السكون الذي يسبق العاصفة

11

السكون الذي يسبق العاصفة
الحلقة 11
بقلم/ نور ميسره
مريم:صاحب النادي واسمه مهاب الحارجي
آدم:  انا سم.........
إيهاب:  ( يقاطعهم بالدخول عليهم)  مساء الخير
مريم:  إيهاب!!!!!!!!!!؟؟؟
خلود:  انت عرفت منين ان احنا هنا
آدم: ( بثقل)  اي خدمة
إيهاب:  بصراحه انا مبراقبش حد بس انا شوفت عربية حضرتك هنا فقولت اجي اشوف اذا كنت هتنفذ وعدك ليا ولا لا
آدم: ( بإبتسامة)  اتفضل اقعد
إيهاب:  افهم انك موافق
آدم:  بس بشروط
إيهاب:  تمام موافق
مريم: (تنظر بينهم)  تاكل ايه يا إيهاب
إيهاب: ( يضحك) انتي ليكي عين تتكلمي
مريم:  شوف نفسك مستفز
إيهاب:  بس خلاص انا مسامحك
آدم:  هو ايه اللي حصل
إيهاب: ( يضحك)  الهانم خطيبتي انهاردا ركنتيني على الرف واتكلمت بدالي قدام مهاب الجارحي وخلت منظري وحش
آدم:  هو كان معاكي
مريم( بغضب)  اه معايا لانه صاحبه..... إيهاب احنا اتفقنا على ايه
إيهاب:  على ايه
مريم:  مسمعش كلمة خطيبتي دي تاني
آدم:  هو ايه الموضوع
إيهاب:  الهانم عايزه اني ابطل اقدمها للناس على انها خطيبتي لحد ماهي تتقبل الموضوع
خلود:  عندها حق
آدم:  استمري يا حبيبتي ههههههههههه
مريم:( بنظرة انتصار)  تاكل ايه بقا
إيهاب: يا ساتر عليكي مستبدة ....هاكل زي اللي طلبتيه
يطلب من النادل ان يحضر له نفس الطعام
مريم:  بابا كنت عايزاك تجبلي عربيتي
آدم:  احسن انا كمان كنت هقولك كده
يحضر العشاء ويأكلون
😃😃😃😃😃😃😃😃😃😃😃😃😃
في اليوم التالي
مريم:  صباح الخير يا ماما
خلود:  صباح النور
مريم:  بابا سافر صح
خلود:  اه اخد طيارة الفجر
مريم:  طيب انا خارجه بقا
خلود:  رايحه فين
مريم:  النادي
خلود:  طيب متتاخريش
مريم:  حاضر
خلود:  بابا بيقولك ان العربية هتوصلك مع الحاجات اللي انتي طلباها
مريم:  طيب ماشي
😀😀😀😀😀😀😀😀😀😀😀😀😀
في إيطاليا في شركة disegno
يدخل آدم مكتبه ويدخل ورائه مازن
مازن:  حمدالله على السلامة يا عمي
آدم:  الله يسلمك يا مازن............ اخبار الشغل ايه
مازن:  ماشي تمام امبارح جت الموافقه على التصميم وهنبدأ نشتغل الاسبوع الجاي
آدم:  يعني التصميم عجبهم
مازن:  جدا وبعتوا لحضرتك شكر خاص
آدم:  طب الحمدلله
مازن:  هو حضرتك مش قولت هتيجي بعد شهر
آدم:  اضطريت ارجع لان الشركة  لوحدها وولاد الحرام بعيد عنك كتير اوي
مازن: (ابتسامه خفيفه)  عندك حق
يرن هاتف آدم
آدم:  الوو
حمزة:  مكنتش اعرف انك هتعرف توصل لخزنتي
آدم: ههههههههه هات اخرك
حمزة:  انت فاكر ان الموضوع خلص كده بالساهل لسه في عاصفة كبيرة انت مش قدها
آدم:  وانا مستني هات اللي عندك
حمزة:  ماشي انت اللي اخترت
يغلق الخط
بعد مرور شهر
😃😃😃😃😃😃😃😃😃😃😃😃😃
في منزل آدم في مصر
تجلس مريم في الصالة وتقوم ببعض الأعمال استعدادا للمعرض الخاص بها والصالة غير مرتبة لان بها رسومات وفساتين ودعوات واشياء تخص المعرض
تدخل عليها الام
خلود:  ( تنظر لها والفرح في عينها)  خلصتي واخيرا
مريم:  اه واخيرا ده انا تعبت وطبعت كمان الدعوات
خلود:  طب كويس......... جهزتي القاعة
مريم:  اكييد...... كلو تمام
خلود:  انت ليه هتعملي الحفله في إيطاليا مش هنا
مريم:  لان يا ماما انا معرفش حد هنا خالص
