ايه
إكرام: قالت انها جايه في طيارة بليل النهارده
خلود: مقالتليش يعني
إكرام: هي قالتلي اني اقولك عشان تلفونك مقفول
خلود: اه
خالد: انا تعبان بشكل غير عادي
مريم: معلش
خلود: ده كابوس
يرن هاتف مريم والرقم غير مسجل على هاتفها
مريم: بعد اذنك يا تيتة هرد على التليفون
إكرام: اذنك معاكي
تخرج مريم من الغرفة
إكرام: خلود هدي اللعب مع جوزك ها وبلاش الهبل اللي بتقوليه ده
خلود: ماشي
خارج الغرفه تقف مريم بجانب النافذة وتجيب
مريم بالايطالية: الووووو
إيهاب: مش محتاجه تتكلمي بالايطالي
مريم: مين معايا
إيهاب: لحقتي تنسي صوتي
مريم: هو انت
إيهاب: عامله ايه وحشتيني
مريم: اه.......  احنا هنبتديها كده
إيهاب: مش فاهم
مريم: يعني ياريت المعامله بينا تكون رسمي احسن
إيهاب: اوووووووف يا مريم ده انتي رسمية بشكل
مريم: لو زهقت مني نقدر نسيب بعض احسن معنديش مانع
إيهاب: اه وانتي عايزاني احققلك الامنيه دي بس  ده بعدك
مريم: ياريت تقولي المستفاد من المكالمة
إيهاب: عايزك تخرجي معايا بليل نتعشى سوا
مريم: معلش مش فاضيه
إيهاب: هعدي عليكي الساعة9
مريم: مش فاضيه باي باي
إيهاب: استني............. ( تغلق الخط)  اه يا  مجنونه
☺☺☺☺☺☺☺☺☺☺☺☺
في منزل عاصم يجلس عاصم مع شيرين
شيرين: خالد عامل ايه دلوقتي
عاصم: حازم بيقول فاق وكلمهم
شيرين: انت ليه مش عايز حازم هنا
عاصم: انا مغصبتش حاجه على حد هو اللي اختار
شيرين: وانت بتساعده
عاصم: لاني واجب عليا اساعد اولادي في تحقيق احلامهم
شيرين: بذمتك انت مصدق نفسك
عاصم: عايز ايه يا شيري
شيرين: بلا شيري بلا هباب انت بتعمل كده عشان بتبعده عن آدم وولاده
عاصم: كلامك مش صح
شيرين: لا صح لانك عارف ان حازم منتمي هناك لانه حاسس انهم عايلته فعلا دايما بيحس معاهم انه جزء منهم
عاصم: واشمعنى مازن
شيرين: لان مازن انت طبعت عليه وبقا زيك متسلط ومتملق واناني
عاصم: انا شايف انك بقيتي ترمي عليا التهم وحضرتك دايما مش فاضيه لولادك
شيرين:....................
