حياة مضلمة 🔗💔

حياة مضلمة ( 5 ) 🔥

مرام : نفس الشي اول ما سكرت منه مشت تجري رقدت ع السرير وبدت تفكر فيه ممشاش من تفكيرها بكلم
مشت تقرا وبعدين يرن الهاتف تاني تحسابه توفيق لاكن كان رقم غريب يتصل
شافت الرقم 🤨 من هدا توا يتصل !! نردر
مرام : الوو السلام عليكم
انور : ( بصوت مبحوح ) ايواا ميرو
مرام : عرفت صوته ، تفضل منو !
انور : نسيتي صوتي معقولة نسيتيني😔
( يستخف يبي يصلح لي صار لانه مخداش منها لي يبيه قاعد ف يدحنس اكتر )
مرام : تبكي مش قادرة تكلمه 😭 شن تبي مني انت علاش تكلم فيا قاعد شن تبي مش ساد لي درتهولي هدااا 😭💔 ( صوتها يقطع القلب مسكينة 🥺 )
انور : في سره ( هه مشفتي شي قاعدة )
خيرك حبي شن فيه علاش تبكي ما عاش ولا كان لي يزعلك 😯😞
مرام : خلاص انور سكر الموضوع ومعش تكلمني
انور : تيي اني هاتفي انخنب مني ايميلاتي مشو كلهم وكل شي صار بسرعة مقدرتش نكلمك
مرام : وهيا فاصلة من الضحك 🤣 تي غر شنو تقول انت تي اقل شي بعد ما انخنب هاتفك بي اسبوع خديت هاتف تاني واصلا انت ديما تنزل في صور ع ايميلاتك لي ع اساس سكرتهم وانت دايرلي حظر منهم 😂 واني فتحت ايميلات تانية بش نراقبك تيي اصحى على روحك راهو فات 3 شهور وحني منفصلين اصحى على روحك خلاص راك انكشفت من زمان ي بابا ( سكرت الخط وتفجرت بالبكي ) يتصل بيها توفيق
توفيق : خيييرك هاتفك مشغول من بكري من كنتي تكلمي هدا كله 😠💔
مرام : صوتها مبحوح من كتر البكي ، اسفة ي قلبي كان عطلت عليك كنت نكلم في حد
توفيق : ايي ومن هوا هدا الاهم مني انشاء الله
مرام : حكتله لي صار كله لانها من البداية قالتله انها كانت تكلم في انور .
توفيق : 😳😳 وعلاش هكي يحب يكدب هوا
مرام : مشعارفة مشعارفة 😭😭
توفيق : خلاص حبيبتي معش تبكي واطلعيلي توا قدام باب حوشكم نبيك شوي
مرام : بجد حبي توا😞
توفيق : وعمري كدبت عليك اني تواا هي قولي🤨
مرام : لا يقلبي خلاص شوي ونجيك
( طلعتله سلم عليها وكان مرتبك هلبا وهيا تبكي قاعدة ، ايده في أيدها وجبدها حضنها بالقوى )
توفيق : ميرو ي عمري انتي معش تبكي حقك اني ناخدهولك منه الزامل هداك وتشوفي انتي لي نديره ع خاطرك 😠❤️❤️
مرام : زادت حضناته اكتر وبدت تبكي بعدين وخر توفيق شوي وقاللها ايي قريب نسيت
توفيق : هيي حبيبي غمضي عيونك 😁🤤
مرام : امم حبي مش وقته توا شن فيه 😔
توفيق : انيي قتلك غمضي عيونك وتوا خير ما نعيط وعارتني نديرها
مرام : باهي هي غمضت
توفيق : وهوا يقرب منها ، بالشوي حط يده ع خدها و هوووبااا عطاها بوسة 💋🤤
مرام : فتحت عيونها مصدومة سخنت😳🔥
خيييرككككك شننن ترفس وكلن شافنا حد توا هي
توفيق : متخافيش حبي مشافنا حد مأمن الطريق اني 😂😁🤤🤤
مرام : اهاا باهي هي اني بنخش توا بردت
توفيق : لا استني اني مش ع خاطر هدا مناديك راه 😁
مرام : يب شن فيه تاني 😅
توفيق : غمضي عيونك تاني لو سمحتي يعني☺️
مرام : وااااك باهي هي سكرتهم 😯 كانت خايفة
توفيق وخر ع الحيط وكان جايب بوكيه ورد صغير مش كبير وفي معاه خاتم زي الدبلة حلوو بسيط ونازك ومقاس يدها بالزبط
توفيق : افتحي عيونك 😁😁
مرام : تحشمت هلبا ووجها بدي احمر 🙊💗
هلبا هكي عليك ي روحي زايدة معاك هلبا
توفيق : مفيش حاجة تغلى عليك ي عمري انتي
مرام : ( كيف بتخش تلفتتله رجعت ) حضناته بكل قوتها ، نحبك ي فرخ هلبا اني حقربي😭❤️ وبدت تبكي حضنها قاللها : خلاص ي بكاية اسكتي حتى ني نحبك موت
مشت مرام تجري للحوش لقت امها في المطبخ
ناجية : من وين ليك هدا ي فرخة ووين كنتي 😳
مرام : جابهملي توفيق بكري 😅
ناجية : ومن توفيق هدا انشاء الله
مرام : غر خلي نمشي نرفعهم قبل ما يطلعو عليا خوتي تو نجي نحكيلك
ناجية : باهي امشي
شيييطت تجري لي دارها وفرحانة مش ع خاطر البوكيه ولا الدبلة فرحانة لانه توفيق غيرلها جوها واللي زاد عليها انه حضنها وبأسها تاني 🤤 الله شعور
يومها مينوصفش شعور حلو لما تحب وتنحب
ناجية : مراااااااااام تعااااللليييييي هييااااا
مرام : باااااهههييييي انييي جالليياااا ، ههه ماما تشوقت شكلها 😁 لاكن الدبلة تحفة طالعة في يدي ، زعما كيف عرف مقاسي😂
نزلت لي امها
ناجية : هاا هي احكي من توفيق هدا
مرام : كيف جاية بتتكلم يتصل بيها رقم ، من هدا زعما
ناجية : ردي بالك توفيق باهي 🤨😑
مرام : لا لا مش توفيق رقمه نعرفه هداك
ناضت بترد وهوباااا مفاجاة لقت قدامهااا.......

يتبع 🔥