خلود:  الغريبه ان ابوكي وافق انك تعرضي هناك
مريم: مش غريبه ولا حاجه هو عارف ان ده شغلي وهو مش هيقف قدام مستقبلي
خلود:  بعتي الدعاوى ولا لسا
مريم:  مش كلهم في منهم اديتهم لمازن عشان يوزعهم على اصحاب بابا ومعارفه وكده
خلود:  ده على اساس ان اصحاب ابوكي فاضيين عشان يحضروا
مريم:  ماما صحاب بابا متجوزين اكيد او مرتبطين المهم ان هيكون معاهم عنصر نسائي ماهو مش معقول رجال في مناصب زي دي ومش معاهم بنات او مدامات
خلود:  طيب انا هطلع انام لان بكرا في سفر
تصبحي على خير
مريم:  وانتي من اهل الخير
تصعد الام إلى غرفتها وتجلس مريم على الاريكه يرن هاتف مريم
مريم:  الووو
إيهاب:  ( بصوت فيه نبرة فرح)  نمتي
مريم:  لا مشغوله شويه
إيهاب:  مش مفروض تنامي عشان السفر
مريم:  عايز ايه يا إيهاب
إيهاب:  بصي من الاخر انا تحت البيت عندك
مريم:  ( بإستغراب)  وبتعمل ايه تحت البيت
إيهاب:  مش عارف كنت سايق العربية ولقيتني واقف قدام محلات واشتريت كذا حاجه
مريم:  ايوا انجز عايز ايه
إيهاب:  اووف..... ماهو يااما اطلع او انتي تنزلي شويه
مريم:  انت عبيط صح
إيهاب:  انتي مش مامتك فوق يعني عادي
مريم:  ماما طلعت تنام
إيهاب: اتصرفي
مريم:  ايوا اعمل ايه
إيهاب:  طب اسمعي احنا هننزل نقعد في الجنينة وكدا كدا في بواب وفي بتاع الامن
مريم:  فكرة لطيفة
تخرج مريم إلى الحديقة وتكلم البواب بأن يسمح له بالدخول
يدخل عليها حاملا بعض الاكياس
مريم:  ايه اللي في ايدك ده
إيهاب:  اقعدي
مريم:  هنقعد على الارض
إيهاب:  اه( يضع الاكياس على الارض ويجذبها من ذراعها لتجلس)
مريم:  في ايه بقا
إيهاب:  اولا انا جعان فجبت اكل وانتي هتاكلي معايا
مريم: (بنظرة ضاحكة)  انت جرالك ايه انا مبكلش الحاجات دي خالص بليل
إيهاب:  لا هتأكلي لاني جعان ومينفعش تسيبيني اكل لوحدي( ينظر لها نظرة استعطاف)
مريم:  طيب ماشي
يكملوا الطعام ثم يكلمها
إيهاب:  عارفه الكيس ده في ايه
مريم:  إيهاب هو انت ليه فجأه قلبت بابا نويل ايه كل الاكياس دي
إيهاب:  كل الحاجات دي ليكي انتي
مريم: ( بإستغراب)  بس انا مطلبتش حاجه
إيهاب:  اووف يا ربي يا بنتي دي هدية
مريم: ( ترفع حاجبها)  وانت تجبلي هدية بمناسبة ايه
إيهاب: ( ينظر لعينها ويمسك يدها)  بمناسبة اني شفت الحاجات دي وعجبتني فجبتها
مريم: ( تسحب يدها بسرعة)  طب و جايبلي ايه
إيهاب:  اتفرجي انتي
مريم: طيب(تفتح الاكياس فتجد في الكيس الاول الكتير من الشكولاته وبعض الورود ودبدوب والكيس الثاني فستان سواريه والثالث اكسسوارات من الفضة  وعطر والرابع علبة الوان زيت وادوات رسم واوراق رسم)
مريم:  ايه كل الحاجات دي
إيهاب:  كل ده بتاعك اهم شي تكون الحاجات عجبتك
مريم:  متشكرة اوي
إيهاب:  يلا انا مضطر امشي عشان اسيبك تنامي عشان  السفر
مريم:  استنى
إيهاب:  ايه في حاجة
مريم:  انت ليه بتعمل معايا كده
إيهاب:  بعمل ايه بظبطت
مريم:  يعني تعبك معايا الفترة اللي الفاتت والهدايا دي ولسه هتسافر معانا
إيهاب: ( بصوت به نبرة يأس)  مينفعش تعرفي لان لو قولتلك هتدايقي وانا سايبك براحتك لحد ماانتي تسمحيلي.... تصبحي على خير
مريم:  وانت من اهل الخير.....