عاصم: سكتي ليه
شيرين: انت الفلوس بقت حياتك
عاصم: ده على اساس انك مش بتاخدي الفوس دي وتبعزقيها يمين وشمال
شيرين: واللهي وانت بتتقدملي عارف اني بنت ناس وعائلة كبيرة
عاصم: ونبي بلاش النفخة الكذابة
شيرين: انت نسيت نفسك ولا ايه
عاصم: بقولك ايه انهي الحوار ده احسن
شيرين: طول عمرك لما تطلع غلطان تقول الكلام ده
عاصم: طيب ماشي اسكتي بقا
☺☺☺☺☺☺☺☺☺☺☺☺☺
في الشارع في ايطاليا يجلس حازم  في كافيتريا يطالع حسابه على موقع التواصل الاجتماعي
فيسبوك يرن هاتفه المحمول
حازم  بالايطالية: هااااااي ايها الوغد اللعين الان تذكرت ان تكلمني
إدوارد: ههههههههههههههههههههههههههههههه سمعت انك سوف تسافر
حازم: هذا صحيح
إدوارد: ولماذا لم تخبرني
حازم: انا لم اخبر احد
إدوارد: حسنا عليك انك تنفذ طلبي
حازم: ماهو
إدوارد: اليوم سنقيم لك حفلة وداع وعلى حسابي
حازم: يا صاح انا لست مهيأ فأنت تعلم ان ابن عمي في المستشفى
إدوارد: نعم اعلم ذهبت له بالامس ولم اجد عنده احد سوى والدته
حازم: امممممممم
إدوارد: لا تفكير هيا بنا فأنا رتبت كل شئ وايضا دعوت جميع اعضاء عصابتنا المتواضعة
حازم: وااااو فعلت كل هذا من ورائي
إدوارد: لا اعذار ولتحضر معك مريم لاني لم اعرف كيف اتواصل معها
حازم: واين الحفل
إدوارد: على شاطئ البحر في الفندق المفضل لنا [ francesca ]
حازم: اووووووه إنه عرض لا يفوت
إدوارد: ههههههههههههههههههههههههههههههه انا في إنتظارك
😃😃😃😃😃😃😃😃😃😃😃😃😃😃😃
في منزل آدم حيث تجلس خلود مع ندى في صالة الاستقبال وآدم في الشرفة ومريم ممتدة على شازلونج في الحديقة بجانب حمام السباحة تمسك بهاتفها وتفتش به
ندى: البيت كئيب جدا
خلود: عارفه ومش قادرة اقول لاي حد عشان معملش طاقة سلبية
ندى: انتي مش محتاجه تقولي البيت كله فيه طاقة سلبية
خلود: يا ترى ماما عامله ايه مع خالد
ندى: الغريب انه طلب ان هي اللي تقعد معاه
خلود: عشان بيحبها جدا
ندى: وجوزك عامل ايه في الوضع ده
خلود: ولا حاجه الصبح في الشغل والعصر في المستشفى وبليل في البيت
ندى: يلا ربنا يعينكم
تأتي الخادمة عليهم
الخادمة بالايطالية: مدام خلود هناك شخص يدعى إيهاب حمزة يريد مقابلة آنسة مريم هل اسمح له بالدخول
خلود: حسنا اسمحي له بالدخول
ندى: مين ده
خلود: دي البلوه اللي اتحدفت على مريم
ندى: قصدك ان هو ده خطيبها
خلود: بالضبط
يدخل عليهم إيهاب
إيهاب: ازيك يا مدام خلود
خلود: الحمدلله... إيهاب دي ندى اختي
إيهاب: ( يقبل يد ندى)  تشرفنا يا هانم
خلود: آدم في المكتب
إيهاب: بس انا مش عايز استاذ آدم انا عايز مريم
خلود: ميصحش تقابل مريم دون علمه
إيهاب: عندك حق
خلود: ( تنادي على الخادمة) (جولي )رافقي استاذ إيهاب لمكتب آدم
الخادمة: بالطبع
ندى: مريم بنتك وقعت واقفة
خلود: يخربيتك  يا ندى
ندى: لا بجد حاجه تحفه
