حياة مضلمة 🔗💔

حياة مضلمة ( 10 ) 🔥

مرام : ي عمرييي قداش يهبل الفرخ 🤤❤️
دعاء : تمسكتي انتي وين وحني وين
مرام : اسمعي دودي ....
دعاء : نعم حبي
مرام : عادي تعـ.......
ويخش عليهم فجاءة عدنان بابا دعاء
عدنان : دعااااء تعالي يعندينك ي بنت الكلب ي وقحة يلي متتحشميش معرفتش نربيكم لا انتي ولا خواتك خيييرهم بناتي مش زي بنات محمد ربيتهم ع العز ديما خير دينمهم يديرو فيا هكي
مرام : اهدى ي عمي خير شن فيه
عدنان : خيير من وين بيجي الخير واني عندي بلوة زي هادي
دعاء : بابا اهدى وفهمني شن فيه راه حني في المشفى بلا عياط 😬
عدنان : بلا عيااااط خليتي فيها بلا عياط انتي ولا باهي اني هديت ونفهمك شن فيه لاكن بعدييييين مدخليش فيك كان قتلتك
مرام : اهدى ي عمي احكي خيرك شن صاير
___________
مرام كان عندها خاطر عند الكل ويحبوها لانها كانت تتفهم الضروف مش زي باقي بنات عمها و خواتها دراهات ومتعاودش في الكلام وهادي حاجة تانية تخلي الكل يحبوها مش غير عيالها
___________
عدنان : تو شوفي ي مرام ي بنتي قبل كل شي اني اسف لاني قربعت ألباب عليك واني عارفك مريضة لأكن اعصابي فارو من عمايلها الوحد يقتلها احسن م يموت من المصايب لي دير فيهم
مرام : خيرها شن دارت تاني
عدنان : ( طلع الهاتف من جيبته وورااها صور دعاء شبه عريانة ، ) شوفي ي بنتي تو انيي تحملت عمايلها هلبا والصور هادو حتى لو لقيتهم في هاتفها عادي مندورش صح نتعصب و نعيط وندير العار لاكن عادي هاتفها وهيا حرة فيه
مرام : مالا وين لقيتهم انت 😳😳
عدنان : هاادييي المشكلة باعتهملي ولد حرام ع الماسنجر وكاتبلي شوف عرضك مشاء الله ع الجسم 😠😤
مرام : تشوف لي دعاء وعمها وساكتة مصدومة لان دعاء كانت عاقلة ومتكلم في حد
دعاء : بـ. بـ. باببا خلي نفهمك قبل 😭
عدنان : اقلبي وجهك من جنبي
مرام : عمي عادب تعطيني هاتفك شوي
عدنان : علااااش
مرام : بنشوف من باعتهملك يمكن نعرفه
عدنان : هاك شوفيه وإيميلي تلقيني مصوره مع انه مجهول لاكن بالله ي بنتي حاولي تعرفيني من هوا اني بنطلع توا ودبرو
مرام : تمام عمو
طلع عدنان قال في سره مرام عاقلة وكويسة يمكن تديرلها حل خير م نتهور اني ونقتلها
مرام سكينة كانت منهكة ومش قادرة تتحرك ومصدعة من كتر الضرب لي كلاته من خوها لاكن تحاول تبين العكس قدام الكل
مرام : دعاء تقربي
دعاء : ( واضح عليها التلبك😰 )نعم
مرام : فوتيني من التفتيش والجو هدا كله لاني مش قادرة متحركة وجسمي كله وجع من الاخير قوليلي لي من باعته الصور واني نتصرف
دعاء : شن بديري باهي😓
مرام : دعاء احكي منوو خير م ندير لي في راسي وكان درت حاجة متلومينيش بعدبن
دعاء : باعتتهم لـ.......
الباب طق طق طق
مرام : ( ااه ي ربي صبرني )تفضل
نجلاء : ميرووووو حبيبتي خيرك ي عمتو كيف صار هكي 😭
مرام : ( حيي مش وقتها بكل يلا عادي ) اهلين عمتو شفتي شن دارو فيا 🥺
نجلاء : معليشي ي روحي كلها فترة وتعدي ، متعرفنيش شن هيا السيارة لي خبطاتك
دعاء : الاا....
مرام : قصت عليها ، لا والله معرفتهاش مشت تجري
دعاء : تشوف باستغراب لي مرام وساكتة ، اكيد متبيش تقول ع اللي صار نسكت خير
نجلاء : ايي شن حالك توا وحقربي طول سمعت مستنيتش حتى هوا الكلام صح ولا لا ولعت السيارة وجيييتك جري الا ميرو ي وخيتي
دعاء : تتفرج مش عاجبها 😒، نخليكم اني شوي
( تبي تهرب من إسالة مرام لان مرام صح طيوبة لاكن في نفس الوقت عندها تفكير ابليس ولو حطت حاجة في راسها مستحيل تطلعها ابداا لين يصير لي تبيه )
مرام : لا خليك انتي وين هاربة نبيك شوي 😑
نجلاء : ميرو حبي نجيك بعدين اني توا عندي موعد مع دكتورتي في العيادة الـ... نكمل ونجي
مرام : تمام عمتو ديري بالك ع روحك ☺️
نجلاء : هي بالسلامة بنات
مرام & دعاء : بالسلامة عمتو
دعاء بدي يوضح عليها التوتر هلبا
مرام : ايي هي احكي لي من باعتتهم
دعاء : اسمعي ميرو بنيت عمي بنقولك حاجة باهي وهيا قصة طويلة شوي المهم راه اني حاصلة ولو مبعتش صور وقتها كنت مشيت فيها ومش جنبك توا
مرام : باهي احكيلي واني وعد مني نردلك حقك تالت متلت
دعاء : مرام متاكدة نخاف عليك اني راهو صاعب وانتي بروحك حاصلة في مشكلة قاعدة
مرام : سكري عليا فمك اني ميهمنيش شن هيا القصة ولا اي شي بس ح نردلك حقك كله غير قوليلي ي همي لي من باعتتهم
دعاء : متنصدميش 😰
مرام : تيييي احكييييي خير م نوض نقلب عليك المشفى توا ( مرام عصبية للنم وتتنرفز من ابسط شي)
دعاء : باعتتهم لـ.......
يتبع ....