😃😃😃😃😃😃😃😃😃😃😃😃😃
في صباح اليوم التالي
تنزل مريم وهي تتثأب  بملابس النوم لتجد امها تتناول الافطار بصحبة ندى
مريم:  صباح الخير
ندى:  صباح النور
خلود:  واضح انك نمتي متأخر
مريم:  (تهز رأسها بالايجاب)
ندى: ليه بقا
مريم:  كنت بشتغل و.........
خلود:  ( تقاطعها) عرفت من البواب ان إيهاب جه امبارح بليل
مريم:  ايوا يا ماما وقعدنا في الجنينة
ندى: ( بضحك)  وكان جي بليل يعمل ايه يا قطة
مريم: ( تشرب النسكافيه)  كان جي يديني حاجات جايبها هدايا ليه واتعشينا ومشي
خلود:  هدايا ايه؟!
مريم: ( بإستغراب)  يعني انتي اخذتي بالك من كلام ومأخدتيش بالك من الاكياس اللي موجودة في الصالة
ندى:  وجابلك ايه
مريم:  الاكياس موجودة روحي شوفيها انا عندي مشوار اعمله قبل ما اسافر..... فين جنى وجمال
ندى:  (تضحك)  في الصالة
مريم: (بعدم تصديق) بجد..... طب استأذن انا
خلود: احسن تستاهلي
تدخل مريم الصالة  لتجد جنى وجمال يستكشفون الاشياء الموجودة هناك
مريم:  بتعملو ايه( بضحك)
جمال:  هي الحاجات دي بتاعتك
مريم:  اه
( جمال 6 سنوات وجنى 4 سنوات)
مريم:  اممممم انا هديكم دي ( تعطي لهم بعض الشكولاته من الكيس) 
جنى: ( بطفولة)  مش هنلعب شويه
مريم: اممممم.......
جمال:  يلا يا مريم بقا
مريم:  طب ماشي
يخرج الجميع للعب في الحديقة كرة القدم
مريم:  لا انا تعبت خالص
جمال:  ههههههههههه
جنى: ههههههههههه
مريم: خلاص كفايه لعب انا همشي عشان مش فاضيه
تصعد إلى غرفتها تستحم وتبدل ملابسها
وتأخذ بعض الدعوات وتنطلق بسيارتها
امام النادي....... تلتقط هاتفها ثم تكتب منشور على مواقع التواصل الاجتماعي بخصوص معرضها وتكتب تفاصيل
تدخل وتجد سهى 
مريم:  صباح الخير
سهى:  صباح النور
مريم:  طبعا انا جايه اسلم عليكي وامشي لاني مسافرة
سهى:  اممممم
مريم: ( تعطي لها الدعوة) لو عرفتي تيجي يعني
سهى:  اكيد هاجي
مريم:  طب يلا سلام
تذهب مريم وهي في طريقها تجد مهاب يجلس يتناولا الفطور وتتخطاهم ولكن يلمحها مهاب
مهاب:  اي ده الحق الجو بتاعك هنا
إيهاب: ( يرفع حاجبه)  نعم يا حبيبي
مهاب: (بصوت عالي)  مريم يا مريم
مريم:  اه انتوا هنا ( تتظاهر بعدم رؤيتهم)  صباح الخير
مهاب: صباح الورد
إيهاب:  ( ينظر له نظرة شرار)  فطرتي
مريم:  اه
مهاب:  بتعملي ايه هنا انتي المفروض عندك سفر
مريم:  كنت جايه اسلم على واحدة صحبتي
إيهاب:  طب ايه
مريم:  ايه
إيهاب:  اوصلك لبيتك ولا في مشوار هتعمليه
مريم:  معايا عربيتي شكرا...... مستر مهاب دي الدعوة بتاعتك
مهاب:  متشكر
مريم:  يلا باي
مهاب:  هي بتعاملك كده ليه
إيهاب:  لا دي قصه طويله هبقا احكيلك عليها بعدين انا دلوقتي هروح وراها
😃😃😃😃😃😃😃😃😃😃😃😃😃
في إيطاليا في المطار
يوجد مازن ودارين في المطار
دارين:  ( بصوت عالي)  مريم
مريم:(تقوم بإحتضانها ورفعها لفوق والدوران بها) وحشتيني