خلود: هو لحق ثبتك
ندى: مش للدرجه دي
خلود: اتلمي يا ندى انتي قد امه ها
ندى: لا طبعامش  للدرجه دي
خلود: عارفه بس اتلمي
ندى: وطبعا مريم اكيد بتكرهه
خلود: جدا دي دخلت المستشفى يوم ماتقدملها
ندى: واللهي حرام اللي بيحصل في مريم ده
خلود: قولي لابوها
يصعد إيهاب للمكتب ويطرق الباب 
آدم: ادخل
إيهاب: مساء الخير يا آدم بيه
آدم: مساء النور  يا إيهاب اتفضل تشرب ايه
إيهاب:متشكر بس انا جي عشان عايز مريم
آدم: عايزها في ايه
إيهاب: هنخرج مع بعض ونتعشى سوا
آدم: بقولك  ايه يا إيهاب ابعد عن مريم واللي انتوا ماسكينه عليا ده فشنك
إيهاب: ماسكين ايه حضرتك
آدم: بلاش استعباط احسن قصدي الورق اللي ابوك مش عارف جابه منين وبيلوي دراعي بيه عشان المشروع وبتذلوني بيه وعايزين تكسروني بجوازك من مريم
إيهاب: حضرتك فاهم غلط مشاكلك مع بابا حاجه ومريم حاجه وبعدين انا مليش يد في موضوع الورق ده
آدم: لاونبي
إيهاب: طيب اعملك ايه عشان تصدق
آدم: هاتلي الورق ساعتها بس اتأكد انك راجل
إيهاب: بس دي خدمة كبيره اكيد قصادها حاجه كبيره جدا
آدم: عايز كام
إيهاب: عايز مريم
آدم: اتجننت صح
إيهاب: انا هعملك خدمه كبيره اعتقد اني استاهل مكافأه وتكون غاليه
آدم: ولو قلت لا
إيهاب: دي حاجه ترجعلك بس ساعتها الله اعلم مصيرك هيكون ايه من الورق اللي مع بابا وبرضو مريم هتفضل معايا ولو اتفقنا انت مش هيحصلك حاجه و هجبلك الورق وانا هاخد مريم وفي نفس الوقت يبقا كلنا استفادنا
آدم: انت عايزني اعمل معاك صفقه على بنتي
إيهاب: مش بالضبط دي حاجه اسمها استفادة جميع الاطراف من الموقف
آدم: افكر الاول
إيهاب: انا بعتبر انك قولت موافق
يطرق عليهم الباب وتدخل مريم
مريم: مش المفروض تتصل الاول
إيهاب: واللهي انا اتصلت كتير بس انتي مش عايزه تردي
مريم: عايز ايه من الاخر يا إيهاب عشان طريقتك مش مريحاني نهائي
إيهاب: طيب احنا هنخرج نتعشى برا وافهمك كل شئ بالراحه ده بعد إذن آدم بيه
آدم: انت خليت فيها استأذان اساسا
مريم: موافقه
آدم:( بإستغراب واستعجاب)
مريم:انزل استنى في العربية وانا هنزل في غضون ربع ساعة
إيهاب: خدي راحتك
يخرج إيهاب والابتسامة على وجهه
آدم: ايه اللي انتي بتعمليه ده
مريم: دي مهزله ولازم تنتهي
آدم: وانتي اللي هتعرفي تنهيها يعني
مريم : مش حضرتك عايز الورق الي معاه
آدم: اكيد
مريم: خلاص اتفقنا
آدم: اول مره اشوف في عنيكي النظرة دي
مريم: هتشوفها كتير الايام اللي جايه  دي ( تخرج من المكتب متجهة إلى غرفتها)
☺☺☺☺☺☺☺☺☺☺☺☺☺
في فندق francesca
مريم: انت ايه اللي جابك هنا
إيهاب: معقول عايشه في إيطاليا ومتعرفيش المكان ده
مريم: لا اعرفه بس الفكرة اني متوقعتش انك تيجي هنا
إيهاب: طب يلا بينا المطعم جوا
مريم: ده على اساس اني اول مرة اجي هنا
إيهاب: وكنتي بتيجي مع مين قبلي
مريم: صحابي