تسلم خلود وإيهاب على مازن
مريم: فين بابا
مازن:  في الشغل
مريم:  وزعت الدعاوي
مازن:  ( يهز رأسه)
إيهاب:  انتوا معاكوا عربيه طبعا
مريم:  اكيد.... انت اللي معاك عربية
إيهاب:  اه يلا سلام
مريم:  سلام
😃😃😃😃😃😃😃😃😃😃😃😃😃
في منزل آدم في إيطاليا
في غرفة مريم
دارين:  (نائمة على السرير)  عارفه حياتي ظلمه و كئيبة جدا من غيرك انتي وحازم
مريم:  ليه يا دودي
دارين:  انتو مشيتو وسبتوني
مريم:  ليه مش روميو بيتصل بيكي
دارين:  بس انا مفيش حد بيقعد معايا وانتي عارفه مازن دايما في الشغل وبعيد عنا
مريم:  هو هيجي ولا لا
دارين:  قال انه هيجي
مريم: ( بفرح)  بجد
دارين:  في واحدة فرحت فجأه
مريم:  انجزي مقالش هيجي امتى
دارين:  معقوله مكلمكيش خالص
مريم:  كلمني مرة واحدة بس وقال ايه كان عايز بابا
دارين:  و مكلمش عمي على طول ليه
مريم:  اهو عندك اسأليه
دارين:  المعرض فاضل عليه 3 ايام
مريم:  يارب يعجب الناس
دارين:  يارب
😃😃😃😃😃😃😃😃😃😃😃😃😃
في المعرض في إحدى قاعات الاحتفال
يجلس جميع الناس ويكون الحاضرين اسرة مريم كلها ماعدا حازم واصحابها وإيهاب وامه وابيه واصحاب ابيها وطبعا مهاب وميرا
تدخل مريم ويقف الجميع ويصفق لها الجميع
وتكون مرتدية احدى فستانيها ولكن الفستان ليس من ضمن الفساتين المعروضة
وتجلس مريم على الطاولة التي بها اصدقائها
إدوارد:  حظ موفق
Jian:  المتضح امامنا ان الاحتفال كبير
مريم:  اشكرك..... ليس إلى هذا الحد
ويحضر إيهاب ويستأذن ان يكلم مريم على انفراد
إيهاب:  كنت عايز اخلي ماما تتعرف عليكي
مريم: ( بترحيب)  مفيش مشاكل
يذهب ويعرف الاثنين على بعض
مريم بالايطالية:  مساء الخير
Mary:  مساء الخير
إيهاب:  هذه هي مريم التي كنت اتحدث عنها
Mary:( بنظرة غير لطيفة) جميل
مريم: ( بملل)  تشرفت بحضورك( تذهب لدارين)
مريم:  هو فين اخوكي
دارين:  هناك اهو قاعد مع بنت
مريم:  ( عينها تتوسع من الصدمه وتذهب له)
حازم: (بطبيعة) ازيك يا مريم
مريم: كويسه
صوفيا:حظا موفقا
مريم:  (بإبتسامة)
صوفيا:  نحن لدينا خبر جميل( تنظر لها بإنتصار) لقد  ارتبطت انا وحازم
مريم: ( تنظر لحازم بنظرة عتاب)
حازم:  ( ينظر لها نظرة برود) 
مريم:  ( تستعيد كبريائها) اممممم... جيد... تشبهوا بعضكم
تذهب مريم بعيدا عنهم والدموع متجمدة في عينها وتدخل للحمام وتلمحها دارين فتذهب ورائها
دارين:  مالك في ايه
مريم:  ( وودموعها تنزل بإنسياب) اخوكي
دارين:  ماله
مريم:  باعني
دارين:  ازاي
مريم:  راح للزفته بتاعته
دارين: (بصدمة) 
مريم:( تمسح دموعها)  مش هو عايز كده ميلمش غير نفسه
دارين:  بتهزري صح على فكرة هتحاربي في حرب انتي اللي هتخسري فيها
مريم:  مريم مبتخسرش اهم شي ان الموضوع ده بينا
دارين:  من غير ما تقولي انا اصلا مش عاجبني الموضوع ده
على طاولة مهاب
ميرا:  (متمتمة في سرها)  بقى انتي تطلعي صحبةالمهرجان ده كلوا
مهاب: سرحانه في ايه
ميرا: ( تفيق من شرودها)  ها...... انت تعرف مين هنا
مهاب:  غريب انك بتسألي
ميرا:  المره دي سألت لان انا اول مره احضر حفله برا مصر
مهاب:  ماشي يا ستي.... العرض ده بتاع واحدة اسمها مريم آدم
ميرا: (بغيرة مصطنعة)  وانت تعرفها منين
مهاب:  حيلك حيلك انا اتعرفت عليها عن طريق واحد صاحبي
ميرا: اممم
مهاب:  بتغيري هههههه
ميرا:  طبعا
مهاب: هههههه يا مجنونه
😃😃😃😃😃😃😃😃😃😃😃😃😃
يبدأ عرض الازياء والكل يشاهد في صمت
وتبادل نظرات بها شرار بين مريم وصوفيا وحازم وإيهاب ومازن يشاهد نظرات الجميع لبعض
وبعد انتهاء العرض تصعد مريم إلى المسرح مع جميع العارضات ويصفق لهم الناس بحرارة
على طاولة عائلة آدم
خلود:  الف مبروك ليكي
آدم:  هي دي بنت آدم فريد
مريم:  متشكرة اوي يا ماما وبابا
إيهاب:  (يقبل يدها) مبروك
مريم:( تسحب يدها بسرعة)  الله يبارك فيك
حازم: (ينظر له نظرة شرار) 
مريم: ( تشاهد تعابير وجهه بفرح)
آدم:  اخبارك ايه يا حازم يا ابني هناك
حازم: كويس جدا يا عمي انا خلاص تقدر تعتبر حياتي انها تمام
مريم: وانت لحقت
حازم:  عادي زي ماانتي نجحتي
مريم: مبروك....... انا هستأذن ثواني
تخرج خارج القاعة نهائي وتقف في جراج السيارات
إيهاب:  معلش ثواني
حازم:  انا هقوم شويه
آدم:  اتفضل
يخرج إيهاب وراء مريم ويجدها واقفه تشاهد القمر
إيهاب:  بتعملي ايه
مريم:  ( بصوت مخنوق) مدايقه وارجوك تمشي
إيهاب: لا مش همشي
مريم: خلاص انا همشي
إيهاب: ( يمسك ذراعها) استني..... انتي زعلانه عليه صح قولي...انا شوفته اصلا وهو بيحضنها... وانتي صعبانه عليا عشان بتحبي واحد عمره ماشافك وبيعمل كل ده عشان فلوس ابوكي
مريم: (تترقرق الدموع من عينها)  وانت مين قالك انو عشان فلوس ابويا ....انت متعرفش حاجه اسكت و متتكلمش عليه
إيهاب:  تقدري تقولي كان عامل نفسه بيحبك ليه.... اذا كان اخوه الكبير راح يشتغل عند ابوكي لان عمك رمى ولاده فكان لازم يطمع في اي حاجه ويعمل اي شئ عشان يوصل
مريم:  وليه متكنش انت اللي طمعان
إيهاب: ( بضحكة سخرية)  انا.... انا إيهاب حمزة وفلوسي تغطي فلوس والدك
مريم:  ومين قالك ان حازم طمعان... حازم علمني وعملي حاجات كتير اوي وبيخاف عليا
إيهاب:  شكليات بدليل انه باعك وراح لصحبتك
مريم:  وليه متكونش انت اللي طمعان( تكررها بصوت عال)
إيهاب:  وانا هطمع فيكي ليه بقا...... انا مش محتاج من والدك حاجه ولا منك وبفلوسي اقدر اجيب اي شئ انا عايزه او افكر فيه
مريم:  والشئ اللي هتجيبه بفلوسك ده زي ما تفكيرك المريض مصورلك هو انا صح
إيهاب:  لا يا مريم انا بحبك ولو كده كنت جبتك قهر ( يقترب منها)  انتي الوحيدة اللي مبعرفش اعملها حاجه.... وصابر و مستحمل بعدك عني واهتمامك بيه عشان بحبك.... ولو مكنتش بحبك مكنتش روحت لوالدك وجبتله الورق عشان انقذه من ورطة ومكنتش هروح وراكي مصر ومكنتش هساعدك في اي حاجه تعوزيها.... افتكري اي حاجه واحدة تغفرلي