إيهاب: ههههههههههههههههههههههههههههههه
مريم: بتضحك ليه
إيهاب: عشان متوقعتش انك تيجي هنا
مريم: امممممممم
😃😃😃😃😃😃😃😃😃😃😃😃😃
في منزل آدم ويكون ندى جالسة مع خلود وآدم
يطرق الباب فتفح الخادمة  الباب ويكون حازم هو الطارق
حازم: bona sera
آدم: bona sera
حازم: انا عايز مريم ضروري
خلود: هو ايه الحكايه النهاردة
ندى: مريم خرجت
حازم:!!!!!!!؟؟؟؟؟؟؟؟؟؟
خلود: مريم خرجت مع إيهاب
حازم: إيهاب مين وعمي انت ساكت كده ليه
آدم: تعالى يا حازم عايزك في الجنينة
حازم: حاضر يا عمي
يخرجان إلى الحديقة
آدم: سمعت انك مسافر
حازم: صحيح الكلام
آدم: امممممممم كل اللي اقدر اقولهولك لو محتاج اي حاجة انا موجود
حازم: ( يحتضنه بشده ويدمع) انت اكتر من ابويا
آدم: وانت اكترمن ابن طول عمرك زي مريم وخالد
حازم: نصيحة يا عمي ركز كويس حواليك
آدم: عارف ومش وقته المهم تعرف مريم فين وتراقبها
حازم: ليه
آدم: اسمع بس الكلام
حازم: حاضر
يخرج من المنزل متجه إلى سيارته ويتصل بمريم
ولكنها لاتجيب يتصل ويحاول ولا رد
حازم: امممممممم كده يعني الهانم مبسوطة عشان كده مبتردش
يكمل وجهته إلى الفندق ويدخل ويجد أصدقائه في الانتظار
إدوارد بالايطالية: واخيرا نحن نتظرك منذ ساعة
حازم: كيف الحال
صوفيا: ( بصوت عالي)  اين مريم
حازم: لم تتمكن من المجئ
Jian: الموسيقى رائعه
إدوارد: فالنرقص اذا
وبينما يرقصون هم
كانت مريم تجلس مع إيهاب ولا ترى من يرقص ولا تعرف بوجودهم
إيهاب: ( بصوت عالي)  ايه رأيك
مريم: تمام
إيهاب: تيجي نرقص
مريم: لا بقا انت زوتها
إيهاب: فوقي انتي في إيطاليا
مريم: إيهاب انا جايه هنا عشان اعرف نهايتك فين
إيهاب: مليش نهاية يا قطة
مريم: بجد
إيهاب: اه
مريم: عاجبني ثقتك في نفسك اوي
إيهاب: ولسه هتعجبي بيا اكتر
مريم: معتقدش
إيهاب: تشربي ايه
مريم: مش عايزه
إيهاب: يلا قولي الجرسون مستني
مريم: ممكن كولا
إيهاب بالايطالية: واحد كولا وواحد فودكا
مريم: انت بتشرب
إيهاب: اه وايه المشكله
مريم:ثواني وراجعه
إيهاب:ok
تذهب إلى الحمام
بيما يحضر الجرسون الطلب ويبدأ إيهاب في الشرب
تخرج من الحمام
إيهاب:( بنبرة سخرية)  في معادك بالضبط
مريم: اه هو احنا هنمشي امتى
إيهاب:( يقترب من يدها)
مريم: إيهاب فوق ها
إيهاب: انا فايق بس.........
صوفيا بالايطالية: حازم ان مريم جالسة هناك مع شخص
حازم: اين
صوفيا: هناك بجانب النافذه ي
حازم:( ينطلق نحوها وعيونه بها شرار) 
حازم: قومي معايا يلا( يشد مريم من ذراعها)
مريم: ( بإستغراب) حازم
إيهاب: ايه يا عم مش عاجبك انا
حازم: لا مش عاجبني وبعد اذنك يلا يا مريم
إيهاب: عيب لما تاخد حاجه مش بتاعتك
حازم: بقولك ايه انا شايف انك بتستعرض عضلاتك وانت مليان هوا
إيهاب: طب مش قدام البنات
حازم:  ايه خايف
إيهاب:( يضربه بلكمه في وجهه)
ونكمل بكرا
توقعاتكم.......