مريم: (مترددة)  انا..... انا
إيهاب: قوليها يا مريم.... ولو مش عايزه انا هديكي فترة
يدخل عليهم حازم مصفقا بسخرية
حازم: ( بضحكة سخرية)  حلو حلو حلو اوي
إيهاب:  عايز ايه مش كفايه بقا
حازم:  هو ايه اللي كفايه.... كفايه انت يا ابني ده انت عملت شو رخيص.... انا صدقتك
مريم: (تنظر بينهم)
إيهاب:  نسيبها تختار
حازم:  مفيش مقارنه بيني وبينك
مريم: (بقوة)  عايز ايه يا حازم انت مش صوفيا مستنياك
حازم:  ( يمسك ذراعها بقوة)  جرالك ايه انتي نسيتي نفسك
مريم:  ( تفلت منه)  لا منستش نفسي انت اللي نسيت نفسك يوم ما فكرت انك تسيبني انا وتروحلها
حازم:  انتي مش فاهمه حاجه
مريم:  بجد لا فاهمه و فاهمه كويس اوي انك واحد استغلالي واناني واطي
حازم: مريم اعقلي انتي دلوقتي مشاعرك هي اللي مسيطرة عليكي فكري بعقلك
مريم:  انا عقلي فكر وفكر كويس اوي ولقاك انك طماع وواطي
حازم:  برافو عليكي واضح انك بتسمعي كلامه وانه سيطر عليكي
مريم:  تقدر تقولي متصلتش بيا ليه الشهرين اللي فاته
حازم:  انتي عارفه اني مدايق و مجروح منك بعد اللي قلتيه وبعدين انا كنت مشغول جدا بين دراستي وشغلي الجديد
مريم:  مدايق...... حلوه دي وانت من امتى بيهمك اوي الموضوع ده ماانت علطول في  حياتي انسحبت فجأه ليه ها!!؟!  اقولك ليه عشان مصلحتك خلصت ولقيت سكتك فوق انت من غير بابا متسواش وبعدين  مفيش حد مشغول 24 ساعة معندكش وقت تكتبلي في رسالة تطمني عليك..... بس كنت بتلاقي وقت تطمن على اختك و الزفته بتاعتك .....بس فعلا لايقين على بعض ماانت شبها خاين وندل وجبان وبتاع مصلحتك.... اقولك حاجه يا حازم انتهى الكلام انت بالنسبالي ميت خالص ومش عايزه اشوفك عندي في البيت
حازم: ( بصدمة) هو فعلا انتهى لانك مسبتيش ليا فرصة اني اعرف اتقبل اني اشوف وشك تاني بس مترجعيش ندمانة لاني ساعتها هدوس عليكي زي ما عملتي معايا
إيهاب:  متقلقش يا حبيبي عمرها ما هتبصلك اصلا
حازم: انت ليك حساب من نوع خاص هخليك زي الكلب وهتتمنى الموت كل يوم
إيهاب:  انت اقل من اني ارد عليك اصلا بس انت اللي يرحمك مني انها واقفه بس
يدخل عليهم مازن ويشاهد مريم وعينها تدمع
مازن:  ايه التجمع ده
حازم:  مفيش انا كنت مروح ولقيت مريم بتعيط بس  ولقيت ده هنا
مازن:  انتي كويسه
إيهاب:  اه كويسه( يأخذ مريم للحمام)  بطلي عياط وامسحي دموعك وعدلي الميكاب بتاعك
مريم: (تهز رأسها بالايجاب)
😃😃😃😃😃😃😃😃😃😃😃😃😃
مازن:( بإنفعال)  انت ايه اللي رجعك
حازم: ( بصوت عالي)  ملكش دعوة
مازن:  تستاهل كل اللي جرالك اهي هي اللي وجعتك.... ودي حاجه هتخليك تفكر الف مرة قبل ما ترجع هنا تاني
حازم:  مش هرجع هنا تاني غير وانا بدوس عليكم واحد واحد
مازن: (بإستهزاء)  طيب ماشي
😃😃😃😃😃😃😃😃😃😃😃😃😃
تقف مريم امام المرآه وتسترجع بعض الذكريات
فلاش باك 1
في الشاطئ في الليل حازم ومريم ممتدين على الرمل
حازم:  عمرك عديتي النجوم
مريم:  انت جايبني بليل تقولي كده
حازم:  اكيد لا طبعا
مريم:  امال ايه
حازم: مريم
مريم:  ها في ايه
حازم: مش عارف
مريم:  ( بضحك)  ولا انا
حازم: (يضحك) يبقا اتفقنا
مريم:  حازم
حازم:  ايه
مريم:  مش عارفه
حازم:  (يضحك اكثر)  يبقا يابنتي كده احنا فهمنا
فلاش باك 2
في بيت عاصم
في غرفة دارين
يدخل حازم على مريم ودارين
حازم:  احم احم
مريم:  ايه العبط ده
دارين:  مش تقول لمريم كل سنة وهي طيبة
حازم:  وانتي مين قالك اني هقول( يخرج من علبه زرقاء سلسلة)
مريم: اممم
حازم: ايه رأيك
مريم:  تحفه
حازم:  دي لدارين
مريم: (تلكمه في كتفه) 
حازم: وجعتني يا متوحشه واللهي طيب لفي عشان البسهالك
مريم: الله تجنن يا حازم
حازم:  ( بضحك)  فين بوسة عموو بقا
مريم: (تلكمه في كتفه)
حازم:  خلاص مش عايز....... كل سنة وانتي بخير
مريم:  وانت طيب
فلاش باك 3
مريم في المرسم ويظهر صوت رجولي من وراء مريم
حازم:  ( بصوت مخيف)  مرييييم
مريم: (بخوف ورعب)  يا متخلف بطل بقا حركاتك دي
حازم: هههههه خوفتك صح
مريم:  عايز ايه يا زفت انت
حازم:  بقا انا زفت ماشي زي ما تحبي..... عارفه ان انهاردا كنت هخرج واحدة انهاردا ونروح السينما نتفرج على فيلم جديد
مريم: (تتوسع عيناها)  بجد
حازم: لا خلاص عشان الواحدة دي بتشتمني
مريم:  خلاص هروح لوحدي
حازم:  مش معاكي عربية
مريم:  السواق
حازم: عمي ادى السواق اجازه
مريم:(بنظرة طفولية) بتذلني
حازم:  لا خلاص قلبي الصغير لا يحتمل هخرجك السينما
يدخل خالد
خالد: هتوديها السينما يا بتاع لوحدكم ولا ايه
حازم: ( يضحك)  لا طبعا خلودة هاخدك انت ودارين
مريم:  ههههههههههه
حازم: (يهمس في اذن مريم)  الخروجه باظت
خالد: بتقول حاجه يا حازم
حازم:  لا يا روح حازم سلامتك
مريم:  ههههههههههه
باااااك
يطرق الباب ويكون الطارق إيهاب
إيهاب:  مريم انتي كويسه
مريم: (تمسح دموعها)  اه اه..... انا طالعه(بعد دقيقتين تخرج)
إيهاب: احسن دلوقتي
مريم: اه يلا نرجع بقا و ياريت متتكلمش في اللي حصل مع حد
إيهاب:  حاضر
😀😀😀😀😀😀😀😀😀😀😀😀😀
في القاعة يجلس اصحاب حازم ومريم على طاولة واحدة
صوفيا بالايطالية: حبيبي اين كنت
حازم: في الحمام
إدوارد:  صراحة لقد اعجبني العرض
Jian:  مبدعة
صوفيا:  ليس الموضوع بهذه الروعة
تأتي عليهم مريم
مريم: (بمزاح وضحك)  العشاء قادم في الطريق
إدوارد: فكرة رائعة
Jian:   وانا ايضا جائعة
مريم:  احب ان تتعرفون على شخصا ما......... اقدم لكم إيهاب
إيهاب:  سررت برؤيتكم
إدوارد:  تفضل بالجلوس معنا
Jian:  اهلا بك
يجلس إيهاب بجانب مريم
صوفيا:  ( بخبث ومكر)  وما علاقتك به صديق او حبيب او قريب.......
مريم: (تفهم مكرها)  انه....... (تنظر لايهاب وتتأثر بنظرته لها  ان تقول لهم علاقته بها)  انه خطيبي
حازم: (ينظر لها ببرود)
إدوارد: اممممم
إيهاب: (في قمة سعادته)
صوفيا:  ( تستفز مريم)  اوووووه ان هذه الاغنية احبها هلا رقصنا عليها يا حازم
حازم:  هيا بنا
مريم: ( داخليا تقول لنفسها)  اختاري مستقبلك يا مريم هو مشي وسابك واختار صوفيا بدالك
بعد العشاء يتم تشغيل اغنية رومنسية ويصعد الفتيات والفتيان والرجال والنساء للرقص
إيهاب:  الله انا بحب الاغنية دي اوي
مريم:   وانا كمان بحبها اسمها careless whisper واللي بيغنيها George Michael
إيهاب: ( يضحك)  ايه ده كلو...... طيب تسمحيلي ارقص معاكي
مريم: انت ناسي اني عازفة.......(تنظر لحازم ويكون متجاهلها)ماشي موافقه
صوفيا: ( تراقبهم وهي غير قادرة على تفسير الكلام)
حازم:(بإغتياظ ولكن كتمه )ما رأيك ان نرقص يا صوفيا
صوفيا: ( تبتسم)
يصعد الجميع للرقص صوفيا مع حازم ومريم مع إيهاب وآدم مع خلود وشيرين مع عاصم ومهاب مع ميرا و غيرهم
آدم:  ( يراقب ابنته وهو غير قادر على تفسير ما تفعله اذا كان حقيقي ام مصطنع)
إيهاب: انا فرحان اوي
مريم: (تبتسم ابتسامة خفيفة)
حازم:  ( ينظر لهم لكن يحاول تجاهلها) 
إيهاب:  ( يهمس في اذنها)  هخليكي ملكة العالم
مريم: ( ابتسامة سخرية)
إيهاب:  مش مصدقه... بكره تشوفي لما تبقي بتاعتي واوعدك ان مفيش مخلوق يمسك بالشر لا انتي ولا اهلك
مريم: (تنظر لعينه وتحس بالخوف وترتعش)
إيهاب: (يمسك ذراعيها ويمتلكها)  اهدي مفيش حاجه
مريم: لو سمحت كفايه انا تعبت
إيهاب:  زي ما تحبي
مريم: (تشاهد حازم يضحك مع صوفيا )
😃😃😃😃😃😃😃😃😃😃😃😃😃
وبعدما يكتمل العرض ويرجع حازم لألمانيا وهذه المرة تسافر معه صوفيا وترجع مريم لمصر مع امها ويبقا آدم هناك
في منزل مريم يرن هاتفها
مريم:  الوو
سهى: انتي فين بقالك فترة مبترديش
مريم: في حاجه يا سهى
سهى: مفيش كنت هقولك ان في بروڤا بعد 3 اسابيع  للسباق لو ناوية تشاركي
مريم: (كانت ستقول لا ثم توافق) تمام هاجي
سهى:  تمام تعالي race park
مريم:  اتفقنا